Nahum 1:8 - Sră Goh 2018

⁸ Tian gơs tòm dà kŏ hòr pơrdô, Kơnràñ rơp tơnlồi jơh ală cau sò tơm Kơnràñ dê, mơ Kơnràñ rơp ting jat ală cau sò tơm Kơnràñ dê tus tòm bơta klam jơngo.

Nahum 1:8 Mawu Ofanana

Sră Jop 30:15

Ală bơta rngòt rngơt wèt wơl hơđang añ, Bơta dờng màng añ jê gơ dô roh be càl, Bơta pas gơs lơngai lơngò añ jê roh thit be dô puk mhwal.

Sră Jop 40:11

Bơta pràn kơldang ò git nđò gơ dê ơm di but gơ, Gơnoar pràn ò git lơh gơ dê ơm tòm ală pet poac di kơndul gơ dê.

Jơnau Pơnđik 4:19

Ai gùng cau iơh bơsak dê la kung be bơta klam jơngo cik, Bol khai ò git bol khai gơtup pừ tài bơh ñchi lơi.

Esai 13:10

Ală sơmañ hơđang trồ bal mơ ală mpồl gơ dê rơp ò pơnđàng bơta àng gơ tai. Mattơngai pa lik rơp klam jơngo, mơ mat kơnhai rơp ò pơnđàng sòl.

Esai 13:9

Do, ngai Yàng Jehôwa dê tus, iơh rmơh, bal mơ bơta gơjrañ dờng mơ gơhào gơjrañ, nàng lơh plai ù in gơlik gơs dô bă tiah srau gòi, mơ tơnroh ală cau tồi glài tòm hơ̆.

Esai 28:17

Añ rơp ai bơta song ngan lơh gơs che rnoas, mơ bơta song ring lơh gơs plai kơr sơnoa; mìu piar rơp tơnroh tiah kìng crŭ ală bơta đơs blac, mơ dà rơp kŏ tiah pồn să bol mê dê.”

Esai 28:18

Bơta ho bal mơ bơta chơt bol mê rơp kòl tơnroh, bơta bol mê dô nùs bal mơ lơgar làng ƀồc rơp ò gam ntào kơ̆. Tòm tŭ bơta rung rài tơnroh lòt gan, gen bol mê rơp kong gơ jă tơnlề.

Esai 28:2

Do, Yàng Jehôwa gơs dô nă cau gơs gơnap gơnoar mơ pràn kơldang; be càl rbut dờng mơ mìu piar, dô bơta tơnroh bơh càl dờng; be dà kŏ bam làm bă tiah. Tê Kơnràñ dê sơrbì bol khai tòm ù.

Esai 8:22

hala bol khai rơp sền di ù, mơya mìng gŏ bơta jê sồt bòl glar mơ klam jơngo mơ bơta rngòt rngơt, mơ bol khai rơp kong bơtrơh tơmut tòm bơta klam jơngo cik.

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 51:64

mơ đơs tĕ lah: ‘Babilôn rơp gơkram behơ̆! Gơ rơp ò bơtào guh wơl, tài bơh bơta rung rài mơ Añ rơp tơndùh hơđang gơ.’” Jơnau Jeremi tus tềng do la jơh.

Ejekiel 13:13

Behơ̆ gen, Jehôwa Yàng Tom Trồ đơs be do: ‘Tòm bơta gơjrañ dờng Añ jê, Añ rơp sồr càl rbut dờng, mơ tòm bơta gơhào gơjrañ Añ jê, Añ rơp dùh lŭ piar mơ mìu dờng tơnroh lề lac jơh.

Daniel 11:10

Ală kòn klau bơtau đah đang rcang tòmlơh, bol khai pơjum dô mpồl ling gal ngan, lòt gan kung be dà kŏ ò gơs cau lơi rgơi kơryan gùng, mơ tòmlơh tus di theng ling bơtau đah đơm dê.

Daniel 11:22

Ală mpồl ling rơp kong pơs jơh mơ bơcah lề lac di đap khai, mơ bơtau bơtào bơta ho bal kung behơ̆ sơl.

Daniel 11:40

Tus di tŭ tơngai lồi dut, bơtau đah đơm rơp tòmlơh mơ bơtau đah đang. Bơtau đah đang cèng rơndeh tòmlơh, ling hào ơseh, mơ ơhò tòmlơh, brồ lơh bơtau đah đơm kung be càl rbut dờng. Khai rơp tòmpìt ai oă lơgar, lòt gan tơnroh bol gơ kung be dà kŏ.

Daniel 9:26

Tơnơ̆ mơ prau jơt bàr nơm poh hơ̆, Bơtau geh bong mơñà rơp kòl tơnroh, mơ ò gam bơta lơi tai. Mpồl ling Bơtau rơp tus dê rơp tơnroh ƀòn dờng mơ tiah sàng goh. Bơta lồi dut rơp tus kung be dà kŏ: bơta tòmlơh gơpơnjat jơl tus lồi dut, mơ ală bơta tơnroh gơprah neh lơh nền.

Amôs 8:8

Lơgar rơp ò rơm să bơh bơta hơ̆ ơ? Mơ jơh ală làng bol ơm tòm hơ̆ rơp ò ñìm rac ơ? Jơh lơgar rơp guh kung be hiòng Nil; mơ rơp yò tơngguh gen gơkram wơl kung be hiòng Nil tòm Ejiptơ dê ơ?”

Nahum 1:1

Dô jơnau đơs hwơr bơh Ninibe. Sră cih bơh bơta gơtơnggŏ Nahum cau Elkôs dê.

Nahum 2:8

Ninibe gơlơh kung be dô nơm tơnau, bol khai be dà gơ neh hòr lik. Bol khai hòi driau: “Ơm tĕ! Ơm tĕ!” Mơya ò gơs cau lơi wơlke!

Sôphôni 2:13

Kơnràñ rơp pò tê Kơnràñ dê tòmdră mơ đah đang, mơ tơnroh Asiri, mơ Kơnràñ rơp lơh Ninibe in kòl sang lòi srau gòi jơh, gơlik gơs dô bă tiah ro rañ ngềt ngơt be ƀlàng bràs.

Mathiơ 7:27

Dùh mìu, dà tih, càl khồm druh di hìu hơ̆, gen hìu tơrlah, tơrlơm lề oă ngan.”

Mathiơ 8:12

Mơya ală kòn lơgar hơ̆ dê rơp gơkòl sơrbì hơ bơdìh tòm tiah klam jơngo, tềng hơ̆ rơp gơs ñìm rac mơ rkiat sề.”

I Samuel 2:9

Kơnràñ rơp sền gàr jơng ală cau sàng goh Kơnràñ dê; mơya ală cau iơh bơsak rơp gơkòl tơnroh tòm klam jơngo; hơ̆ ò di bơh bơta pràn kơldang mơ cau geh pha lin rlau.