Nehemi 1:2 - Sră Goh 2018

² dô nă tòm oh mi añ la Hanani, tus bal mơ bàr pe nă cau ndai bơh lơgar Juda, gen añ lùp bol khai bơh ală cau Juda gam wơl klàs bơh bơta kup jàm mơ bơh Jerusalem.

Nehemi 1:2 Mawu Ofanana

Sơnròp Gơlik Gơs 14:10

Mơ tòm thòng Sidim gơs oă tơnau cài; bơtau Sôdôm mơ bơtau Gômôrơ alah mơ dô, mơ dùh tềng hơ̆ mơ cau lơi klàs gen dô tòm mơnơm.

II Ală Bơtau 24:14

Khai cèng pơrdô jơh làng bol Jerusalem, jơh ală kwang at bồ ling, mơ ală cau ling tòmlơh pràn kơldang lòt, kup cèng jơt rbô nă; jơh ală cau chài lơh chi mơ cau chài tiar lòs; ò lòi dô nă lơi, mìng gam ală cau rƀah rlau jơh tòm lơgar.

II Ală Bơtau 25:12

Kwang sền gàr bơtau mìng lòi wơl ală cau rƀah lơòi rlau jơh, nàng tam ño mơ lơh sre.

Ejra 9:14

Bol hi rơp gơltac sang tai ală bơta sồr lam Kơnràñ dê mơ tòmbau mơ ală làng bol neh lơh jat bơta cù kìr behơ̆ sơl ơ? Kơnràñ rơp ò gơjrañ di bol hi tian gơs tơnroh bol hi, ò lòi dô pơnah làng bol gam wơl hala dô nă cau lơi gam kis ò ơ?

Nehemi 7:2

gen añ jào Hanani oh añ gơs broă at bồ hơđang Jerusalem, bal mơ Hanania cau kwang at bồ ƀòn dờng, bơh khai la cau dòn song mơ duh rngòt di Yàng Tom Trồ rlau mơ oă cau ndai.

Jeremi 44:14

tian gơs tòm ală cau Juda gam wơl lòt tus ơm tòm Ejiptơ, gen ò gơs cau lơi lik klàs, hala gam kis, nàng rê wơl hơ lơgar Juda. Bulah bol khai kòñ ngan rê wơl kis tềng hơ̆, bol khai rơp ò rê wơl, mìng la dô êt nă cau neh dô klàs lơm.’”

Ejekiel 6:9

Tòm bol mê la ală cau geh klàs hơ̆ rơp kah wơl Añ digùl ală làng bol mơ bol khai neh kong kup cèng, mbe lơi Añ neh jê sồt moat jrùng bơh nùs bơrsèl tơnhial bol khai dê, neh pơrlac sang bơh Añ, mơ bơh gar mat bơrsèl tơnhial bol khai dê, neh wèt hơ ală rùp ràk bol khai dê. Gen bol khai rơp cù kìr di să tòm he bơh ală bơta tồi glài iơh bơsak mơ bol khai neh tìs. Bơh jơh ală broă ngkòr ngkàc mơ bol khai neh lơh.

Ejekiel 7:16

Jơh ală cau gam kis mơ geh lik klàs rơp ơm hơđang ală mơnơm, rac ròc kung be sềm ntòp tòm thòng, kòp nă tài bơh tồi glài khai dê.