Nehemi 1:11 - Sră Goh 2018

¹¹ Ơ Yàng Jehôwa, dan iat jơnau hòi dan dĭ gơna Kơnràñ dê mơ jơnau hòi dan ală cau hòn chò duh rngòt di sơnđan Kơnràñ. Dan ai bơta bơtoah bơtoài cau duh broă Kơnràñ in tòm ngai do, mơ ai cau bơtau in gơs nùs nđàc sơngit di đap añ do.” Mơ tai, tŭ hơ̆ añ la cau yò ñô bơtau in.

Nehemi 1:11 Mawu Ofanana

Sơnròp Gơlik Gơs 24:42

Ngai do, tòm tŭ tus di tơrlung dà, añ neh hòi dan lah: ‘Khoai Jehôwa Yàng Tom Trồ Abraham cau tòm añ jê, dilah Kơnràñ lơh gơlik gơs broă añ lòt do,

Sơnròp Gơlik Gơs 32:11

Behơ̆, khoai Yàng Tom Trồ dong añ klàs bơh di tê Esau bi añ, bơh añ rngòt khai tus sò lơh añ mơ lơh mè bal mơ ală kòn sơl.

Sơnròp Gơlik Gơs 32:28

Cau hơ̆ đơs lah: “Sơnđan mê ò di la Jakôp tai, mơ rơp sơnđan la Israel, tài bơh mê neh tòmpơt mơ Yàng Tom Trồ mơ kòn mơnus, mơ mê neh geh pha.”

Sơnròp Gơlik Gơs 40:1

Tơnơ̆ mơ ală broă do, gơs cau kwang at bồ yò ñô mơ cau kwang at bồ lơh ƀañ lơh ò niam nùs cau tòm bol khai dê la bơtau lơgar Ejiptơ.

Sơnròp Gơlik Gơs 40:2

Pharaôn gơjrañ di bàr nă cau kwang khai dê, la kwang at bồ yò ñô mơ cau kwang at bồ lơh ƀañ.

Sơnròp Gơlik Gơs 40:21

Pharaôn ai cau kwang at bồ yò ñô in gơnoar be lài òr, nàng khai tong mơngàn tòm tê Pharaôn dê.

Sơnròp Gơlik Gơs 40:23

Ai cau kwang at bồ yò ñô ò kah Jôsep tai, mơya khai neh hŭi.

Sơnròp Gơlik Gơs 41:9

Gen cau kwang at bồ yò ñô đơs mơ Pharaôn lah: “Tŭ do añ kah glài añ.

Sơnròp Gơlik Gơs 43:14

Hòi dan Yàng Tom Trồ Gơnap Gơnoar Làm Jơh ai bơta nđàc bol mê in di đap khai, mơ toh Simeôn mơ Benjamin bol mê in. Mơ đah mơ añ, dilah roh kòn, gen añ pal kong behơ̆.”

II Yal Yau 6:40

Tŭ do, ơ Yàng Tom Trồ añ jê, dan lòi mat Yàng pò mơ tồr Yàng ơm iat jơnau añ hòi dan bơh tiah do.

Ejra 1:1

Tòm nam sơnròp rài Sirus bơtau Persia, nàng jơnau Yàng Jehôwa dê kơnòm bơh bơr Jeremi pal gơlik di ngan. Kơnràñ chồl nùs Sirus bơtau Persia, gen tàng khai tơlik dô gơnoar sồr tòm làm jơh lơgar khai dê, mơ kung cih jơnau yal tơnggit lah:

Ejra 7:6

hơ̆ la Ejra do neh rê bơh Babilôn. Khai la dô nă cau git jak tòm bơta boh lam Môise dê, mơ Yàng Jehôwa la Yàng Tom Trồ Israel dê neh ai khai in; mơ bơtau neh ai khai in jơh ală bơta khai neh dan, tài bơh tê Yàng Jehôwa la Yàng Tom Trồ khai dê ơm hơđang khai.

Nehemi 1:6

Añ dan Yàng wèt tồr iat, pò mat Kơnràñ dê, iat jơnau hòi dan cau duh broă Kơnràñ dê, mơ tŭ do añ hòi dan di đap Kơnràñ sùm ngai mơ mang ală dĭ gơna Kơnràñ in la làng bol Israel. Yal ală tồi glài ală làng bol Israel dê, la ală tồi glài bol hi neh tòmdră mơ Kơnràñ. Tồi glài să tòm añ mơ hìu nhă añ neh tìs glài.

Nehemi 2:1

Tòm nam Nisan, nam dơ̆ bàr jơt rài bơtau Artaserses, tòm tŭ gơs tơrnòm di đap cau bơtau, añ cèng tơrnòm mơ tong bơtau in. Bơh lài añ ò gơs tŭ lơi gơs bơta moat jrùng di đap bơtau.

Nehemi 2:8

mơ dô nơm sră pơyoa tus hơ Asap cau at bồ brê bơtau dê, nàng sồr khai ai añ in chi nàng lơh ală jrong mpồng theng kơ̆ cê dê, mơ dơrñang ƀòn dờng dê, bal mơ hìu tòm añ jê.” Bơtau ai gơnoar añ in bơta añ neh dan, tài bơh tê kòñ nđàc Yàng Tom Trồ añ jê ơm hơđang añ.

Đơs Crih 106:46

Kơnràñ kung lơh bol khai in geh bơta nđàc Di đap ală cau kup bol khai lơh gơs dĭ.

Đơs Crih 130:2

Ơ Yàng, dan iat jơnau añ! Dan wèt tồr Kơnràñ dê iat jơnau rac dan añ jê.

Đơs Crih 61:5

Ơ Yàng Tom Trồ, bơh Kơnràñ neh kơno jơnau ho pơgon añ jê, Kơnràñ neh ai añ in phan jơtài ală cau duh rngòt di sơnđan Kơnràñ dê.

Đơs Crih 86:6

Ơ Yàng Jehôwa, dan ai tồr iat jơnau hòi dan añ jê, Dan kơno jơnau rac dan añ jê.

Jơnau Pơnđik 1:29

Hơ̆ la tài bơh bol khai gơjrañ kơuềng di bơta git jak, Ò sac rwah bơta duh rngòt di Yàng Jehôwa.

Jơnau Pơnđik 21:1

Nùs bơtau dê ơm tòm tê Yàng Jehôwa ò gơkrơi be hiòng dà hòr; Kơnràñ lơh sơrkềng đah lơi jat nùs kòñ Kơnràñ dê.

Jeremi 42:12

Añ rơp nđàc sơngit bol mê, tồ bơtau hơ̆ kung nđàc sơngit bol mê, mơ ai bol mê in rê wơl hơ lơgar tòm he.’

Malaci 3:16

Tòm tŭ ală cau duh rngòt di Yàng Jehôwa tòmbơhbơr bal gen Yàng Jehôwa ơm iat mơ kơno. Dô pồt sră cih prap wơl neh geh cih di đap Kơnràñ bơh ală cau duh rngòt Yàng Jehôwa mơ duh rngòt di sơnđan Kơnràñ dê.

Hebrơ 13:18

Dan oh mi hòi dan bol hi in, bơh bol hi git nền lah bol hi gơs nùs tồr niam, kòñ lơh lòt dô bă song ngan sùm tòm jơh ală bơta.