Nahum 3:10 - Sră Goh 2018

¹⁰ Bulah behơ̆, khai neh kong kup cèng pơrdô tòm lơgar ngài. Kòn sau khai dê neh kong jă trơm lề lac di bồ kòp nơm gùng. Cau neh tă khà hơđang ală cau ryŭ ryơm khai dê, mơ jơh ală cau dờng màng neh kong cap mơ che sreng.

Nahum 3:10 Mawu Ofanana

II Ală Bơtau 8:12

Hajael lùp lah: “Ñchi bơh tài cau tòm añ ñìm taih?” Elise ho lah: “Tài bơh añ git bơta iơh mơ mê rơp lơh di cau Israel. Mê rơp chu ală ƀòn dờng kơ̆ cê bol khai dê, tơnchơt ală cau pơnu mơ đào, jă tơnlề kòn dềt, mơ reh kơndul cau ùr bun bol khai dê.”

Sră Jop 6:27

Oh mi tă khà hơđang kòn đòi, Mơ pơndang sang cau bơyô oh mi dê.

Đơs Crih 137:8

Ơ kòn ùr Babilôn, la cau neh lơh tơnroh, Lơngai cau lơi in sal tê di ai ală bơta ai neh lơh di bol hi!

Đơs Crih 137:9

Lơngai cau lơi in kup ală kòn dềt ai dê, Cèng glơm tơnlề bol khai di lŭ!

Đơs Crih 149:8

Nàng tơndò ală cau bơtau bol khai dê mơ ơnuh gơsàng, Cap ală cau ryŭ ryơm bol khai dê mơ che sreng lòs,

Esai 13:16

Kòn dềt bol khai dê rơp kong tơnlề rpot rpet di đap mat bol khai, hìu bol khai dê rơp kong cau phà tòmpìt mơ bau ùr bol khai dê rơp kong cau bic bơklơn.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Esai 19:4

Añ rơp phi cau Ejiptơ tòm gơnoar cau tòm iơh bơsak, mơ dô nă cau bơtau iơh bơsak rơp at bồ bol khai,” Yàng Jehôwa la Yàng Gơnap Gơnoar Dờng đơs behơ̆.

Esai 20:4

behơ̆ bơtau Asiri kung rơp kup dĭ cau Ejiptơ mơ kup cèng cau Kus lòt hơ lơgar ngài sơl, jơh ală cau pơnu mơ cau kra, lòi rồ mơ lòt nàng lơh ƀàssìl Ejiptơ.

Ñìm Rac 2:19

Guh tĕ driau nggà tòm trồ mang, tòm tŭ rơp sơntòm kơp gàr; Tuh tơlik nùs ai kung be dà di đap mat Yàng Jehôwa. Pò tĕ tê ai hơ Kơnràñ bơh bơta kis ală kòn dềt ai dê, bol khai bòl glar òsô tài bơh jơgloh tòm kòp nơm bồ gùng.

Ñìm Rac 4:1

Mbe lơi màh gơlik lu li, mbe lơi màh ngan neh gơtòmgơl! Ală pơnai lŭ sàng goh ơm nrah nring tòm ală bơr gùng!

Ejekiel 29:7

Tòm tŭ bol khai at mê mơ tê bol khai dê gen mê pă, mơ lơh gơcrè pơnì bol khai dê; tòm tŭ bol khai sơnđìng di mê gen mê pă mơ lơh jơng bol khai gơglih.’

Sră Ôse 13:16

Samari rơp àñ glài bol khai dê, tài bơh khai neh bơtào tòmdră mơ Yàng Tom Trồ bol khai dê. Bol khai rơp gơpừ bơh đào; ală kòn dềt bol khai dê rơp kong jă tơnlề tòm tiah, mơ ală cau ùr gơs bun bol khai dê rơp kong reh kơndul.

Jôel 3:3

mơ tă khà di làng bol Añ jê mơ neh tòmgơl ală kòn klau nàng ai ală cau ùr dri; bol khai neh tac ală kòn ùr mơ blơi alak nàng ñô.

Amôs 1:13

Yàng Jehôwa đơs be do: “Bơh tồi glài Ammôn dê, oă rlau mơ pe poan dơ̆. Añ rơp ò jùt sang bơta lơh glài Añ jê. Tài bơh khai neh reh kơndul ală cau ùr bun tòm Galaat, nàng pò ơnàng nhàr ù tiah khai dê.

Apdia 1:11

Tòm ngai mê ntào is dô đah, tòm ngai ală cau crih mat tă cèng phan mơna khai dê, mơ làng bol bơdìh mut tòm ală mpồng ƀòn khai dê, mơ tă khà bơh Jerusalem, gen mê kung rơp be dô nă tòm bol khai.