Nahum 1:12 - Sră Goh 2018

¹² Yàng Jehôwa đơs be do: “Bulah bol khai gơs oă pràn mơ gal ngan cau, bol khai rơp kong tơnroh mơ sang ngài. Bulah Añ neh lơh jê sồt mê in, Añ rơp ò lơh bòl glar jê sồt mê in tai.

Nahum 1:12 Mawu Ofanana

II Ală Bơtau 19:35

Tòm mang hơ̆, gơs dô nă cau gơnrơh Yàng Jehôwa dê lòt tus tòmlơh mơ sàl Asiri, mơ tơnchơt dô rhiang phàm jơt pram rbô nă. Àng ngai hìng, cau guh bơh bic, gen gŏ mpồl ling hơ̆ la ƀồc chơt lơm.

II Ală Bơtau 19:37

Dô ngai ne, khai duh khoai tòm bơmồng Nisrok, yàng khai dê, gen bàr nă kòn klau khai dê la Adrammelek mơ Sarejer tơnchơt khai mơ đào; gen bol khai dô tòm lơgar Ararat. Esarhatdôn, kòn klau ndai khai dê, pơrdòn sơbàn khai dê.

Lik Ejiptơ 12:12

Kung tòm mang hơ̆, Añ rơp lòt gan lơgar Ejiptơ mơ tơnchơt kòp nă kòn tơnhoa, kòn mơnus bal mơ phan poan jơng; mơ Añ rơp cèng bơta lơh glài hơđang jơh ală yàng cau Ejiptơ dê. Añ la Yàng Jehôwa.

Esai 10:16

Gen tàng, Yàng la Yàng Jehôwa Gơnap Gơnoar Dờng, rơp sồr dô bơta kòp jê tơnroh rhòi digùl ală cau ling pràn kơldang khai dê; hơđơm bơta gơklŏ khai dê dô nơm ồs rơp sa hơng ngan.

Esai 17:14

Tòm trồ mho, nisơna gơs bơta rngòt rngơt! Lài mơ tŭ rìng àng drim, bol khai neh ò gam tai! Hơ̆ la pơnah ală cau phà kơñau bol he, la pơnah lơh nền lòi ală cau tòmpìt sơmbrơt bol he.

Esai 30:19

Ơ làng bol Siôn la cau ơm tòm Jerusalem, bol mê rơp ò ñìm rac tai. Kơnràñ kòñ nđàc ngan, tòm tŭ bol mê dan Kơnràñ dong kòl! Tòm tŭ kơno, gen Kơnràñ rơp ho wơl bol mê in.

Esai 31:8

Gen cau Asiri rơp gơpừ bơh lơmpiat đào, ò di đào kòn mơnus dê; mơ đào ò di la đào kòn mơnus dê rơp sa loan bol khai. Bol khai rơp dô bơh di đap đào hơ̆, mơ ală cau klau pơnu bol khai rơp kong duh broă bòl glar.

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Esai 51:22

Yàng Jehôwa At Bồ Hơđang Jơh bol mê dê, la Yàng Tom Trồ bol mê dê mơ la Bơtau dong tò làng bol Kơnràñ dê đơs be do: “Sền do, Añ neh tă bơh di tê bol mê mơngàn lơh cau in lòt gơsèng; bol mê rơp ò hùc mơngàn bơta gơjrañ dờng Añ jê tai.

Esai 7:20

Tòm ngai hơ̆ Yàng Jehôwa rơp ngui dô nơm pềs koah ơpah bơh đah ne hiòng hơ̆ la bơtau Asiri nàng koah bồ bol mê bal mơ sơnò jơng bol mê dê, mơ kung koah tơn sơnò tềp bol mê dê tai sơl.

Esai 8:8

gơ rơp hòr mut tòm Juda, gơ cèng pơrdô jơh, gơ lòt gan mơ bam ndơp tus di ngko; Ơ Emmanuel, gơ pò đar jơm gòm jơh đah ơnàng lơgar mê dê.”

Daniel 11:10

Ală kòn klau bơtau đah đang rcang tòmlơh, bol khai pơjum dô mpồl ling gal ngan, lòt gan kung be dà kŏ ò gơs cau lơi rgơi kơryan gùng, mơ tòmlơh tus di theng ling bơtau đah đơm dê.

Jôel 2:19

Yàng Jehôwa rơp ho wơl mơ bol khai lah: “Do, Añ rơp ai bol mê in: kòi mbo, tơrnòm pa, mơ mơñà, tơl nàng bol mê in geh hòm lai wil tơl; mơ Añ ò tai lơh bol mê in gơlik gơs dô jơnau cau dơñŏ tơnhial digùl ală làng bol.

Nahum 1:15

Sền ne! Hơđang ală mơnơm gơs mpàng jơng cau cèng jơnau niam mơ yal bơta lơngap lơngai! Ơ Juda, pơjum sa chò hòp tĕ ală ngai wèr mê dê, mơ lơh jat wil tơl ală jơnau ho pơgon mê dê, bơh cau iơh bơsak rơp ò brồ lơh mê tai; bol khai neh kong tơnroh jơh hir rau.

Yal Tơlik 7:16

Bol khai rơp ò gam jơgloh, ò gam tơhìr tai; mattơngai hala bơta duh trơàl lơi kung rơp ò lơh iơh di bol khai sơl.