Nahum 1:10 - Sră Goh 2018

¹⁰ Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.

Nahum 1:10 Mawu Ofanana

II Samuel 13:28

Gen Apsalôm ai jơnau sồr ală cau duh broă khai dê lah: “Iat tĕ do! Tòm tŭ nùs Amnôn dê hòn chò bơh ñô tơrnòm, mơ tŭ añ sồr bol mê: ‘Tơnchơt tĕ Amnôn,’ gen tơnchơt tĕ khai. Bañ rngòt! Ò di să tòm añ neh ai bol mê in jơnau sồr do ò ơ? Lơh tĕ pràn kơldang mơ khin cha.”

Đơs Crih 118:12

Bol khai neh gơrwàng añ be mpồl òng, Bol khai lơh kung be lơmpiat ồs sa lò; Añ ai sơnđan Yàng Jehôwa mơ tơnroh bol khai.

Đơs Crih 68:2

Be ñhŭ gơ dô, dan Kơnràñ lơh gơprah bol khai kung behơ̆ sơl; Be jrềng lề di đap ồs, Dan lòi ală cau iơh bơsak kòl tơnroh di đap Yàng Tom Trồ.

Lik Ejiptơ 15:7

Tòm gơnoar dờng ryŭ ryơm Kơnràñ dê, Kơnràñ tơmplơ̆ ală cau sòdră di Kơnràñ. Kơnràñ gơhào bơta gơjrañ dờng Kơnràñ dê; Gơ chu pơrguc bol khai be rhe.

Lik Ejiptơ 5:12

Behơ̆ làng bol lòt làm jơh tòm lơgar Ejiptơ nàng jòi tòm rhe ala rhe.

Esai 27:4

Añ ò gơjrañ; dilah gơ cèng Añ in tòm lò mrơt! Añ rơp lòt tòmlơh mơ bol gơ; Añ rơp chu pơrguc gơ.

Esai 47:14

Sền ne, bol khai kung be rhe, ồs rơp sa pơrguc bol khai; bol khai ò rgơi dong tă să tòm bol khai dê klàs bơh gơnoar lơmpiat ồs. Hơ̆ ò di la ồs rnga tơnram cau lơi, hơ̆ ò di la ồs nàng nggui rềp.

Esai 5:24

Gen tàng, kung be lơmpiat ồs sa loan rhe, mơ kung be ñhơt ro kòl pơrguc tòm lơmpiat ồs, gen kung behơ̆ sơl, tòm ryas bol khai dê rơp ồm lề, mơ bơkào bol khai gơ par roh thit kung be thul; tài bơh bol khai neh sang lòi bơta boh lam Yàng Jehôwa Gơnap Gơnoar Dờng dê mơ sền òsơp jơnau đơs Bơtau Sàng Goh Israel dê.

Esai 56:12

Bol khai đơs lah: “Tus tĕ, lòi añ ai tơrnòm! Bol he ñô bơñul tĕ mơ tơrnòm pràn! Ngai hìng kung be ngai do, mơ sơlo oă rlau tai.”

Esai 9:18

Ngan, bơta iơh bơsak sa hơng be ồs, gơ sa roh lò mrơt mơ ală lò, gơ sa pơrguc ală chi tòm brê, tian gơs ñhŭ gơguh jòng hơđang.

Jeremi 51:39

Tòm tŭ bol khai duh trơàl, Añ rơp yò phan ñô bol khai in ñô, jơl tus hừh nùs, Mơ bol khai bic tơn jơl sùm sùm, mơ ò tŭ lơi kah rngal wơl;” Yàng Jehôwa đơs behơ̆.

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Mice 7:4

Cau niam rlau jơh tòm bol khai la kung be lò mrơt, cau song ring rlau jơh la iơh rlau mơ pơnggàr lò. Ngai ală cau kơp gàr bol khai dê, hơ̆ la ngai bơta lơh glài bol khai dê neh tus rau. Tŭ do bơta sơlồng sơlàng bol khai dê neh tus rềp rau.

Nahum 3:11

Ai kung rơp gơlik be cau bơñul ñô, ai rơp lòt tus di tiah pồn să, mơ jòi tiah kìng crŭ bơh di cau sò tơm.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

I Samuel 25:36

Tòm tŭ Abigail rê tus hơ Nabal; Nabal bơñul oă ngan, ơm ñô sa tòm hìu khai dê be bơta ñô sa dờng cau bơtau dê. Nùs Nabal dê hòn chò ngan tòm khai. Behơ̆ Abigail ò đơs jơnau lơi mơ khai jơl tus di ngai hìng.