Mice 7:18 - Sră Goh 2018

¹⁸ Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Mice 7:18 Mawu Ofanana

Sơnròp Gơlik Gơs 4:7

Dilah mê lơh niam gen mê ò di pò mat sơl ơ? Mơ dilah mê lơh ò niam gen bơta tồi glài kơp brồ tơm bơh bơdìh mpồng, gơboh mê ngan mơya mê pal at bồ gơ.”

I Ală Bơtau 8:23

Khai đơs lah: “Ơ Jehôwa, Yàng Tom Trồ Israel dê! Ò gơs Yàng Tom Trồ lơi be Kơnràñ, bơh hơđang trồ jòng hala tòm ù hơđơm; Yàng prap gàr bơta ho bal mơ bơta kòñ gơboh kơ̆ dơn gơwèt mơ ală dĭ gơna Yàng, la ală cau lòt di đap Yàng dô bă jơh nùs,

II Yal Yau 30:9

Dilah bol mê rê wơl hơ Yàng Jehôwa gen ală oh mi mơ ală kòn sau bol mê dê rơp geh bơta nđàc di đap ală cau neh kup bol khai, mơ bol khai rơp rê wơl hơ lơgar do, bơh Jehôwa Yàng Tom Trồ bol mê dê la Bơtau gơs nùs kòñ nđàc mơ nđàc sơngit, mơ Kơnràñ rơp ò pleh mat bơh di bol mê dilah bol mê rê wơl hơ Kơnràñ.”

II Yal Yau 6:21

Dan Kơnràñ iat ală jơnau rac dan cau duh broă Kơnràñ dê mơ làng bol Israel Kơnràñ dê tòm tŭ bol khai hòi dan wèt hơ tiah do. Dan iat bơh đang trồ, la tiah ơm sùm Kơnràñ dê, dan iat mơ toh glài.

Nehemi 9:17

bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Đơs Crih 103:13

Yàng Jehôwa nđàc sơngit di cau duh rngòt di Kơnràñ, Ò gơkrơi be bèp nđàc sơngit di ală kòn khai dê behơ̆ sơl.

Đơs Crih 130:4

Mơya Yàng gơs nùs toh glài, Nàng cau in duh rngòt dê Kơnràñ.

Đơs Crih 35:10

Jơh ală ntìng añ rơp đơs lah: “Ơ Yàng Jehôwa, ñcau ndròm be Kơnràñ taih? La Bơtau dong tă cau lơbơn bơh di cau pràn kơldang rlau mơ khai, Mơ dong tă cau lơbơn mơ cau siơ̆u siar bơh di cau tòmpìt kơñau khai.”

Đơs Crih 65:3

Tòm tŭ ală tồi glài iơh bơsak bol hi dê pha rlau mơ bol hi, Gen Kơnràñ toh glài bol hi in.

Đơs Crih 65:4

Lơngai cau lơi in geh Kơnràñ sac rwah mơ cèng tus rềp, Nàng ơm tòm tiah ơm Kơnràñ dê. Bol hi rơp geh hừh hơh bơh ală bơta niam tòm hìu Kơnràñ dê, la Hìu Duh Khoai Sàng Goh Kơnràñ dê.

Đơs Crih 71:19

Ơ Yàng Tom Trồ, gơnap gơnoar mơ bơta song ring Kơnràñ dê jơnhoa tus di ală tap trồ. Kơnràñ la Bơtau neh lơh ală broă dờng ngan; Ơ Yàng Tom Trồ, ñcau rgơi ndròm be Kơnràñ taih?

Đơs Crih 86:15

Mơya, ơ Yàng, Kơnràñ la Yàng Tom Trồ gơs nùs kòñ nđàc mơ ai bơta nđàc, Òbat gơjrañ, gơs bơta dòn song mơ bơta kòñ gơboh kơ̆ dơn tơngkah tơngkañ.

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Đơs Crih 89:6

Hơđang ală tap trồ, ñcau geh pơndròm bal mơ Yàng Jehôwa taih? Digùl ală cau hơđang trồ, ñcau geh ndròm be Yàng Jehôwa taih?

Đơs Crih 89:8

Ơ Jehôwa Yàng Tom Trồ Gơnap Gơnoar Dờng Làm Jơh dê, ñcau gơs gơnap gơnoar ndròm be Yàng taih? Ơ Yàng Jehôwa, bơta dòn song Yàng dê ơm gùt dar Kơnràñ.

Lik Ejiptơ 15:11

Ơ Yàng Jehôwa! Digùl ală yàng, ñcau ndròm be Kơnràñ taih? Ñcau rgơi ndròm be Kơnràñ, ryŭ ryơm tòm bơta sàng goh, Pal rngòt rngơt tòm bơta gơklŏ, lơh ală bơta krơi tềl is?

Lik Ejiptơ 34:9

Khai đơs lah: “Khoai Yàng Jehôwa, dilah añ geh bơta nđàc di đap Yàng, gen dan Yàng Jehôwa lòt bal mơ bol hi. Bulah làng bol do la dô nơm làng bol kơldang bồ, dan toh bơta iơh bơsak mơ tồi glài bol hi dê, mơ dan dòp bol hi lơh gơs sre brê Kơnràñ dê.”

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 33:24

Ò gơs cau lơi ơm tòm Siôn rơp đơs lah: “Añ kòp jê,” cau ơm tềng hơ̆ rơp geh toh bơta tồi glài bol khai dê.

Esai 38:17

Ngan, añ kong bơta jê sồt moat jrùng añ jê, hơ̆ la bơta lơngai lơngò añ in; mơya Yàng neh sơmbat wơl rài kis añ jê, klàs bơh trồm jrô tơnroh; Yàng neh sơrbì jơh ală tồi glài añ jê, đah ngkòi Kơnràñ dê.

Esai 40:18

Behơ̆ gen bol mê rơp pơndròm Yàng Tom Trồ mơ ñcau taih? Ai rùp să lơi mơ bol mê rơp pơndròm mơ Kơnràñ taih?

Esai 40:25

Bơtau Sàng Goh đơs lah: “Bol mê pơndròm Añ mơ ñcau, hala ñcau ndròm be Añ taih?”

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Esai 57:10

Bol mê neh bòl glar bơh lòt gùng ngài, mơya bol mê neh ò đơs lah: “Hơ̆ la ò kwơ.” Bol mê neh bàn wơl bơta kơp kòñ bol mê dê, behơ̆ tàng bol mê rơp ò gơkòl lơbơn lơño.

Esai 57:16

Añ rơp ò kơt glài sùm sùm, kung ò gơhào gơjrañ sùm sùm; bơh ală hwềng soàn rơp bòl glar di đap Añ, bulah hwềng kis mơ Añ neh crơng gơs.

Esai 62:5

Kung be dô nă cau klau pơnu tòmbau mơ dô nă cau ơruh, gen kung behơ̆ sơl, Bơtau bơt bơtào ai rơp bau mơ ai, mơ kung be cau bơrtơu pa hòn chò bơh bau ùr pa khai dê, gen kung behơ̆ sơl, Yàng Tom Trồ rơp hòn chò bơh di ai.

Esai 64:9

Ơ Yàng Jehôwa, dan Kơnràñ bañ gơjrañ oă ir, dan bañ kah ală tồi glài bol hi dê sùm sùm. Tŭ do dan Kơnràñ wèt sền di bol hi, bơh bol hi jơh tơl nă la làng bol Kơnràñ dê.

Esai 65:19

Añ rơp hòn chò tòm Jerusalem, mơ rơp chò hòp tòm làng bol Añ jê; tềng hơ̆ rơp ò gam kơno jơnau ñìm rac hala jơnau driau dờng tai.

Jeremi 3:12

Lòt tĕ mơ yal tơnggit ală jơnau do wèt hơ đah đang lah: ‘Ơ Israel ò dòn song, rê wơl tĕ! Yàng Jehôwa đơs, Añ rơp ò sền di ai mơ muh mat gơjrañ tai, Bơh Añ jak nđàc sơngit; Añ ò prap bơta gơjrañ sùm sùm.’ Yàng Jehôwa đơs behơ̆.

Jeremi 3:5

Kơnràñ rơp gơjrañ sùm sùm, Mơ Kơnràñ prap bơta gơjrañ dờng tus lồi dut ơ?’ Do, bulah mê đơs behơ̆, Mơya mê gam lơh jơh ală bơta iơh mơ mê rgơi lơh.”

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Jeremi 32:41

Añ rơp chò hòp mơ ai lơngai bol khai in, mơ Añ rơp tam bol khai tòm lơgar do tòm bơta dòn song, mơ jơh nùs jơh hwềng soàn Añ jê.’

Jeremi 33:8

Añ rơp lơh goh jơh ală bơta iơh bơsak bol khai neh tìs glài tòmdră mơ Añ; Añ rơp toh jơh ală bơta iơh bơsak bol khai neh tìs glài mơ Añ mơ tòmdră mơ Añ.

Jeremi 38:8

Ebetmelet bơh tòm gơlang bơtau lik lòt mơ đơs mơ bơtau lah:

Jeremi 50:20

Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Jeremi 9:24

Mơya cau lơi jòng să la jòng să tòm bơta do, hơ̆ la bol khai wă wơng mơ đal git Añ la Yàng Jehôwa, Añ lơh broă mơ bơta kòñ gơboh kơ̆ dơn, Song ngan, mơ song ring hơđang plai ù; Bơh Añ kòñ gơboh ală bơta hơ̆.” Yàng Jehôwa đơs behơ̆.

Ejekiel 18:23

Jehôwa Yàng Tom Trồ đơs lah: ‘Añ rơp niam nùs bơh bơta chơt cau iơh bơsak dê, sơl ơ? Gơsơlơ̆u wơl, ò di la Añ niam nùs tòm tŭ bol khai pơrlac wơl bơh di ală gùng dà bol khai dê mơ geh kis ò ơ?

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Ejekiel 33:16

Ò gơs dô nơm glài lơi bol khai neh tìs rơp gơkòl kah wơl tòmdră mơ bol khai; khai neh lơh bơta song ring mơ song ngan, ngan la bol khai rơp kis.

Daniel 9:9

Jehôwa la Yàng Tom Trồ bol hi dê la Bơtau gơs bơta kòñ nđàc mơ jak toh glài bulah bol hi neh tòmdră mơ Kơnràñ.

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Sră Ôse 14:5

Añ rơp be dà tŭ Israel in; khai rơp gơlik bơkào be bơkào gun, Khai rơp kung be dơr brê srò ryas jrô tòm Liban.

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Amôs 1:11

Yàng Jehôwa đơs be do: “Bơh tồi glài Edôm dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh khai neh ting jat oh mi he mơ đào, sang lòi jơh ală bơta kòñ nđàc, khai prap lòi bơta gơjrañ sùm sùm, mơ prap gàr bơta gơjrañ kơuềng khai dê ò jơh.

Amôs 7:8

Mơ Yàng Jehôwa đơs mơ añ lah: “Ơ Amôs, ñchi mê gŏ taih?” Añ ho lah: “Añ gŏ dô dang che rnoas mơ trà. Gen Yàng đơs lah: Sền do, Añ dang dô nơm che rnoas mơ trà digùl làng bol Israel Añ jê; Añ rơp ò lòi rlau bol khai in tai.

Amôs 8:2

Kơnràñ lùp lah: “Ơ Amôs, ñchi mê gŏ taih?” Añ ho lah: “Dô nơm bài ơn plai chi kơnhai prang duh dê.” Gen Yàng Jehôwa đơs tai mơ añ lah: “Bơta lồi dut neh tus hơđang làng bol Israel Añ jê; Añ rơp ò lòi rlau bol khai in tai.

Jôna 4:2

Khai hòi dan mơ Yàng Jehôwa lah: “Ơ Yàng Jehôwa, hơ̆ ò di la bơta mơ añ neh đơs tòm tŭ añ gam ơm tòm lơgar tòm añ jê ò ơ? Tài behơ̆ tàng añ sơrbac sơrbang dô pleh tus hơ Tarsi. Bơh añ git Kơnràñ la Yàng Tom Trồ gơs nùs kòñ nđàc, òbat gơjrañ, bềng bơta kòñ gơboh kơ̆ dơn, mơ tòmgơl nùs ò lơh glài.

Mice 2:12

“Ơ Jakôp! Ngan Añ rơp pơjum wơl jơh ală bol mê; Añ rơp tơrgòm ală cau gam wơl Israel dê, Añ rơp ơn bol khai dô bă bal be belàt tòm dô mpồl, be dô mpồl tòm ƀlàng ñhơt gơ dê; rơp gơlik gơs jơnau lơh nggồr mpong bơh làng bol oă.

Mice 4:7

Añ rơp lơh cau kwet gơlte in gơlik gơs làng bol gam wơl, lơh ală cau neh kong kup cèng gơlik gơs dô nơm lơgar pràn. Yàng Jehôwa rơp at bồ bol khai tòm mơnơm Siôn, bơh tŭ do jơl tus sùm sùm.

Mice 5:3

Gen tàng Israel rơp gơkòl sang lòi jơl tus di tŭ cau ùr jê deh neh deh kòn mơ cau oh mi gam wơl Kơnràñ dê rơp rê wơl lơh gơs dô bă bal mơ kòn sau Israel dê.

Mice 7:14

Ê gàr tĕ làng bol mê dê mơ gai jra mê dê, la mpồl belàt gơrê bal mê dê, ơm kis is tòm brê, ơm digùl dô nơm suơn tòm lơgar. Lòi tĕ bol gơ in sa ñhơt tòm Basan mơ Galaat kung be tòm ală ngai yau òr.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Khà Làng Bol 23:21

Ò jòi gŏ bơta tồi glài tòm Jakôp, ò jòi bàn bơta dồn sa rƀah tòm Israel. Jehôwa Yàng Tom Trồ bol khai dê ơm bal mơ bol khai; jơnau driau dờng jòng ro Bơtau ơm digùl bol khai.

Luka 15:32

Mơya di pal ngan sa chò hòp mơ hòn chò, bơh oh mê do neh chơt mơ kis wơl, neh roh mơ geh bàn wơl.’”

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Rôma 11:4

Mơya mbe Yàng Tom Trồ ho wơl mơ khai taih? “Añ neh prap lòi Añ in poh rbô nă cau klau ò cùn gơltang di đap Baal.”

Yal Wơl 33:26

“Ò gơs yàng lơi ndai kung be Yàng Tom Trồ Jesurun dê, Kơnràñ hào hơđang ală tap trồ nàng dong kòl mê, mơ hơđang ală mhwal tòm bơta ryŭ ryơm Kơnràñ dê.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Ală Kwang Cahrña 10:16

Gen bol khai tă sang ală yàng lơgar bơdìh bơh digùl bol khai mơ duh broă Yàng Jehôwa. Kơnràñ ò jai kong tai sền bơta bòl glar Israel dê.