Mice 7:11 - Sră Goh 2018

¹¹ Gơs dô ngai bơt bơtào ală dơrñang mê dê, tòm ngai pò ơnàng ală nhàr lơgar mê dê.

Mice 7:11 Mawu Ofanana

Nehemi 2:17

Gen añ đơs mơ bol khai lah: “Bol mê gŏ ală bơta bòl glar bol he dê, mbe Jerusalem neh tơrlah jơh, mơ ală mpồng gơ dê neh ồs sa. Tus tĕ bol he bơt wơl ală dơrñang Jerusalem dê, nàng bol he ò tai ơm tòm bơta jê sồt sền òsơp.”

Nehemi 2:8

mơ dô nơm sră pơyoa tus hơ Asap cau at bồ brê bơtau dê, nàng sồr khai ai añ in chi nàng lơh ală jrong mpồng theng kơ̆ cê dê, mơ dơrñang ƀòn dờng dê, bal mơ hìu tòm añ jê.” Bơtau ai gơnoar añ in bơta añ neh dan, tài bơh tê kòñ nđàc Yàng Tom Trồ añ jê ơm hơđang añ.

Nehemi 4:3

Tôbiah cau Ammôn ơm di gah khai đơs lah: “Lŭ dơrñang hơ̆ bol khai ơm bơt, dilah dô nơm pì hào hơđang gơ gen rơp lơh tơrlơm jơh.”

Nehemi 4:6

Behơ̆ bol hi bơt wơl dơrñang mơ jơh ală dơrñang neh tơrbŏ bal jơnhoa tus di nggùl; bơh làng bol neh lơh broă dô nùs dô bă bal.

Esai 54:11

“Ơ ală cau jê sồt bòl glar, kong càl rbut dờng khồm tơlo mơ ò geh pơndòm pơniang, Añ rơp bơt bơtào ai mơ lŭ kĕ tơlir, bơt ală mơnàng ai dê mơ lŭ màng tơlir trồ.

Esai 54:2

“Pò tĕ dờng tiah sàl ai dê, lì tĕ ơnàng bài kơrnìng tiah ơm ai dê, bañ hwài tơnruc wơl; dang tĕ jòng ală che kơt, mơ pơng kơ̆ gai jơrmơng ai dê.

Esai 58:12

Bol mê rơp bơt wơl ală tiah tơrlah tơrlơm lài òr; mê rơp bơtào wơl ală mơnàng bơh ală rài yau dê; bol mê rơp geh sơnđan la cau rcang wơl ală tiah neh tơrlah tơrlơm, mơ la Cau Bơt Wơl ală gùng lòt tiah cau in ơm.

Esai 61:4

Bol khai rơp bơt wơl ală tiah tơrlah tơrlơm yau òr, mơ bơtào wơl ală tiah gơkòl tơnroh jŏ jòng rau; bol khai rơp bơtào wơl ală ƀòn dờng neh tơrlah tơrlơm gơkòl tơnroh bơh oă rài rau.

Daniel 9:25

Mê git tĕ mơ wă loh bơh di tŭ tơlik jơnau gơnoar sồr rcang wơl mơ bơt wơl Jerusalem jơl tus di tŭ tus Bơtau geh bong mơñà, hơ̆ la bơtau at bồ, gen geh poh poh, mơ prau jơt bàr nơm poh. Ƀòn dờng hơ̆ rơp geh bơt wơl tòm tŭ tơngai bòl glar kalke, gơs gùng dờng mơ rbòng dà lơh gơs pơnggàr gùt dar.