Mice 6:4 - Sră Goh 2018

⁴ Añ neh cèng bol mê lik bơh lơgar Ejiptơ, mơ neh tơwài bol mê bơh di hìu ơm lơh dĭ; mơ Añ neh sồr Môise, Arôn mơ Miriam lòt di đap bol mê.

Mice 6:4 Mawu Ofanana

II Samuel 7:23

Gơs làng bol lơi ndai be làng bol Yàng dê, be làng bol Israel sơl ơ? Gơs làng bol lơi ndai tòm plai ù mơ Yàng Tom Trồ neh lòt nàng tơwài be dô nơm làng bol mơ tơmoh mơ sơnđan să tòm Kơnràñ dê, lơh ală broă dờng mơ pal rngòt rngơt ngan bol khai in, hơ̆ la ting bơtrơh bơh di đap làng bol Kơnràñ dê ală làng bol mơ ală yàng bol khai dê.

Đơs Crih 77:20

Yàng ngui tê Môise mơ Arôn Nàng tề lam làng bol Kơnràñ dê be dô mpồl belàt.

Lik Ejiptơ 12:51

Mơ tòm ngai hơ̆, Yàng Jehôwa tă mpồl làng bol Israel dê lik bơh Ejiptơ.

Lik Ejiptơ 20:2

“Añ la Jehôwa Yàng Tom Trồ bol mê dê, Bơtau neh cèng bol mê bơh di Ejiptơ, klàs bơh di tiah ơm dĭ.

Lik Ejiptơ 3:10

Behơ̆ tŭ do, lòt tĕ. Añ sồr mê lòt tus hơ Pharaôn nàng lam làng bol Añ jê la làng bol Israel lik klàs bơh di lơgar Ejiptơ.”

Lik Ejiptơ 4:10

Môise đơs mơ Yàng Jehôwa lah: “Khoai Yàng Jehôwa, añ òhềt tŭ lơi la cau jak đơs, bơh tòm yau òr, hala bơh di tŭ Yàng tòmbơhbơr mơ cau duh broă Yàng dê. Añ la cau gơs lơmpiat đơs ò loh làng.”

Lik Ejiptơ 4:16

Khai rơp ala mê nàng đơs mơ làng bol, khai rơp gơlơh kung be bơr mê dê, ai mê rơp gơlơh kung be Yàng Tom Trồ gơwèt mơ khai.

Lik Ejiptơ 6:27

Bol khai la ală cau đơs mơ Pharaôn, bơtau lơgar Ejiptơ bơh bơta cèng tơlik làng bol Israel bơh di lơgar Ejiptơ. Hơ̆ la Môise mơ Arôn hơ̆.

Jeremi 32:21

Kơnràñ neh cèng làng bol Israel Kơnràñ dê lik bơh lơgar Ejiptơ ngui bơta krơi tềl is, tê pràn, mơ tơwòr tê pò tơlik bal mơ bơta rngòt rngơt dờng.

Amôs 2:10

Añ neh cèng bol mê lik bơh di lơgar Ejiptơ, mơ tề lam bol mê poan jơt nam tòm ƀlàng bràs nàng bol mê in ai lơgar cau Amôrit dê lơh gơs sre brê.

Khà Làng Bol 12:1

Miriam mơ Arôn đơs tòmdră mơ Môise tài bơh bau ùr cau Kus khai dê, bơh khai neh bau mơ dô nă cau Kus.

Khà Làng Bol 33:1

Do la ală pah tòm gùng lòt ală cau Israel dê tòm tŭ bol khai neh lik lòt bơh di Ejiptơ jat ală mpồl hơđơm gơnoar at bồ Môise mơ Arôn dê.

Broă 7:36

Khai la cau neh lam bol khai lik bơh lơgar Ejiptơ mơ lơh ală bơta krơi tềl is tòm lơgar Ejiptơ, tòm Dàlềng Pơrhê, mơ tòm ƀlàng bràs ngềt ngơt tòm poan jơt nam.

Yal Wơl 15:15

Kah tĕ lah bol mê la cau ơm dĭ tòm Ejiptơ mơ Jehôwa Yàng Tom Trồ bol mê dê neh dong tơwài bol mê. Tài bơh hơ̆ tàng añ ai bol mê in jơnau gơnoar sồr do tòm ngai do.

Yal Wơl 24:18

Kah tĕ lah bol mê neh la ală cau dĭ tòm Ejiptơ mơ Jehôwa Yàng Tom Trồ bol mê dê neh dong tơwài bol mê bơh tềng hơ̆. Tài bơh hơ̆, tàng añ ai jơnau sồr bol mê lơh bơta hơ̆.

Yal Wơl 4:20

Mơya đah pơnah mơ bol mê gen Yàng Jehôwa neh tă tơlik bol mê bơh di bơnhă ồs gơm lề lòs, lik bơh di Ejiptơ nàng gơs dô nơm làng bol gơrê is mơ Kơnràñ kung be neh gơs tòm ngai do.

Yal Wơl 4:34

Gơs yàng lơi ndai neh lòng tă tơlik khai in dô nơm làng bol bơh di dô nơm làng bol ndai kơnòm di bơta pơrlòng, ală bơta krơi tềl is, bơta tòmlơh, bơh dô nơm tê gơnoar pràn mơ tơwòr tê pò ơnàng, hala bơh ală broă dờng mơ pal rngòt rngơt, be jơh ală bơta Yàng Tom Trồ bol mê dê neh lơh bol mê in tòm Ejiptơ di đap mat tòm bol mê dê sơl ơ?

Yal Wơl 5:6

‘Añ la Jehôwa Yàng Tom Trồ bol mê dê, la Bơtau neh tă cèng bol mê lik bơh di Ejiptơ, bơh di lơgar bol mê ơm dĭ.

Yal Wơl 7:8

Mơya hơ̆ la tài bơh Yàng Jehôwa neh kòñ gơboh di bol mê mơ prap gàr jơnau srat să ho nền mơ ală ồng pàng bol mê dê mơ Kơnràñ neh ngui tê gơnoar pràn tă tơlik bol mê mơ dong tơwài bol mê bơh di lơgar ơm dĭ, klàs bơh di gơnoar pràn Pharaôn bơtau Ejiptơ dê.

Yal Wơl 9:26

Añ hòi dan mơ Yàng Jehôwa mơ đơs lah: Ơ Yàng Jehôwa At Bồ Hơđang Rlau Jơh, dan bañ tơnroh làng bol Kơnràñ dê la sre brê Kơnràñ dê mơ Kơnràñ neh tơwài bơh gơnap gơnoar dờng Kơnràñ dê mơ cèng bơh di Ejiptơ kơnòm di tê gơnoar pràn Kơnràñ dê.

I Samuel 12:6

Gen Samuel đơs mơ làng bol lah: “Yàng Jehôwa la cơng tàng, la Bơtau neh pồ bơtào Môise mơ Arôn mơ neh cèng ală ồng pàng bol mê dê lik bơh di Ejiptơ.