Mice 7:8 - Sră Goh 2018

⁸ Ơ cau sò tơm di añ, bañ hòn chò bơh añ; tòm tŭ añ gơpừ, añ rơp guh wơl. Tòm tŭ añ nggui tòm tiah klam jơngo, Yàng Jehôwa rơp la bơta àng añ jê.

Mice 7:8 Mawu Ofanana

Sră Jop 31:29

Dilah añ neh hòn chò bơh bơta roh rui cau gơjrañ di añ, Hala hừh nùs tòm tŭ gŏ bơta rung rài dùh hơđang khai;

Đơs Crih 112:4

Bol khai pơnđàng tòm bơta jơngo be dô bơta àng cau song ngan in; Yàng Jehôwa ai bơta nđàc, gơs nùs nđàc sơngit mơ song ring.

Đơs Crih 143:3

Cau sò tơm neh ting jat añ, Jă trơm bơta kis añ tòm ù; Khai lơh añ in ơm di tiah klam jơngo, be cau neh chơt jŏ rau.

Đơs Crih 20:8

Ală cau hơ̆ rơp ruc wơl mơ gơplơ̆, Mơya bol hi rơp guh mơ ntào song.

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 35:19

Dan bañ ai ală cau tòmsò ò bồ di añ, mơ hòn chò tài bơh añ, Kung bañ ai ală cau gơjrañ kơuềng ò bồ di añ gơs mat sền òsơp di añ.

Đơs Crih 37:21

Cau iơh bơsak càn mơ ò rgơi tơm wơl, Ai cau song ring gơs nùs dờng ơnàng mơ ai pà.

Đơs Crih 37:24

Bulah khai gơtup pừ kung ò bic tơn, Tài bơh Yàng Jehôwa at tê yò đo khai.

Đơs Crih 38:16

Bơh añ hòi dan lah: “Dan bañ lòi bol khai chò hòp tài bơh añ, Bol khai la cau jòng să tòmdră di añ tòm tŭ jơng añ gơsèng.”

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Đơs Crih 97:11

Bơta àng sòl pơnđàng cau song ring in, Bơta chò hòp geh ai cau in gơs nùs song ngan.

Esai 2:5

Ơ hìu Jakôp, tus tĕ, bol he cơnđòa lòt tĕ tòm bơta àng Yàng Jehôwa dê.

Esai 49:9

nàng đơs mơ ală cau ơm jàm lah: ‘Lik tĕ,’ mơ đơs mơ ală cau ơm tòm klam jơngo lah: ‘Lòt khat gơboh tĕ!’ Bol khai rơp geh ròng siam di gah ală gùng, mơ geh ƀlàng ñhơt hơđang kòp nơm dòr kơlờl.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Esai 9:2

Làng bol lòt tòm tiah klam jơngo neh gŏ bơta àng dờng; mơ bơta àng neh sòl hơđang ală cau tòm lơgar hơđơm mƀur bơta chơt dê.

Jeremi 48:27

Ai ngan neh òs dơñŏ tơnhial Israel. Kơlôi lah khai neh ò gơkòl kup digùl cau ntung kơñau, mơya tŭ lơi ai đơs bơh khai gen ai rtơs bồ!

Jeremi 50:11

“Ơ cau phà kơñau sre brê Añ jê, Bulah bol mê hòn chò hừh hơh Ntoat sơnđoh kung be kơnrồ me pơrjă kòi, Ngkhih kung be ơseh dam;

Jeremi 8:4

“Behơ̆ mê pal đơs mơ bol khai lah: Yàng Jehôwa đơs be do: ‘Tòm tŭ cau gơplơ̆, bol khai ò ñă ntào wơl ơ? Dilah bol khai lòt neh lòt tìs, bol khai ngan ò rê wơl ơ?

Ejekiel 25:6

Bơh Jehôwa Yàng Tom Trồ đơs be do: ‘Tài bơh bol mê neh tàp tê ntrơm jơng hòn chò mơ tơl jơh bơta iơh bơsak tòm nùs bol mê dê tòmdră mơ lơgar Israel,

Ejekiel 35:15

Ơ mơnơm Seir, mê mơ jơh Edôm, tài bơh mê neh hòn chò tòm tŭ sre brê hìu Israel dê gơlik gơs srau gòi, gen Añ rơp lơh di mê kung behơ̆ sơl. Gen bol khai rơp git Añ la Yàng Jehôwa.”

Ejekiel 36:5

Gen tàng Jehôwa Yàng Tom Trồ đơs be do: ‘Añ neh đơs tòm bơta ƀoah pơrhiat dờng Añ jê, tòmdră mơ ală làng bol gam wơl, tòmdră mơ jơh Edôm, la ală cau neh jơh nùs hòn chò sền òsơp, neh tòmpìt ù tiah Añ jê lơh gơs phan tòm bol khai dê, nàng tòmpìt ai ƀlàng ñhơt gơ dê.’

Amôs 9:11

“Tòm ngai hơ̆, Añ rơp bơtào wơl sàl Dabit neh gơtơrlơm, Añ rơp rcang wơl ală tiah neh tơrlah gơ dê, bơt wơl bơta tơnroh lề lac gơ dê, mơ bơtào wơl kung be gơ neh gơs lài òr;

Apdia 1:12

Di pal ngan mê ò di chò hòp di oh mi mê dê, tòm ngai rung rài khai dê; kung ò di chò hòp bơh làng bol Juda tòm ngai tơnroh bol khai dê, kung ò di jòng să oă ir tòm ngai bòl glar bol khai dê.

Mice 4:10

Ơ kòn ùr Siôn, bơta jê sồt mơ rơnđơh kung be cau ùr jê deh, bơh tŭ do mê rơp lik bơh ƀòn dờng mơ bơtào sàl ơm tòm ƀlàng. Mê rơp lòt tus hơ Babilôn; Tềng hơ̆ mê rơp geh dong klàs. Tềng hơ̆ Yàng Jehôwa rơp dong tơwài mê lik klàs bơh di tê ală cau sò tơm mê dê.

Mice 7:10

Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Sacari 12:8

Tòm ngai hơ̆, Yàng Jehôwa rơp cang kìng ală cau ơm tòm Jerusalem, tian gơs ală cau lơbơn rlau jơh tòm gùl bol khai rơp gơlik gơs kung be Dabit, mơ hìu Dabit rơp gơlik gơs kung be Yàng Tom Trồ, kung be cau gơnrơh Yàng Jehôwa dê ơm di đap bol khai.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 4:16

Làng bol nggui tòm tiah klam jơngo Neh gŏ bơta àng dờng; Mơ bơta àng neh pơnđàng hơđang ală cau nggui hơđơm mƀur bơta chơt.”

Jang 16:20

Ngan, Añ đơs ngan mơ bol mê, bol mê rơp ñìm mơ rac ròc, ai dunnia rơp hòn chò; bol mê rơp moat jrùng, mơya bơta moat jrùng bol mê dê rơp gơlik gơs bơta hòn chò.

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

II Kôrintô 4:9

gơtìp kup kơryan, mơya Yàng Tom Trồ ò sang lòi; gơtìp pù lơh, mơya ò kòl tơnroh;

Yal Tơlik 21:23

Ƀòn dờng ò càng mattơngai mơ kơnhai nàng pơnđàng sòl, bơh bơta gơklŏ Yàng Tom Trồ dê àng gơcrà, mơ Belàt Kòn la bơta àng ƀòn dê.

Yal Tơlik 22:5

Rơp ò gam gơs mang tai; bol khai ò càng bơta àng ồs đèng dê hala bơta àng mattơngai dê tai, tài bơh Yàng la Yàng Tom Trồ rơp sòl pơnđàng bol khai in, mơ bol khai rơp at bồ jơl sùm sùm ò lồi.