Mice 7:7 - Sră Goh 2018

⁷ Mơya đah mơ añ, añ ai bơta gơn kơnòm mơ tơnggòr sền Yàng Jehôwa, añ rơp kơp gơn Yàng Tom Trồ la bơta dong klàs añ jê; Yàng Tom Trồ añ jê rơp iat añ.

Mice 7:7 Mawu Ofanana

Sơnròp Gơlik Gơs 49:18

Ơ Jehôwa! Añ neh kơp gơn bơta dong klàs Kơnràñ dê!

Đơs Crih 109:4

Bol khai yă añ gơwèt mơ bơta kòñ gơboh añ jê, tian gơs tòm tŭ añ hòi dan bol khai in.

Đơs Crih 130:5

Añ kơp gơn Yàng Jehôwa, hwềng soàn añ kơp gơn Kơnràñ; Añ gơn kơnòm di jơnau Kơnràñ dê.

Đơs Crih 25:5

Dan lam añ tòm jơnau song Kơnràñ dê mơ bơto sồr añ, Bơh Kơnràñ la Yàng Tom Trồ bơta dong klàs añ jê; Bơh Kơnràñ añ kơp gơn jơh ngai mho.

Đơs Crih 37:7

Ơm tĕ ring lơngai di đap Yàng Jehôwa, mơ kơ̆ tĕ nùs kơp gơn Kơnràñ; Bañ gơs nùs sơềt sơềl tài bơh cau geh bơtoah bơtoài tòm gùng dà khai dê, La cau lơh gơlik gơs ală kai gơrmơ̆i iơh khai dê.

Đơs Crih 38:15

Mơya, ơ Yàng Jehôwa, añ kơp gơn Kơnràñ; Ơ Jehôwa Yàng Tom Trồ añ jê, Kơnràñ la Bơtau rơp ho wơl.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Đơs Crih 65:2

Ơ Bơtau iat jơnau hòi dan, Jơh ală kòn mơnus rơp lòt tus hơ Kơnràñ.

Đơs Crih 85:5

Yàng rơp gơjrañ di bol hi sùm sùm sơl ơ? Bơta gơjrañ dờng Yàng dê rơp gam jŏ jòng tòm jơh ală rài sơl ơ?

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 17:7

“Tòm ngai hơ̆, cau rơp rmê sền di Bơtau Crơng Gơs he, mơ wèt mat tơnggòr di Bơtau Sàng Goh Israel dê.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Esai 8:17

Añ rơp gơn kơp Yàng Jehôwa, Kơnràñ neh pồn mat Kơnràñ dê bơh di hìu Jakôp, añ rơp gơn kơnòm di Kơnràñ!

Ñìm Rac 3:24

Hwềng soàn añ đơs: “Yàng Jehôwa la pơnah sre brê añ jê, gen tàng añ ơn nùs gơn kơnòm di Kơnràñ.”

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Sră Ôse 12:6

Hơ̆ la Jehôwa Yàng Tom Trồ Gơnap Gơnoar Dờng, Sơnđan Kơnràñ la Yàng Jehôwa.

Jôel 1:19

Ơ Yàng Jehôwa, añ hòi dan mơ Kơnràñ, bơh ồs neh sa jơh ală ƀlàng ñhơt tòm brê, lơmpiat ồs neh sa jơh ală chi che tòm ƀlàng.

Habakuk 2:1

Añ rơp ntào di tiah kơp gàr añ jê, mơ să tòm añ rơp ơm tòm ală theng kơ̆ cê; añ rơp kơp sền ñchi jơnau Kơnràñ rơp đơs mơ añ, mơ mbe Kơnràñ ho wơl bơh bơta añ yoam do.

Habakuk 2:3

Bơh bơta gơtơnggŏ pal gơn tus di tŭ lơh nền; gơ đơs bơh bơta lồi dut, mơ ò đơs blac. Bulah sền gơlơh be òbat tus, gơn tĕ gơ; ngan gơ rơp tus mơ rơp ò lơh òbat.

Khà Làng Bol 5:28

Bulah behơ̆, dilah cau ùr hơ̆ ò lơh să tòm khai in gơlik ƀơ̆ ƀơl mơ ò gơkòl tòm bơta ò goh, khai rơp geh kòp la ò tìs glài mơ rgơi gơs kòn.