Nehemi 12:43 - Sră Goh 2018

⁴³ Bol khai ơn oă ngan ală phan duh khoai mơ hòn chò tòm ngai hơ̆, tài bơh Yàng Tom Trồ neh lơh bol khai in hòn chò mơ bơta hòn chò dờng. Ală cau ùr mơ ală cau kơnòm kung chò hòp, sap ntas bơta chò hòp tòm Jerusalem geh kơno ngài ngan.

Nehemi 12:43 Mawu Ofanana

Ejra 3:13

Gen tàng ò gơs cau lơi rgơi cah is digùl jơnau hòn chò mơ jơnau ñìm rac, tài bơh làng bol driau dờng nggồr nggàc, mơ cau kơno jơnau ntas hơ̆ ngài ngan.

Đơs Crih 92:4

Ơ Yàng Jehôwa, bơh Kơnràñ neh lơh añ in chò hòp bơh broă lơh Kơnràñ dê; Añ rơp đơs chò dô bă hòn chò bơh ală broă tê Kơnràñ lơh.

Jeremi 31:13

Gen ală cau ơruh dềt rơp hòn chò tòmya, Ală klau pơnu mơ ală ồng kra kung rơp chò hòp bal Añ rơp tòmgơl bơta ñìm rac bol khai dê gơlik gơs bơta hòn chò, Añ rơp pơndòm pơniang bol khai ai hòn chò ala moat jrùng.

Jakơ 5:13

Gơs cau lơi tòm ală oh mi tìp bơta bòl glar jê sồt sơl? Cau hơ̆ hòi dan tĕ. Gơs cau lơi geh bơta chò hòp sơl? Cau hơ̆ đơs chò tĕ jòng ro Yàng.

Ephesô 5:19

Ngui ală bơta đơs crih, bơta đơs chò, mơ sèng đơs chò đah hwềng mơ đơs chò bal, bơr đơs chò mơ nùs jòng ro Yàng.

Jang 16:22

Behơ̆ tŭ do bol mê gơs bơta moat jrùng, mơya Añ rơp gŏ wơl bol mê gen nùs bol mê rơp hòn chò, mơ ò gơs cau lơi rgơi kơñau bơta hòn chò bol mê dê.

Mathiơ 21:15

Mơya tòm tŭ ală cau gơnoar lam bồ ơn phan duh khoai mơ ală cau bơto bơta boh lam gŏ ală bơta crih crài Kơnràñ neh lơh, mơ kơno ală cau kơnòm driau tòm hìu duh khoai lah: “Hôsana Kòn Dabit!” Gen gơhào gơjrañ;

Mathiơ 21:9

Mpồl làng bol cau ƀà lòt lài, cau ƀà jat tơnơ̆ driau dờng lah: “Hôsana, Kòn Dabit. Lơngai Bơtau ai sơnđan Yàng mơ tus. Hôsana hơđang jòng rlau jơh.”

Jeremi 33:11

gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Đơs Crih 28:7

Yàng Jehôwa la bơta pràn kơldang mơ la khèl añ jê; Nùs añ neh dòn kơnòm di Kơnràñ mơ geh dong kòl; Tài behơ̆ nùs añ gơs hòn chò ngan, Mơ añ ai bơta đơs chò nàng ưnngài Kơnràñ.

Đơs Crih 27:6

Tŭ do bồ añ pò tơngguh hơđang rlau mơ jơh ală cau sò tơm gùt dar añ; Tòm sàl Kơnràñ dê añ rơp ơn phan ơn duh khoai bal mơ jơnau driau dờng hòn chò; Añ rơp đơs chò mơ jòng ro Yàng Jehôwa.

Sră Jop 34:29

Mơya dilah Kơnràñ ơm mŏ mŏ, ñcau rgơi lơh nền glài Kơnràñ taih? Dilah Kơnràñ pồn mat, ñcau rgơi gŏ Kơnràñ taih? Bulah dô nơm làng bol hala dô nă is cau dê,

II Yal Yau 20:27

Gen jơh ală cau Juda mơ làng bol Jerusalem bal mơ bơtau Jehôsaphat rê wơl hơ Jerusalem dô bă hòn chò, bơh Yàng Jehôwa lơh bol khai in hòn chò pha rlau mơ cau sò tơm bol khai dê.

II Yal Yau 20:13

Tòm tŭ jơh ală cau Juda ntào di đap Yàng Jehôwa bal mơ ală kòn dềt, mơ ală bau ùr mơ ală kòn sau bol khai dê.

II Yal Yau 7:10

Tòm ngai bàr jơt pe kơnhai poh, khai sồr làng bol rê hìu bol khai dê, nùs hòn chò mơ hwềng nùs niam; tài bơh bơta niam mơ Yàng Jehôwa ràng tơlik Dabit in, mơ Salômôn in mơ jơh làng bol Israel in.

I Samuel 4:5

Tòm tŭ Đài Bơta Ho Bal Yàng Tom Trồ dê neh tus di tiah bơtào sàl, gen jơh Israel driau dờng ngan tian gơs ù gơlơnggơr.

Khà Làng Bol 10:10

Kung behơ̆ sơl, di di ală tŭ hòn chò bol mê dê la ală bơta pơjum sa neh lơh nền mơ ală bơta pơjum sa Ngai Kơnhai Dùl Lik, gen bol mê uh tĕ ală kơlwòk tòm tŭ ơn phan duh khoai chu pơrguc mơ phan duh khoai bơta Ring Lơngai, mơ rơp la dô bơta kah kirsơnre bol mê in di đap Yàng Tom Trồ bol mê dê. Añ la Jehôwa Yàng Tom Trồ bol mê dê.”

Nehemi 12:42

mơ Maaseyah, Semayah, Eleajar, Uji, Jehôhanan, Malkijah, Elam, mơ Ejer. Mpồl đơs chò gen đơs chò bal mơ Jejrahiah kung be dô nă cau lam bồ bol khai dê.

Đơs Crih 9:2

Añ rơp chò hòp hừh hơh tòm Kơnràñ, Ơ Bơtau Hơđang Rlau Jơh, añ rơp đơs chò jòng ro sơnđan Kơnràñ dê.

Nehemi 12:27

Tòm tŭ ơn Yàng in ală dơrñang ƀòn Jerusalem dê, gen cau lòt jòi ală cau Lebi tòm làm bă tiah bol khai dê nàng cèng tus hơ Jerusalem nàng pơjum ơn ală dơrñang Yàng in dô bă hòn chò tòm bơta đơs chò ưnngài bal mơ ntas mồng, kơñi rơs mơ kơñi che.