Mice 4:7 - Sră Goh 2018

⁷ Añ rơp lơh cau kwet gơlte in gơlik gơs làng bol gam wơl, lơh ală cau neh kong kup cèng gơlik gơs dô nơm lơgar pràn. Yàng Jehôwa rơp at bồ bol khai tòm mơnơm Siôn, bơh tŭ do jơl tus sùm sùm.

Mice 4:7 Mawu Ofanana

Đơs Crih 2:6

“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

Esai 16:5

Gen dô nơm sơbàn rơp geh bơt bơtào tòm bơta kòñ gơboh kơ̆ dơn tòm sàl Dabit dê, bơta dòn song rơp nggui hơđang hơ̆, dô nă cau at bồ rơp jòi bơta song ring mơ sơrbac sơrbang lơh bơta di ngan.

Esai 24:23

Mat kơnhai rơp ƀàssìl, mattơngai rơp ƀàssìl; bơh Yàng Jehôwa Gơnap Gơnoar Dờng rơp at bồ hơđang mơnơm Siôn mơ hơđang Jerusalem, Kơnràñ rơp ràng tơlik bơta gơklŏ Kơnràñ dê di đap ală kwang kra Kơnràñ dê.

Esai 6:13

Bulah dô pơnah jơt gam ơm tòm lơgar, gơ rơp kong chu tai. Be tòm nho hala tòm cha, tơnggu gơ gam ơm ntào, tòm tŭ cau kơl gơ. Gar sơntìl sàng goh la tơnggu gơ dê.”

Esai 60:22

Cau dô êt rlau jơh tòm mê rơp gơlik gơs dô jơi bơtiàn, cau dềt rhền rlau jơh rơp gơlik dô nơm làng bol pràn kơldang. Añ la Yàng Jehôwa, di di tŭ tơngai gơ dê, Añ rơp lơh gơlik gơs mhar ală bơta hơ̆!

Esai 66:8

Gơs tŭ lơi cau neh kơno bơh dô bơta behơ̆ sơl ơ? Gơs tŭ lơi cau neh gŏ ală bơta ndròm behơ̆ sơl ơ? Dô nơm lơgar rgơi geh deh mìng tòm dô ngai ơ? Hala dô nơm làng bol rgơi geh tơnggơs mìng tòm dô ơthoa sơl ơ? Bulah behơ̆, tòm tŭ Siôn pa jê deh gen gơ neh tơnggơs kòn sau rau.

Ejekiel 43:7

Khai đơs mơ añ lah: “Ơ kòn mơnus, do la tiah ơn sơbàn Añ jê, mơ la tiah ơn kơndòl jơng Añ jê. Do la tiah Añ rơp ơm sùm sùm digùl kòn sau Israel. Hìu Israel, bol khai hala ală cau bơtau bol khai dê, rơp ò tŭ lơi lơh ƀơ̆ ƀơl tai sơnđan sàng goh Añ jê bơh bơta dri tơlàr bol khai dê, mơ bơh ală rùp ràk ò gơs bơta kis ală cau bơtau bol khai dê hơđang ală tiah jơnhoa.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Jôel 3:17

Behơ̆, bol mê rơp git Añ la Jehôwa Yàng Tom Trồ bol mê dê, ơm tòm Siôn, mơnơm sàng goh Añ jê. Jerusalem rơp gơlik gơs sàng goh, làng bol rơp ò gơs tŭ lơi tòmpìt gơ tai.

Apdia 1:21

Ală cau neh geh dong tă rơp guh hơđang mơnơm Siôn nàng at bồ mơnơm Esau dê. Mơ lơgar bơtau rơp gơrê bal mơ Yàng Jehôwa.

Mice 2:12

“Ơ Jakôp! Ngan Añ rơp pơjum wơl jơh ală bol mê; Añ rơp tơrgòm ală cau gam wơl Israel dê, Añ rơp ơn bol khai dô bă bal be belàt tòm dô mpồl, be dô mpồl tòm ƀlàng ñhơt gơ dê; rơp gơlik gơs jơnau lơh nggồr mpong bơh làng bol oă.

Mice 2:13

Dô nă cau pò gùng rơp guh lài mơ bol khai; bol khai rơp brồ tus lòt gan di mpồng dờng mơ lik bơh hơ̆. Cau bơtau bol khai dê rơp lòt gan di đap bol khai, Yàng Jehôwa lam bồ bol khai.”

Mice 5:3

Gen tàng Israel rơp gơkòl sang lòi jơl tus di tŭ cau ùr jê deh neh deh kòn mơ cau oh mi gam wơl Kơnràñ dê rơp rê wơl lơh gơs dô bă bal mơ kòn sau Israel dê.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Sôphôni 3:13

Ală cau gam wơl Israel dê rơp ò lơh bơta tìs, bol khai rơp ò đơs blac, bơta blac pơrlồm jòi ò bàn tòm bơr bol khai dê. Bol khai rơp sa mơ bic rlô, mơ ò gơs cau lơi lơh bol khai in rngòt rngơt.”

Sôphôni 3:20

Tòm tŭ hơ̆, añ rơp pơjum tơrgòm ai wơl, tòm tŭ hơ̆ Añ rơp cèng ai rê hìu. Añ rơp lơh ai in geh tiơng pơnro mơ geh jòng ro digùl jơh ală làng bol tòm plai ù, tòm tŭ Añ brê wơl ală cau neh kong kup pơrdô ai dê ơm di đap mat ai.” Yàng Jehôwa đơs behơ̆.

Luka 1:33

Kơnràñ rơp at bồ hìu nhă Jakôp dê jơl sùm sùm, lơgar Kơnràñ ò gơs lồi.”

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”