Mice 7:3 - Sră Goh 2018

³ Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.

Mice 7:3 Mawu Ofanana

Jơnau Pơnđik 16:30

Cau lơi kơđip mat kơlôi rcang bơta blac pơrlồm, Mơ cau lơi mềm bơr, neh lơh gơs bơta iơh.

Jơnau Pơnđik 17:23

Cau iơh bơsak leng òm phan sa loă, nàng lơh tìs ală gùng cahrña.

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 26:21

Bơh Yàng Jehôwa lik bơh di tiah Kơnràñ dê nàng lơh glài làng bol hơđang plai ù bơh tồi glài bol khai dê. Plai ù rơp ràng tơlik mhàm neh tuh hơđang gơ; mơ rơp ò gam jơm ndơp tai ală cau neh kòl tơnchơt gơ dê.

Esai 3:5

Làng bol rơp kong rồn bơklơn, kòp nă tòmdră mơ cau ndai, gơp ƀòn tòmdră mơ gơp ƀòn; cau pơnu rơp dờng nùs mơ cau kra, cau ò diă ò diơng ò duh rngòt cau ryŭ ryơm.

Esai 32:7

Cau lac lèo ngui ală bơta lac lèo, khai bơtào gơs ală kai gơrmơ̆i iơh, ai ală jơnau đơs blac nàng tơnroh cau rƀah lơòi, bulah tòm tŭ jơnau rac dan cau siơ̆u siar dê la di ngan.

Esai 5:23

la cau sa loă mơ cahrña cau gơs glài la song ring, mơ ò cahrña song ring cau ò gơs glài!

Jeremi 3:5

Kơnràñ rơp gơjrañ sùm sùm, Mơ Kơnràñ prap bơta gơjrañ dờng tus lồi dut ơ?’ Do, bulah mê đơs behơ̆, Mơya mê gam lơh jơh ală bơta iơh mơ mê rgơi lơh.”

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 8:10

Gen tàng, Añ rơp jào bau ùr bol khai dê cau ndai in, Mìr sre bol khai dê cau phà tòmpìt in; Tài bơh, bơh cau dềt rlau jơh tus cau dờng rlau jơh, jơh tơl nă hàm hà cồng nha ò song ring; Bơh cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac lơm.

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Ejekiel 22:6

Sền tĕ: mbe kòp nă ală cau kwang at bồ Israel dê ơm tòm ai ngui gơnoar khai dê nàng lơh gơtuh mhàm.

Ejekiel 34:21

Tài bơh bol mê ai wĕ ai pơnì mơ chồl, ai ngke mơ gĕ jơh ală belàt lơbơn òsô jơl tus di tŭ bol mê neh lơh gơprah gơpring jơh bol khai làm tiah ngài.

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Sră Ôse 4:18

Tòm tŭ phan ñô bol khai dê neh jơh, bol khai lòt jat bơta ñô sa bơñul lơmbè tòm bơta rềs àr; bol khai kòñ gơboh bơta rềs àr rlau mơ bơta gơklŏ.

Sră Ôse 7:3

Bol khai lơh cau bơtau in chò hòp bơh ală bơta iơh bơsak bol khai dê, lơh niam nùs ală kwang dờng bơh bơta pơrlơ̆ dră bol khai dê.

Amôs 5:12

Bơh Añ git ală bơta iơh bơsak bol mê dê la oă ir, mơ ală tồi glài bol mê dê la dờng ò git nđò. Bol mê rồn bơklơn cau song ring mơ dòp ală phan sa loă, mơ bol mê tơlo ală cau rƀah lik bơh dê mpồng ƀòn dờng.

Mice 2:8

Mơya bol mê guh tòmdră mơ làng bol Añ jê kung be dô nă cau sò tơm. Bol mê hồ ào jrùh bơh di ală cau ơm ring lơngai, bơh di ală cau lòt gùng dòn kơnòm mơ ò kơlôi bơh bơta kơlìn.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 3:2

Bol mê gơjrañ kơuềng di bơta niam mơ kòñ gơboh di bơta iơh; bol mê la cau crè gơltau làng bol Añ jê, la cau tah poac bơh di ntìng bol khai dê;

Mathiơ 26:15

Mơ đơs lah: “Ală ồng kòñ ai añ in nđò nàng añ bơtào Khai ală ồng in?” Gen bol khai ai Juda in pe jơt pet priă.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.