Nahum 2:11 - Sră Goh 2018

¹¹ Tŭ do ntềng đah rgồng klìu triă, la tiah mơ klìu dềt geh pà sa, la đah klìu triă dam, klìu me mơ klìu kòn lòt rê, mơ ò gơs bơta lơi lơh gơ in pal rngòt, tŭ do ntềng đah trồm hơ̆ dê taih?

Nahum 2:11 Mawu Ofanana

Sơnròp Gơlik Gơs 49:9

Juda la dô nơm klìu triă, Ơ kòn, mê rê bơh phan mê neh kup geh. Cùn gơltang, kơp brồ be klìu triă brồ dam, Mơ be klìu triă me, ñcau khin pơrlai khai taih?

Esai 13:7

Tài bơh bơta hơ̆, jơh ală tê rơp gơlik lơbơn lơño, kòp nơm nùs kòn mơnus dê rơp lề lac.

Esai 31:4

Yàng Jehôwa neh đơs mơ añ be do: “Kung be dô nơm klìu triă hala dô nơm kòn klìu triă ơluh ơhùm tòm tŭ kup geh phan sa, bulah dô mpồl cau ê belàt pơjum bal nàng tòmdră mơ gơ, gơ ò rngòt bơh jơnau driau dờng bol khai dê, hala bơta pơhìn bơta lơh nggồr nggàc bol khai dê. Behơ̆ Yàng Jehôwa Gơnap Gơnoar Dờng rơp mù nàng tòmlơh hơđang mơnơm Siôn mơ hơđang ală dòr gơ dê.

Esai 5:29

Bol khai ơluh ơhùm be klìu triă, bol khai ơluh ơhùm kung be klìu triă brồ dam, bol khai ơluh ơhùm tòm tŭ kup geh phan mòc mơ cèng lòt, ò gơs dô nă cau lơi rgơi dong tă.

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 50:44

Kung be klìu triă guh bơh ală brê Jordan tòmdră mơ ală ƀlàng ñhơt gam sùm. Añ rơp lơh cau Kalde nisơna in dô klàs, mơ bơtào cau mơ Añ neh sac rwah nàng at bồ bol khai. Bơh ñcau tòm toh kung be Añ taih? Ñcau neh lơh nền tŭ tơngai Añ in taih? Ñcau la cau ê belàt rgơi ntào di đap Añ taih?”

Ejekiel 32:2

“Ơ kòn mơnus, ñìm rac tĕ bơh Pharaôn, bơtau Ejiptơ, mơ đơs mơ khai lah: ‘Mê kơlôi tĕ să tòm mê la dô nơm klìu triă digùl ală làng bol; mơya mê be la dô nơm nagrài tòm dàlềng, rpơt làm ală hiòng, ai jơng lơh sơngkal dà, lơh ƀô ồm ală croh dà mê dê.’

Jôel 2:6

Di đap bol gơ làng bol dơrcul rngòt, muh mat jơh kòp nă gơlik pàl.

Mice 5:6

Bol khai rơp at bồ lơgar Asiri mơ đào, mơ tă đào at bồ lơgar Nimrôt. Bol khai rơp dong bol he klàs bơh cau Asiri, dilah bol khai brồ mut tòm ù tiah bol he dê hala cơnđòa lòt tòm ală nhàr tiah bol he dê.

Nahum 2:12

Klìu triă neh crè tơl phan brê kòn gơ in sa, mơ tơnchơt phan kup geh klìu triă me in, gơ tơmbềng rgồng gơ mơ phan kup geh, tơmbềng trồm gơ mơ poac crè sa.

Nahum 3:1

Bòl glar, ƀòn dờng lơh gơhòr mhàm in, jơh ală la bơta đơs blac, bềng bơta tòmpìt tòmhà, bơta ntung kơñau ò tŭ lơi lồi.

Sôphôni 3:3

Ală kwang duh broă gơ dê ơluh ơhùm be klìu triă, ală kwang cahrña gơ dê kung be so rhau trồ mang, ò lòi wơl dô êt lơi tus diàng drim.

Khà Làng Bol 23:24

Làng bol ñă ntào kung be dô nơm klìu triă me; bol khai tơngguh is bol khai dê kung be dô nơm klìu triă gơ ò bài bic rlô jơl tus di tŭ gơ neh sa loan phan gơ neh kup mơ hùc mhàm ală phan gơ neh kup geh.”