Nehemi 11:1 - Sră Goh 2018

¹ Ală kwang at bồ làng bol Israel dê ơm tòm Jerusalem; mơ làng bol gam wơl gen tĕ khà nàng sac rwah dô nă tòm kòp jơt nă bol khai nàng tus ơm tòm Jerusalem, la ƀòn sàng goh, tòm tŭ sin nă cau gam wơl gen ơm tòm ală ƀòn ndai.

Nehemi 11:1 Mawu Ofanana

I Yal Yau 26:13

Ală khà neh tă kòp nă cau kơp gàr mpồng in jat be hìu nhă bol khai dê, cau kra mơ cau pơnu kung ndròm bal.

I Yal Yau 8:28

Jơh ală cau hơ̆ la cau at bồ ală hìu nhă, la cau at bồ be neh cih tòm sră cih sơnđan jơi bơtiàn bol khai dê, mơ bol khai ơm tòm Jerusalem.

I Yal Yau 9:1

Jơh Israel neh geh cih sơnđan tòm sră cih sơnđan jơi bơtiàn, mơ ală cau do neh geh cih tòm Sră Ală Cau Bơtau Israel dê. Làng bol Juda neh kong kup cèng pơrdô tus hơ Babilôn tài bơh bơta ò dòn song bol khai dê.

I Yal Yau 9:2

Mơ tai, ală cau sơnròp rê ơm wơl tòm ù tiah tòm, tòm ală ƀòn tòm bol khai dê la dô pơnah cau Israel, ală cau gơnoar ơn phan duh khoai, ală cau Lebi, mơ ală cau duh broă tòm hìu duh khoai.

I Yal Yau 9:3

Ală cau bơh di Juda, bơh di Benjamin, mơ bơh di Epraim mơ Manase ơm tòm Jerusalem la:

Nehemi 10:34

Bol hi kung tă khà digùl ală cau gơnoar ơn phan duh khoai, ală cau Lebi, mơ làng bol, bơh lòng sing nàng ơn phan duh khoai, nàng cèng gơtơmut tòm hìu Yàng Tom Trồ bol he dê, bơh ală hìu nhă jơi bơtiàn, jat tŭ tơngai neh lơh nền, kòp nam, nàng sing hơđang cơnòng duh khoai Yàng Jehôwa la Yàng Tom Trồ bol he dê, be neh cih tòm bơta boh lam.

Nehemi 11:18

Jơh ală cau Lebi ơm tòm ƀòn sàng goh la bàr rhiang phàm jơt poan nă.

Nehemi 4:22

Tŭ hơ̆ añ kung đơs mơ bol khai lah: “Lòi tĕ kòp nă cau bal mơ cau lơh broă khai dê bic mang tòm Jerusalem, nàng bol khai sền gàr bol he tòm trồ mang mơ lơh broă tòm trồ ngai.”

Đơs Crih 122:5

Tềng hơ̆ bơtào ală sơbàn cahrña, la ală sơbàn hìu nhă Dabit dê.

Đơs Crih 122:6

Hòi dan tĕ Jerusalem in geh bơta ring lơngai! “Dan cau lơi kòñ gơboh di mê gen geh bơtoah bơtoài!

Jơnau Pơnđik 16:33

Cau tă khà tòm tiang ào; Mơya bơta lơh nền bơh di Yàng Jehôwa mơ tus.

Esai 48:2

Bol mê la cau sơnđan să he la làng bol ƀòn dờng sàng goh, mơ sơnđìng să di Yàng Tom Trồ Israel dê; Yàng Jehôwa Gơnap Gơnoar Dờng làm Jơh la sơnđan Kơnràñ dê:

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Mathiơ 27:53

Tơnơ̆ tŭ Yàng Jesu kis wơl, gen bol hơ̆ mut tòm ƀòn dờng sàng goh mơ tơlik mat oă cau in gŏ.

Mathiơ 4:5

Gen cà ràk cèng Kơnràñ tus hơ ƀòn dờng sàng goh, ơn Kơnràñ hơđang bồ rkàng hìu duh khoai,

Broă 1:24

Lồc behơ̆ bol khai hòi dan lah: “Khoai Yàng, Kơnràñ git nùs tơl nă cau, dan Yàng sơnio bol hi in tòm bàr nă cau do, ñcau la cau Yàng neh sac rwah,

Broă 1:26

Gen bol khai tă khà, di di Mathia; khai geh mut bal tòm jơt dùl nă cau gơnoar bơto dờng.

Jôsue 18:10

gen Jôsue tă khà bol khai in tòm Silô di đap Yàng Jehôwa, mơ tềng hơ̆ khai tòmpà ù tiah làng bol Israel in jat kòp jơi bơtiàn bol khai dê.