Nahum 1:5 - Sră Goh 2018

⁵ Ală mơnơm gơlơnggơr di đap Kơnràñ mơ ală dòr lề lac. Plai ù gơlơnggơr di đap mat Kơnràñ, lơgar dunnia bal mơ jơh ală làng bol ơm tòm hơ̆.

Nahum 1:5 Mawu Ofanana

II Samuel 22:8

Plai ù gơrơm mơ gơlơnggơr, ală mơnàng ală tap trồ dê gơlơnggac lơnggơr, gơrơm tài bơh Kơnràñ gơhào gơjrañ.

Sră Jop 26:11

Ală jrong ală tap trồ dê gơlơnggơr. Mơ mơp dơl bơh jơnau lah pơrhơng Kơnràñ dê.

Sră Jop 9:5

Kơnràñ cèng pơrdô ală mơnơm mơ bol gơ ò git, tuh tơlup bol gơtòm bơta gơhào gơjrañ Kơnràñ dê.

Đơs Crih 104:32

Kơnràñ sền di ù tiah gen gơlơnggơr, Kơnràñ ƀư di ală mơnơm gen ñhŭ gơguh.

Đơs Crih 114:4

Ală mơnơm sơnđoh be ală belàt dam, Ală dòr ñchừn ò gơkrơi be ală belàt kòn.

Đơs Crih 114:6

Ơ ală mơnơm, ñchi bơh tài bol mê sơnđoh be ală belàt dam taih? Ơ ală dòr, ñchi bơh tài bol mê ñchừn be ală belàt kòn taih?

Đơs Crih 18:7

Tŭ hơ̆ ù lơnggơr mơ gơrơm, Mơnàng ală mơnơm kung gơwañ mơ lơnggơr, tài bơh Kơnràñ gơhào gơjrañ.

Đơs Crih 18:8

Ñhŭ par lik bơh di trồm muh Kơnràñ dê, Lơmpiat ồs sa loan lik bơh di bơr Kơnràñ dê, Mơ lơh chah in hơng.

Đơs Crih 46:6

Ală làng bol lơh nggồr nggàc, ală lơgar tơrluh tơrlơm; Yàng tơlik jơnau ntas, gen ù lề jơh.

Đơs Crih 68:8

Gen ù lơnggơr, ală tap trồ dùh mìu dờng di đap Yàng Tom Trồ; la Yàng Tom Trồ Sinai dê, di đap Yàng Tom Trồ, la Yàng Tom Trồ Israel dê.

Đơs Crih 98:7

Lòi dàlềng mơ jơh ală phan ơm tòm dàlềng gơlik ntas nggồr dờng; Dunnia mơ ală cau ơm tòm dunnia kung lơh behơ̆ sơl.

Lik Ejiptơ 19:18

Ñhŭ jơm gòm mơnơm Sinai tài bơh Yàng Jehôwa ơm tòm ồs mơ mù hơđang hơ̆. Ñhŭ gơguh bơh hơ̆ kung be ñhŭ bơh di dô nơm bơnhă ồs dờng, jơh dô nơm mơnơm gơlơnggơr pràn ngan.

Esai 24:1

Tŭ do, Yàng Jehôwa rơp lơh plai ù in srau gòi, mơ lơh gơ in gơkòl sang lòi ngềt ngơt; Kơnràñ lơh plai ù in gơtòmgơl rùp să, mơ lơh làng bol ơm tòm gơ gơprah gơpring.

Esai 24:20

Plai ù gơpơrlac kung be cau bơñul ñô; gơtơyài kung be dô nơm rnŭ lơh mơ ja, tồi glài gơ tơnàñ kơnjơ̆ hơđang gơ, mơ gơ rơp tơrlơm mơ rơp ò geh guh tai!

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Jeremi 4:24

Añ sền hơđang ală mơnơm, ne, jơh gơlơnggơr; mơ jơh ală dòr ơwañ lòt bơh tiah do tus tiah ne.

Ejekiel 38:20

Ală ka tòm dàlềng, ală sềm hơđang trồ, ală jơi phan poan jơng tòm ƀlàng, jơh ală kòn mơnus ơm hơđang plai ù rơp rơm să tòm tŭ Añ tơlik să. Ală mơnơm rơp kòl sơrbì, ală pơnai lŭ dờng rơp bơcah lề, mơ jơh ală dơrñang rơp tơrlah jơh.’

Jôel 2:10

Ù gơlơnggơr di đap bol gơ, ală tap trồ wañ lơnggơh, mattơngai mơ mat kơnhai gơlik klam jơngo, ală sơmañ ò àng tai.

Amôs 9:5

Bơh Jehôwa Yàng Tom Trồ Gơnap Gơnoar Dờng Làm Jơh, la Bơtau ƀư di plai ù gen gơlề lac, mơ jơh ală làng bol kis hơđang hơ̆ ñìm rac; jơh plai ù gơguh kung be hiòng Nil, mơ gơkram wơl kung be hiòng Ejiptơ dê.

Mice 1:4

Gen jơh ală mơnơm lề lac hơđơm Kơnràñ, mơ ală thòng rơp bơcah lề, be jrềng ơm rềp ồs, be dà hòr mù bơh kơh mơnơm.

Habakuk 3:10

Ală mơnơm gŏ Kơnràñ gen gơrơm rngòt. Ală gùng dà hòr pràn; brong jrô nggồr sap dờng mơ tơngguh jơnhoa tê gơ hơđang.

Sacari 4:7

Ơ mơnơm dờng ne, mê la ñcau taih? Ơm di đap Jerubabel mê gơlik gơs ƀlàng ring, mơ khai rơp cèng tơlik lŭ bồ digùl ală jơnau driau dờng lah: ‘Kòñ nđàc! Kòñ nđàc gơ in!’”

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Mathiơ 27:51

Mơ ne, bài kơrnìng tòm hìu duh khoai gơcrè bàr pơnah bơh đang tus hơđơm; ù gơlơnggơr, mơ lŭ klềr bơcah.

Mathiơ 28:2

Ne, gơs ù gơlơnggơr pràn ngan, bơh cau gơnrơh Yàng dê mù bơh đang trồ, tus pơrlă pơnai lŭ mơ nggui hơđang gơ.

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.

Yal Tơlik 6:14

Trồ gơpồt wơl be dô pang sră pồt mơ roh thit, mơ jơh ală mơnơm mơ bồt pơlào gơkòl cèng pơrdô bơh di tiah gơ dê.

Ală Kwang Cahrña 5:5

Ală mơnơm gơlơnggơr di đap Yàng Jehôwa, Bơtau Sinai dê, di đap Jehôwa la Yàng Tom Trồ Israel dê.