Nehemi 13:16 - Sră Goh 2018

¹⁶ Kung gơs cau bơh Tirơ ơm tòm Jerusalem. Bol khai neh cèng ka mơ ală phan kă bro tus tac gơ mơ làng bol Juda ơm tòm Jerusalem tòm ngai Saƀat.

Nehemi 13:16 Mawu Ofanana

Nehemi 13:15

Tòm ală ngai hơ̆, añ gŏ cau tòm Juda pat plai ño tòm ngai Saƀat. Gơs cau cèng kòi hơđang alàng, mơ kung pơdiang tơrnòm, plai ño, plai ƀal, mơ ală phan ndai hơ Jerusalem tòm ngai Saƀat. Behơ̆ tàng añ neh bơto pơrhơng bol khai bơh bơta tac phan sa tòm ngai hơ̆.

Nehemi 13:17

Tŭ hơ̆ añ lah pơrhơng ală kwang at bồ lơgar Juda dê lah: Ñchi broă iơh bol mê lơh be do, mơ lơh ƀơ̆ ƀơl ngai Saƀat in taih?

Lik Ejiptơ 20:10

mơya ngai poh la ngai Saƀat Jehôwa Yàng Tom Trồ bol mê dê. Tòm ngai hơ̆ bol mê, kòn klau, kòn ùr, cau klau duh broă, cau ùr duh broă, ală phan poan jơng, bal mơ ală cau làng bơdìh ơm tòm hìu bol mê dê rơp ò lơh dô nơm broă lơi.

Lik Ejiptơ 23:12

Lơh tĕ broă bol mê dê tòm prau ngai, mơya tòm ngai poh gen bañ lơh broă, tồ kơnrồ mơ alàng bol mê dê geh rlô, mơ cau dĭ deh tòm hìu mê dê bal mơ cau làng bơdìh rgơi geh bơtơl pràn wơl.

Yal Wơl 5:14

mơya ngai poh la ngai Saƀat Jehôwa Yàng Tom Trồ bol mê dê. Tòm ngai hơ̆ bol mê ò di lơh broă lơi, bol mê, kòn klau hala kòn ùr bol mê dê, cau klau duh broă hala cau ùr duh broă bol mê dê, kơnrồ, alàng hala phan poan jơng lơi ndai bol mê dê, hala cau nac crih tòm hìu bol mê dê, nàng cau klau duh broă mơ cau ùr duh broă bol mê dê rgơi ơm rlô kung be bol mê.