Nehemi 1:4 - Sră Goh 2018

⁴ Tòm tŭ añ kơno ală jơnau hơ̆ gen añ nggui ñìm mơ moat jrùng bàr pe ngai, ơt sa, mơ hòi dan mơ Yàng Tom Trồ hơđang trồ dê.

Nehemi 1:4 Mawu Ofanana

II Samuel 12:16

Dabit hòi dan mơ Yàng Tom Trồ kòn dềt hơ̆ in. Khai ơt sào, mut tòm hìu mơ bic tòm ù mang àng.

II Ală Bơtau 22:19

Tài bơh nùs mê neh git gơjrañ sang glài, mơ pơndêt să mê di đap Yàng Jehôwa; tòm tŭ mê neh kơno jơnau Añ đơs tòmdră mơ tiah do, mơ tòmdră mơ làng bol ơm tòm hơ̆, bol khai rơp gơlik dô bă tiah sang lòi srau gòi mơ srat rma, tài bơh mê neh crè ồi ào mê mơ ñìm rac di đap Añ, mơ Añ neh iat jơnau mê, Yàng Jehôwa đơs behơ̆.

II Yal Yau 6:13

Salômôn neh lơh dô nơm tiah ntào mơ kòng, jòng pram tal, ơnàng pram tal mơ jơnhoa pe tal, mơ ơn gơ digùl ƀlàng đah bơdìh; mơ khai ntào hơđang tiah hơ̆. Gen khai cùn gơltang di đap jơh mpồl jơnum Israel dê mơ pò bàr đah tê hơ trồ.

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Ejra 10:1

Tòm tŭ Ejra hòi dan mơ yal glài, ñìm rac mơ tơmbic să di đap hìu Yàng Tom Trồ dê, gơs dô mpồl gal ngan cau Israel, cau klau, cau ùr mơ cau kơnòm dềt, pơjum bal gùt dar khai, bol khai kung ñìm rac sràt bơtang ngan.

Ejra 9:3

Tòm tŭ añ neh kơno jơnau hơ̆, añ crè ào dơlam bal mơ ào jrùh añ jê, mơ dŭi sŏ di bồ mơ sơnò tềp añ jê, mơ nggui rngòt rngơt.

Ejra 9:5

Di di tŭ ơn phan duh khoai mho, añ ñă ntào bơh di tiah ơt sa añ jê, ào dơlam mơ ào jrùh añ jê neh gơcrè, añ cùn gơltang pò tê hơ Jehôwa Yàng Tom Trồ añ jê,

Nehemi 2:20

Gen añ ho bol khai lah: “Yàng Tom Trồ hơđang trồ la Bơtau rơp ai bol hi in gơlik cồng nha, mơ bol hi la cau duh broă Kơnràñ dê neh lòt nàng sơntòm bơt wơl. Mơya bol mê ò gơs pơnah lơi, gơnoar lơi, hala bơta yal yau lơi di ngan tòm Jerusalem.”

Nehemi 2:4

Cau bơtau đơs mơ añ lah: Ñchi bơta mê kòñ dan taih? Gen añ hòi dan mơ Yàng Tom Trồ hơđang trồ dê.

Đơs Crih 102:15

Ală làng bol rơp duh rngòt di sơnđan Yàng Jehôwa, Mơ jơh ală cau bơtau dunnia dê rơp duh rngòt di bơta gơklŏ Kơnràñ dê.

Đơs Crih 136:26

Ưnngài tĕ Yàng Tom Trồ hơđang trồ, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 137:1

Bol hi ơm nggui di gah ală hiòng tòm lơgar Babilôn, Mơ ñìm tòm tŭ kah wơl Siôn.

Daniel 10:2

Tòm tŭ hơ̆, añ, Daniel, añ ơm moat jrùng ñìm rac tòm pe poh.

Daniel 2:18

Khai dan bol hơ̆ hòi dan mơ Yàng Tom Trồ ơm hơđang trồ ai nùs nđàc sơngit yal tơlik bơta ndơp ndơr do, tồ Daniel mơ ală oh mi khai dê geh klàs chơt bal mơ ală cau jak chài Babilôn dê.

Daniel 9:3

Behơ̆, añ wèt mat hơ Yàng la Yàng Tom Trồ, jòi jat Kơnràñ bơh bơta hòi dan, rac ròc bal mơ bơta ơt sa, soh ồi ào bài sơnò kiat mơ nggui tòm bùh.

Jôna 1:9

Khai ho lah: “Añ la dô nă cau Hebrơ, mơ añ duh khoai Yàng Jehôwa la Yàng Tom Trồ hơđang trồ, la Bơtau neh lơh gơs dàlềng mơ ù tiah.”

Sôphôni 3:18

Añ rơp tă sang bơh di ai ală bơta moat jrùng bơh ală ngai pơjum sa chò hòp; bơh hơ̆ ai rơp ò ơnòng kơnjơ̆ bơta lah pơrhơng.

Rôma 12:15

Chò tĕ bal mơ cau chò, ñìm tĕ bal mơ cau ñìm.