Mice 5:3 - Sră Goh 2018

³ Gen tàng Israel rơp gơkòl sang lòi jơl tus di tŭ cau ùr jê deh neh deh kòn mơ cau oh mi gam wơl Kơnràñ dê rơp rê wơl lơh gơs dô bă bal mơ kòn sau Israel dê.

Mice 5:3 Mawu Ofanana

I Ală Bơtau 14:16

Kơnràñ rơp lơh glài Israel tài bơh glài Jerôbôam dê, hơ̆ la glài khai neh tìs mơ glài khai neh lơh Israel in tìs glài.”

II Yal Yau 30:7

Bañ lơh be ală ồng pàng mơ ală oh mi bol mê dê la ală cau ò dòn song mơ Jehôwa Yàng Tom Trồ ală ồng pàng bol khai dê, tian gơs Kơnràñ neh lơh bol khai in gơlik gơs dô bă tiah tơrlah tơrling be bol mê neh gŏ.

Đơs Crih 67:3

Ơ Yàng Tom Trồ, ală làng bol pal jòng ro Kơnràñ, Jơh ală làng bol pal jòng ro Kơnràñ!

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 31:1

Yàng Jehôwa đơs: “Tòm tŭ hơ̆, Añ rơp lơh gơs Yàng Tom Trồ jơh ală jơi bơtiàn Israel in; mơ bol khai rơp lơh gơs làng bol Añ jê.”

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Sră Ôse 2:14

Gen tàng tŭ do Añ rơp jà pơndòm khai, Añ rơp lam khai tus tòm ƀlàng ngềt ngơt, mơ ai jơnau bơkah lơngồt đơs mơ khai.

Sră Ôse 2:9

Behơ̆ gen Añ ai wơl kòi mbo Añ jê tòm tŭ gơ neh dum, mơ tơrnòm Añ jê di di kơnhai gơ dê. Añ rơp ai wơl sơnò belàt mơ bài, la phan ngui nàng klơm să kuh khai dê.

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Mice 4:4

Mơya bol khai rơp nggui hơđơm tòm ño bol khai dê mơ hơđơm chi ƀal bol khai dê, mơ ò gơs cau lơi lơh bol khai in rngòt rngơt, bơh Yàng Jehôwa Gơnap Gơnoar Dờng Làm Jơh neh đơs bơta hơ̆ bơh bơr Kơnràñ dê.

Mice 4:7

Añ rơp lơh cau kwet gơlte in gơlik gơs làng bol gam wơl, lơh ală cau neh kong kup cèng gơlik gơs dô nơm lơgar pràn. Yàng Jehôwa rơp at bồ bol khai tòm mơnơm Siôn, bơh tŭ do jơl tus sùm sùm.

Mice 5:7

Pơnah gam wơl Jakôp dê rơp ơm digùl oă làng bol kung be dà tŭ tus bơh di Yàng Jehôwa, kung be mìu dùh hơđang ñhơt, gơ ò gơn kơnòm di cau hala kơp gơn jơi kòn mơnus.

Mice 5:8

Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.

Mice 6:14

Mê rơp sa mơya ò geh hòm; klung mê dê rơp gam jơgloh tòm să mê. Mê rơp prap lòi phan mơna mơya ò geh klàs, bơh phan lơi mê prap lòi gen Añ rơp jào gơ đào in.

Mice 7:13

Mơya plai ù rơp gơlik gơs tiah sang lòi ngềt ngơt tài bơh ală cau ơm tòm hơ̆, mơ bơh cồng nha broă lơh bol khai dê.

Sacari 10:6

“Añ rơp bơtơl pràn hìu Juda in, mơ dong tă hìu Jôsep dê. Añ rơp cèng bol khai rê wơl tài bơh Añ nđàc sơngit di bol khai. Bol khai rơp ơm kung be Añ neh ò sang lòi bol khai, bơh Añ la Jehôwa Yàng Tom Trồ bol khai dê, mơ Añ rơp ho wơl bol khai in.

Mathiơ 1:21

Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.”

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;