Nahum 1:4 - Sră Goh 2018

⁴ Kơnràñ lah pơrhơng dàlềng mơ lơh gơ in ro rañ; Kơnràñ lơh jơh ală hiòng soat dà. Basan mơ Karmel ñòp ro, mơ bơkào Liban dê ro jrùh.

Nahum 1:4 Mawu Ofanana

Sơnròp Gơlik Gơs 8:1

Mơya Yàng Tom Trồ kah wơl Nôe mơ jơh ală phan poan jơng tòm brê, mơ ală phan poan jơng tòm hìu ơm bal mơ khai tòm ơhò, gen Yàng Tom Trồ lơh dô nơm càl khồm rbơt hơđang ù gen dà gơ mù.

II Samuel 22:16

Bơh jơnau lah pơrhơng Yàng Jehôwa dê, mơ bơh nhơm gơlik bơh di trồm muh Kơnràñ, gen ală tiah jrô dàlềng gơ mpòl, mơ ală mơnàng plai ù gơ ràng tơlik.

Sră Jop 38:11

Mơ đơs lah: ‘Mê mìng lòt ngài kàr hơ̆ lơm, mơ ò lòt ngài rlau, mơ tềng do ală ryà bơta jòng să mê dê pal dơh wơl sơl’?

Đơs Crih 104:7

Tòm tŭ Yàng lah pơrhơng gen dà gơ dô; Tòm tŭ kơno ntas ntơr kơnàs Yàng dê, gen gơ sơrbac sơrbang ntoat dô.

Đơs Crih 106:9

Kơnràñ lah pơrhơng Dàlềng Pơrhê, gen gơlik gơs rañ rsơh; Kơnràñ lam làng bol Israel lòt gan tòm tiah jrô dàlềng dê, kung be lòt gan ƀlàng bràs.

Đơs Crih 114:3

Dàlềng sền gŏ mơ dô, Hiòng Jordan ruc wơl.

Đơs Crih 114:5

Ơ dàlềng, ñchi bơh tài mê dô taih? Ơ hiòng Jordan, ñchi bơh tài mê ruc wơl taih?

Đơs Crih 18:16

Bơh đang jòng Kơnràñ ai tê sơmbat añ, Tă añ lik klàs bơh di dà har.

Đơs Crih 74:15

Kơnràñ lơh dà cat mơ dà croh in gơ nsoac dà, Mơ lơh ală hiòng dà dờng in gơlik rañ rsơh.

Esai 33:9

Ù tiah ñìm rac mơ siar roh, Liban gơkòl lơh roh gơprah mơ ñòp ro; Sarôn gơlik kung be tiah ƀlàng bràs, Basan mơ Karmel ro jrùh jơh nha.

Esai 42:15

Añ rơp lơh jơh ală mơnơm mơ ală dòr in gơlik tiah sang lòi ngềt ngơt, lơh jơh ală chi che gơ dê ro jrùh; Añ rơp tòmgơl ală hiòng gơlik bồt pơlào, mơ ală tơrlung dà soat jơh.

Esai 44:27

la Bơtau đơs mơ dà jrô lah: ‘Ro rañ tĕ, Añ rơp lơh soat ală croh dà;’

Esai 51:10

Hơ̆ ò di Kơnràñ la Bơtau neh lơh soat dàlềng, lơh soat dà tòm tiah jrô ngan, la Bơtau neh lơh dô nơm gùng lòt tòm ală tiah jrô dàlềng dê, tồ cau geh dong tơwài rgơi tiă gan ò ơ?

Ejekiel 30:12

Añ rơp lơh rañ rsơh ală hiòng dà, mơ rơp tac lơgar hơ̆ tòm tê ală cau iơh in; Añ rơp ngui tê ală làng bol bơdìh, tơnroh lơgar hơ̆ mơ jơh ală phan tòm gơ. Añ la Yàng Jehôwa neh đơs behơ̆.’

Ejekiel 38:20

Ală ka tòm dàlềng, ală sềm hơđang trồ, ală jơi phan poan jơng tòm ƀlàng, jơh ală kòn mơnus ơm hơđang plai ù rơp rơm să tòm tŭ Añ tơlik să. Ală mơnơm rơp kòl sơrbì, ală pơnai lŭ dờng rơp bơcah lề, mơ jơh ală dơrñang rơp tơrlah jơh.’

Amôs 1:2

Khai đơs lah: “Yàng Jehôwa ơluh bơh di Siôn. Kơnràñ lơh nggồr ntas bơh Jerusalem. Ală ƀlàng ñhơt cau ê belàt dê rơp ro rañ, bồ mơnơm Karmel rơp ñòp ro.”

Amôs 5:8

Jòi jat tĕ Bơtau neh crơng gơs ală sơmañ Jơgơu mơ sơmañ Ngal, tòmgơl bơta klam jơngo gơlik gơs àng drim, mơ lơh trồ ngai gơlik trồ mang, la Bơtau hòi dà tòm dàlềng mơ tuh gơ hơđang ù; Sơnđan Kơnràñ la Yàng Jehôwa.

Mathiơ 8:26

Yàng Jesu đơs lah: “Ơ ală cau gơs dô êt bơta dòn, ñchi bơh tài bol mê rngòt taih?” Chòp Kơnràñ ntào, lah pơrhơng càl mơ dàlềng, gen gơs ring drik ngan.

Jôsue 3:16

gen dà bơh tồ gơ ơm dơh wơl ò hòr tai; gơlơh gơs kung be dô nơm gơnru ngài tus di Adam la ƀòn dờng ơm di gah Jarethan; tòm tŭ dà hòr hơ dàlềng Arabah la Dàlềng Chơt, gen gơkòl soat jơh. Behơ̆ gen làng bol lòt gan tòm toh di đap ƀòn Jerikô.