Nahum 1:2 - Sră Goh 2018

² Yàng Jehôwa la Yàng Tom Trồ ƀoah pơrñat mơ sal tê; Yàng Jehôwa sal tê mơ bềng bơta gơjrañ dờng. Yàng Jehôwa sal tê di ală cau sò tơm di Kơnràñ mơ gơjrañ dờng tòmdră mơ ală cau sò tơm di Kơnràñ.

Nahum 1:2 Mawu Ofanana

Sră Jop 20:23

Tơmbềng kơndul bol khai nàng hòm, Yàng Tom Trồ rơp sồr bơta gơjrañ dờng hơđang bol khai, Kơnràñ mìu bơta gơjrañ Kơnràñ dê hơđang khai kung be phan sa.

Đơs Crih 94:1

Ơ Yàng Jehôwa la Yàng Tom Trồ, bơta sal tê gơrê mơ Kơnràñ, Ơ Yàng Tom Trồ, bơta sal tê gơrê mơ Kơnràñ, dan tơlik mat Kơnràñ dê.

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

Lik Ejiptơ 34:14

Bañ duh khoai yàng lơi ndai, bơh Yàng Jehôwa gơs sơnđan la Ƀoah Pơrñat la Yàng Tom Trồ ƀoah pơrñat.

Lik Ejiptơ 34:7

prap gàr bơta kòñ gơboh kơ̆ dơn tus rbô rài, toh bơta tồi glài iơh bơsak, bơta gơtup tìs mơ tồi glài. Mơya Kơnràñ ò kòp cau tìs glài la ò gơs glài, tài bơh tồi glài ồng pàng gen Kơnràñ lơh glài kòn sau bol khai dê tus di pe poan rài tơnơ̆.”

Esai 42:13

Yàng Jehôwa rơp lik lòt hơđap be cau ling pràn kơldang, be dô nă cau ling jak chồl bơtrut nùs ngac ngar Kơnràñ dê, Kơnràñ driau dờng tòmlơh; mơ rơp pha lin rlau mơ ală cau sò tơm Kơnràñ dê.

Esai 51:17

Ơ Jerusalem, Guh tĕ, guh mơ ntào tĕ! Bol mê neh hùc bơh di tê Yàng Jehôwa mơngàn bơta gơjrañ dờng Kơnràñ dê, bol mê neh hùc tus di soat mơngàn lơh cau in gơsèng.

Esai 51:20

Ală kòn bol mê dê òsô mơ bol khai gơpừ chơt yơh di bồ ală gùng me, be be brê gơkòl yar tòm bơtơng. Bol khai bềng bơta gơjrañ dờng Yàng Jehôwa dê mơ bơta lah pơrhơng Yàng Tom Trồ bol mê dê.

Esai 66:15

Do, Yàng Jehôwa rơp tus bal mơ ồs, mơ ală rơndeh tòmlơh Kơnràñ dê kung be càl wac brồng; Kơnràñ rơp đùh bơta gơjrañ Kơnràñ dê dô bă rngòt rngơt, mơ bơta lơh glài Kơnràñ dê bơh lơmpiat ồs hơng.

Jeremi 25:15

Jehôwa Yàng Tom Trồ Israel dê neh đơs mơ añ be do: “Ai tĕ mơngàn tơrnòm bơta gơjrañ lik bơh tê Añ, mơ ală làng bol mơ Añ neh sồr mê tus pal ñô gơ.

Jeremi 28:8

Ală cau gơnoar hwơr lài mơ Añ mơ lài mơ mê, bơh lài neh đơs hwơr bơh bơta kơlìn gơtoă, rung rài, mơ pluh plàng ală ƀòn dờng mơ ală lơgar in.

Jeremi 3:5

Kơnràñ rơp gơjrañ sùm sùm, Mơ Kơnràñ prap bơta gơjrañ dờng tus lồi dut ơ?’ Do, bulah mê đơs behơ̆, Mơya mê gam lơh jơh ală bơta iơh mơ mê rgơi lơh.”

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jeremi 50:15

Hòi driau tĕ tòmdră mơ gơ jơh ală đah. Gơ neh kong alah, Ală theng gơ neh tơrlơm, Ală dơrñang gơ neh tơlup. Bơh do la bơta sal tê Yàng Jehôwa dê! Sal tê tĕ gơ; Lơh gơ in kung be gơ neh lơh.

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 36:6

Gen tàng, đơs hwơr tĕ bơh lơgar Israel mơ đơs mơ ală mơnơm, ală dòr, ală croh dà mơ ală thòng lah: ‘Jehôwa Yàng Tom Trồ đơs be do: Añ đơs tòm bơta ƀoah gơjrañ añ jê tài bơh bol mê neh kong jê sồt tòm bơta bơtat bơtròh ală lơgar dê.’

Ejekiel 38:18

Tòm ngai hơ̆, tòm tŭ Gok brồ lơh lơgar Israel gen bơta gơjrañ dờng Añ jê rơp gơhào khuh.’ Jehôwa Yàng Tom Trồ đơs behơ̆.

Ejekiel 38:19

‘Tòm bơta ƀoah gơjrañ mơ bơta gơjrañ dờng duh hơng Añ jê, Añ yal loh lah: tòm ngai hơ̆ rơp gơs lơnggơr ù dờng ngan tòm lơgar Israel.

Ejekiel 39:25

Gen tàng, Jehôwa Yàng Tom Trồ đơs be do: “Tŭ do Añ rơp cèng Jakôp rê wơl bơh di tiah kong kup cèng pơrdô; Añ rơp nđàc sơngit di jơh hìu Israel, mơ Añ rơp ƀoah pơrhiat bơh sơnđan sàng goh Añ jê.

Ejekiel 5:13

Gen bơta gơhào gơjrañ Añ jê rơp tơl mơ bơta gơjrañ dờng Añ jê hơđang bol khai rơp rài mơ lơh hừh nùs Añ. Tòm tŭ Añ neh tuh bơta gơjrañ dờng Añ jê hơđang bol khai rau gen bol khai rơp git lah hơ̆ să tòm Añ Yàng Jehôwa, neh đơs tòm bơta ƀoah pơrñat Añ jê.

Ejekiel 6:12

Cau lơi ơm ngài rơp chơt bơh pluh plàng, cau lơi ơm rềp rơp pừ bơh đào, mơ cau lơi gam kis, gam lòi wơl gen rơp chơt bơh jơgloh rung. Hơ̆ la bơta gơjrañ dờng Añ jê, Añ rơp tuh hơđang bol khai.

Ejekiel 8:18

Behơ̆ gen Añ rơp lơh di bol khai jat bơta gơhào gơjrañ; Añ rơp ò nđàc sơngit di bol khai hala pơlai bol khai. Bulah bol khai nggà driau dờng di tồr Añ, Añ kung rơp ò bài iat bol khai.”

Jôel 2:18

Gen Yàng Jehôwa gơlik bơta ƀoah pơrñat bơh lơgar Kơnràñ dê; Kơnràñ ai nùs nđàc sơngit di làng bol Kơnràñ dê.

Lebi 26:28

gen tòm bơta gơjrañ Añ jê, Añ rơp tòmdră mơ bol mê, mơ să tòm Añ rơp lơh glài bol mê kơnjơ̆ poh dơ̆ rlau tai.

Mice 5:15

Tòm bơta gơhào gơjrañ mơ gơjrañ dờng, Añ rơp sal tê di ală lơgar ò dòn bơr Añ.”

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Sacari 1:14

Behơ̆ cau gơnrơh đơs mơ añ sồr añ tai lah, bơto yal tĕ jơnau do: “Yàng Jehôwa Gơnap Gơnoar Dờng Làm Jơh neh đơs: ‘Añ gơs nùs ƀoah pơrñat ngan bơh Jerusalem mơ Siôn.

Sacari 8:2

Yàng Jehôwa Gơnap Gơnoar Dờng Làm Jơh đơs be do: “Añ ƀoah pơrñat bơh Siôn mơ bơta ƀoah pơrñat dờng ngan; Añ ƀoah pơrñat mơ bơta gơjrañ dờng.”

Khà Làng Bol 25:11

“Phineas kòn klau Eleajar, sau Arôn cau gơnoar ơn phan duh khoai, neh lơh Añ in rài bơta gơjrañ dờng bơh di cau Israel, khai kung duh hul be Añ bơh bơta ryŭ ryơm Añ jê digùl bol khai, tài behơ̆ tòm bơta duh hul Añ jê Añ ò gŏ tơnroh bol khai.

Rôma 12:19

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”

Rôma 13:4

bơh bol khai la cau duh broă Yàng Tom Trồ dê, nàng lơh gơs kwơ mê in. Mơya dilah mê lơh iơh gen rngòt tĕ, bơh khai at đào ò di la ò kwơ ò; khai la cau duh broă Yàng Tom Trồ dê, hơ̆ la cau sal wơl bơta gơjrañ dờng di cau lơh bơta iơh bơsak.

Yal Wơl 4:24

Bơh Jehôwa Yàng Tom Trồ bol mê dê la dô nơm ồs sa pơrguc, dô nă Yàng Tom Trồ ƀoah pơrñat.

Yal Wơl 7:10

Mơya cau lơi gơjrañ di Kơnràñ, gen Kơnràñ rơp tơm wơl bơta roh rui mo di đap mat bol khai; Kơnràñ rơp ò lơh òbat tòm bơta tơm wơl mo di đap mat bol khai ală cau gơjrañ di Kơnràñ.

Hebrơ 10:30

Bơh bol he git Bơtau neh đơs lah: “Bơta sal tê gơrê hơ Añ, Añ rơp tơm wơl,” mơ tai: “Yàng rơp cahrña làng bol Kơnràñ dê.”

Jôsue 24:19

Jôsue đơs mơ làng bol lah: “Bol mê ò rgơi duh broă Yàng Jehôwa. Kơnràñ la Yàng Tom Trồ sàng goh; Kơnràñ la Yàng Tom Trồ gơjrañ di rùp ràk. Kơnràñ rơp ò toh bơta lơh tìs mơ bơta tồi glài bol mê dê.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,