Nahum 1:3 - Sră Goh 2018

³ Yàng Jehôwa òbat gơjrañ mơ gơs gơnap gơnoar dờng; Yàng Jehôwa ò lòi cau tìs glài ò kong lơh glài. Gùng lòt Kơnràñ dê la tòm càl rwac mơ càl rbut dờng, mơ ală puk mhwal la thul hơđơm jơng Kơnràñ dê.

Nahum 1:3 Mawu Ofanana

II Samuel 22:10

Kơnràñ crè ală tap trồ mơ mù, bơta klam jơngo cik ơm hơđơm jơng Kơnràñ.

Nehemi 9:17

bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Sră Jop 10:14

Dilah añ tìs glài, Yàng kơp sền añ, Mơ ò toh bơta tồi glài iơh bơsak añ jê.

Sră Jop 38:1

Gen Yàng Tom Trồ ho wơl mơ Jop, bơh tòm càl rwac lah:

Sră Jop 9:4

Bơta jak chài tòm nùs Kơnràñ dê, mơ gơnap gơnoar tòm bơta pràn Kơnràñ dê. Cau lơi tòmdră mơ Kơnràñ mơ gam geh pơnjat sùm sơl?

Đơs Crih 103:8

Yàng Jehôwa gơs nùs nđàc sơngit mơ kòñ nđàc, Òbat gơhào gơjrañ, mơ bềng bơta kòñ gơboh kơ̆ dơn.

Đơs Crih 104:3

Yàng bơt mơnàng ală ơdŭ Kơnràñ dê hơđang ală dà, Kơnràñ ngui mhwal lơh gơs rơndeh Kơnràñ in, Mơ hào hơđang càl be pơnđar.

Đơs Crih 145:8

Yàng Jehôwa ai bơta nđàc mơ gơs nùs kòñ nđàc, Òbat gơjrañ mơ bềng lìu bơta kòñ gơboh kơ̆ dơn.

Đơs Crih 147:5

Yàng Jehôwa bol he dê dờng ngan, gơs gơnap gơnoar ò git nđò; Bơta git wă Kơnràñ dê ò rgơi was sơnoa.

Đơs Crih 50:3

Yàng Tom Trồ bol he dê tus mơ ò ơm mŏ mŏ; Di đap Kơnràñ gơs ồs chu pơrguc, Gùt dar Kơnràñ gơs càl rbut dờng.

Đơs Crih 62:11

Yàng Tom Trồ neh đơs dô dơ̆, Añ neh kơno bơta do bàr dơ̆: Hơ̆ la gơnap gơnoar gơrê bal mơ Yàng Tom Trồ.

Đơs Crih 66:3

Đơs tĕ mơ Yàng Tom Trồ lah: “Ală broă lơh Kơnràñ dê cau pal rngòt ngan! Tài bơh gơnap gơnoar Kơnràñ dê dờng ngan, tian gơs ală cau sò tơm di Kơnràñ rngòt rơm să di đap Kơnràñ,

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Esai 29:6

Yàng Jehôwa Gơnap Gơnoar Dờng rơp còp mê, mơ ntơr kơnàs, gơlơnggơr ù mơ ntas nggồr dờng, càl rbut, mơ lơmpiat ồs sa pơrguc.

Esai 66:15

Do, Yàng Jehôwa rơp tus bal mơ ồs, mơ ală rơndeh tòmlơh Kơnràñ dê kung be càl wac brồng; Kơnràñ rơp đùh bơta gơjrañ Kơnràñ dê dô bă rngòt rngơt, mơ bơta lơh glài Kơnràñ dê bơh lơmpiat ồs hơng.

Jeremi 4:13

Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Sră Ôse 8:7

Bol khai neh sih càl mơ rơp toès rbut dờng. Kòi bol khai dê ò hòn niam; gơ rơp ò gơlik gar. Dilah gơ gơlik gar, gen cau làng bol bơdìh rơp sa loan jơh.

Jôel 2:13

Crè tĕ nùs bol mê, bañ crè ào bol mê dê. Rê wơl tĕ hơ Jehôwa Yàng Tom Trồ bol mê dê; bơh Kơnràñ la kòñ nđàc mơ nđàc sơngit, òbat gơjrañ mơ bềng bơta kòñ gơboh kơ̆ dơn, tơnruc nùs ò đùh bơta rung rài.

Jôna 4:2

Khai hòi dan mơ Yàng Jehôwa lah: “Ơ Yàng Jehôwa, hơ̆ ò di la bơta mơ añ neh đơs tòm tŭ añ gam ơm tòm lơgar tòm añ jê ò ơ? Tài behơ̆ tàng añ sơrbac sơrbang dô pleh tus hơ Tarsi. Bơh añ git Kơnràñ la Yàng Tom Trồ gơs nùs kòñ nđàc, òbat gơjrañ, bềng bơta kòñ gơboh kơ̆ dơn, mơ tòmgơl nùs ò lơh glài.

Sacari 9:14

Gen Yàng Jehôwa rơp tơlik mat hơđang bol khai, kam Kơnràñ rơp àng gơcrà kung be puhlèp. Jehôwa Yàng Tom Trồ Gơnap Gơnoar Làm Jơh rơp uh kơlwòk; Kơnràñ rơp lòt tòm ală càl rbut đah đơm.

Khà Làng Bol 14:18

‘Yàng Jehôwa la Bơtau òbat gơjrañ, bềng lìu bơta kòñ gơboh, toh glài mơ bơta tòmdră. Bulah Kơnràñ ò sang lòi bơta lơh glài cau tìs glài; Kơnràñ lơh glài ală kòn sau bơh tồi glài ală ồng pàng bol khai dê jơl tus di rài dơ̆ pe mơ dơ̆ poan.’

Mathiơ 26:64

Yàng Jesu ho lah: “Ngan be ồng neh đơs. Mơya Añ đơs mơ bol mê, bơh do jơl hìng nau bol mê rơp gŏ Kòn Mơnus nggui đah ma Bơtau Gơnap Gơnoar dê, ơm hơđang mhwal trồ mơ tus.”

Jakơ 1:19

Ơ oh mi kòñ gơboh añ jê, oh mi pal git bơta do: Kòp nă cau pal mhar iat, òbat đơs, mơ òbat gơjrañ;

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.