Mice 7:9 - Sră Goh 2018

⁹ Añ pal ơnòng bơta gơjrañ dờng Yàng Jehôwa dê; tài bơh añ neh tìs glài tòmdră mơ Kơnràñ, jơl tus di tŭ Kơnràñ dong tò bơta gơrềng tus di añ, mơ lơh gơlik bơta cahrña añ in. Kơnràñ rơp cèng añ lik hơ bơta àng; Añ rơp sền gŏ bơta song ring Kơnràñ dê.

Mice 7:9 Mawu Ofanana

II Samuel 24:17

Tòm tŭ Dabit gŏ cau gơnrơh tơnroh làng bol, gen đơs mơ Yàng Jehôwa lah: “Mìng dô nă añ la cau neh tìs glài, mơ mìng dô nă añ la cau neh lơh bơta iơh bơsak; mơya jơh ală belàt do, ñchi bol khai neh lơh? Añ hòi dan tê Yàng dê, tòmdră mơ añ mơ hìu bèp añ jê.”

Sră Jop 23:10

Mơya Kơnràñ git gùng lòt añ jê; Tòm tŭ Kơnràñ neh lòng añ, añ rơp gơlik gơs be màh.

Sră Jop 35:14

Tơ ài lah tòm tŭ ồng đơs lah ồng ò gŏ Kơnràñ, kơp kòñ jơnau tò să neh tus di đap Kơnràñ, mơ ồng pal ơm gơn Kơnràñ.

Đơs Crih 119:154

Dan tò să añ mơ tơwài añ; Dan ai añ in bơta kis jat jơnau ho pơgon Kơnràñ dê.

Đơs Crih 37:6

Kơnràñ rơp ràng tơlik bơta ò gơs glài mê dê loh làng be bơta àng, Mơ ràng tơlik bơta song ngan mê dê be bơta àng tòm gùl ngai.

Đơs Crih 43:1

Ơ Yàng Tom Trồ, dan yal tơlik añ la cau ò gơs glài, Mơ dong tò jơnau gơrềng tus di añ gơwèt mơ làng bol ò duh rngòt; Dan dong tă añ bơh di cau blac pơrlồm mơ ò song ring.

Đơs Crih 7:6

Ơ Yàng Jehôwa, dan guh tòm bơta gơjrañ Kơnràñ dê, guh mơ tòmdră mơ bơta gơhào gơjrañ cau sò tơm añ jê; Ơ Yàng Tom Trồ añ jê, dan kah rngal; Kơnràñ neh sồr bơtào bơta cahrña rau.

Đơs Crih 94:15

Bơh bơta cahrña song ring rơp jat bơta song ring, Jơh ală cau gơs nùs song ngan gen rơp lơh jat bơta hơ̆.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 42:7

nàng pò mat cau jơngo in, hồ cau kòl krơ̆ bơh hìu jàm, mơ toh cau nggui tòm tiah jơngo hìu jàm dê.

Esai 46:13

Añ cèng bơta song ring Añ jê tus rềp, gơ ò ơm ngài; mơ bơta dong klàs Añ jê rơp ò lơh òbat nyà. Añ rơp ai bơta dong klàs Siôn in, bơta gơklŏ Añ jê Israel in.

Esai 51:22

Yàng Jehôwa At Bồ Hơđang Jơh bol mê dê, la Yàng Tom Trồ bol mê dê mơ la Bơtau dong tò làng bol Kơnràñ dê đơs be do: “Sền do, Añ neh tă bơh di tê bol mê mơngàn lơh cau in lòt gơsèng; bol mê rơp ò hùc mơngàn bơta gơjrañ dờng Añ jê tai.

Esai 56:1

Yàng Jehôwa đơs be do: “Prap gàr tĕ bơta song ring, mơ lơh tĕ bơta di ngan, bơh bơta dong klàs Añ jê rơp tus mhar mo, mơ bơta dong tă Añ jê neh geh yal tơlik.

Jeremi 10:19

Bòl glar añ in, bơh tềl sồt añ jê! Tềl sồt añ kơnjơ̆ ngan! Mơya añ đơs: “Ngan do la bơta pù tơmàl añ jê, Mơ añ pal kong.”

Jeremi 14:7

Khoai Yàng Jehôwa, bulah tồi glài iơh bơsak bol hi dê lơh cơng tòmdră mơ bol hi, Dan bơh sơnđan Kơnràñ mơ lơh broă! Bơta jak tòmdră bol hi dê oă ngan; bol hi neh tìs glài mơ Kơnràñ.

Jeremi 51:10

‘Yàng Jehôwa neh ràng tơlik bơta song ring bol he dê. Tus tĕ, yal tơnggit tòm Siôn Broă lơh Jehôwa Yàng Tom Trồ bol he dê.’

Ñìm Rac 1:18

Yàng Jehôwa ơm tòm bơta song ring, bơh añ neh pơrlơ̆ dră di jơnau Kơnràñ dê. Ơ ală làng bol tòm làm bă tiah, iat tĕ añ, sền tĕ di bơta jê sồt añ jê! Ală ơruh mơ ală cau pơnu añ jê neh gơkòl kup cèng gơs dĭ.

Lebi 26:41

la ală bơta neh lơh Añ in sòdră di bol khai tian gơs Añ neh sang lòi bol khai tòm lơgar ală cau sò tơm di bol khai, gen tòm tŭ bol khai tơnliah nùs ò siat gơltau bol khai dê mơ kong dòp bơta lơh glài,

Malaci 3:18

Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

I Samuel 24:15

Gen tàng dan Yàng Jehôwa cahrña mơ lơh nền digùl bol he. Dan Kơnràñ sền gŏ bơta hơ̆ mơ dong tò broă añ jê; dan Kơnràñ ơm đah mơ añ tòmdră mơ bèp.”

I Samuel 25:39

Tòm tŭ Dabit kơno Nabal neh chơt, gen khai đơs lah: “Jòng ro Yàng Jehôwa neh cahrña bơh Nabal neh sền òsơp dê añ, Kơnràñ neh kơryan cau duh broă Kơnràñ dê klàs bơh di bơta lơh tìs, mơ neh lơh bơta tìs Nabal dê tuh wơl hơđang bồ tòm khai dê.” Gen Dabit sồr đơs mơ Abigail, dan lùp bau mơ khai.

I Samuel 26:10

Dabit đơs tai lah: “Di ngan kung be Yàng Jehôwa kis sùm, să tòm Yàng Jehôwa rơp lơh khai, digơlan ngai chơt khai dê rơp tus, hala khai rơp lòt tòmlơh gen khai rơp kong chơt.

I Samuel 3:18

Behơ̆ Samuel yal khai in jơh ală bơta, ò pồn bơta lơi mơ khai. Gen Heli đơs lah: “Hơ̆ la Yàng Jehôwa, dan Kơnràñ lơh tĕ bơta lơi gơlơh niam Kơnràñ in.”