Mice 4:4 - Sră Goh 2018

⁴ Mơya bol khai rơp nggui hơđơm tòm ño bol khai dê mơ hơđơm chi ƀal bol khai dê, mơ ò gơs cau lơi lơh bol khai in rngòt rngơt, bơh Yàng Jehôwa Gơnap Gơnoar Dờng Làm Jơh neh đơs bơta hơ̆ bơh bơr Kơnràñ dê.

Mice 4:4 Mawu Ofanana

I Ală Bơtau 4:25

Tòm pah rài kis Salômôn dê, làng bol Juda mơ Israel bơh Dan tus Beerseba, kòp nă ơm lơngap lơngai hơđơm mƀur tòm ño mơ tòm chi ƀal khai dê.

I Ală Bơtau 5:5

Behơ̆, añ gơs nùs kòñ bơt dô nơm hìu Sơnđan Jehôwa Yàng Tom Trồ añ in, be Yàng Jehôwa neh đơs mơ Dabit bèp añ lah: ‘Kòn klau mê la cau Añ rơp bơtào hơđang sơbàn mê dê rơp bơt dô nơm hìu Sơnđan Añ in.’

Sră Jop 11:19

Ồng rơp bic rlô, mơ ò gơs cau lơi lơh ồng in rngòt rngơt, oă cau rơp jòi dan bơta nđàc ồng dê.

Đơs Crih 72:3

Lòi ală mơnơm mơ ală mơnơm dềt Cèng bơta pas gơs lơngap lơngai làng bol in tòm bơta song ring.

Jơnau Pơnđik 3:25

Bañ rngòt di bơta rngòt rngơt nisơna gơtơntus, Hala di bơta rung rài gơdùh hơđang cau iơh bơsak.

Esai 1:20

Mơya dilah bol mê tòmdră mơ sang lòi, gen bol mê rơp gơkòl đào sa loan, bơh bơr Yàng Jehôwa dê neh đơs behơ̆.”

Esai 17:2

Ală ƀòn dờng Arôe dê kòl sang lòi ngềt ngơt jơl sùm sùm, rơp lơh gơs tiah mpồl belàt in ơm bic rlô, ò gơs cau lơi rơp lơh bol gơ in rngòt.

Esai 22:25

Yàng Jehôwa Gơnap Gơnoar Dờng đơs lah: “Tòm ngai hơ̆, jơrmơng neh pơng di tiah kơ̆ cê rơp sơntă mơ dùh di tiah, mơ ală phan kơnjơ̆ yồng hơđang hơ̆ rơp roh rui.” Bơh Yàng Jehôwa neh đơs behơ̆.

Esai 26:16

Ơ Yàng Jehôwa, tòm bơta bòl glar, bol khai jòi Kơnràñ. Bol khai tuh tơlik dô bơta hòi dan, tòm tŭ Kơnràñ lơh glài tơmàl bol khai.

Esai 32:17

Cồng nha bơta song ring dê la bơta ring lơngai, plai đo bơta song ring dê rơp la ring ngềt mơ dòn kơnòm gam sùm sùm.

Esai 36:16

Bañ iat jơnau bơtau Ejekia dê; bơh bơtau Asiri đơs be do: Lơh tĕ gơtòmsòr mơ añ, mơ lik tus tĕ mơ añ, gen jơh tơl nă bol mê rơp sa plai ño mơ plai ƀal tòm he dê, hùc dà tơrlung tòm he dê,

Esai 40:5

Gen bơta gơklŏ Yàng Jehôwa dê rơp geh yal tơlik, jơh tơl nă kòn mơnus rơp sền gŏ bơta hơ̆, bơh bơr Yàng Jehôwa dê neh đơs behơ̆.”

Esai 54:14

Ai rơp geh bơt bơtào kơ̆ tòm bơta song ring, bơta rồn bơklơn rơp ơm ngài bơh ai, ai rơp ò gơs bơta rngòt. Bơta rngòt rngơt rơp ò tus rềp di ai.

Esai 58:14

gen bol mê rơp geh bơta hòn chò tòm Yàng Jehôwa, Añ rơp yò bol mê hào hơđang ală tiah jơnhoa tòm ù tiah dê, Añ rơp ròng siam bol mê mơ sre brê ồng pàng bol mê dê la Jakôp.” Bơh bơr Yàng Jehôwa dê neh đơs behơ̆.

Jeremi 23:4

Añ rơp bơtào ală cau ê hơđang bol khai nàng sền gàr bol khai; bol khai rơp ò rngòt rngơt tai, ò gơdô nùs mơ ò roh dô nơm lơi,” Yàng Jehôwa đơs behơ̆.

Jeremi 30:10

Yàng Jehôwa đơs: ‘Ơ Jakôp, mê la dĭ gơna Añ, bañ rngòt. Ơ Israel, bañ rngòt rngơt! Añ rơp dong klàs mê bơh tiah ngài, Mơ jơi bơtiàn mê bơh lơgar kong kup cèng gơs dĭ. Jakôp rơp rê wơl geh ring lơngai mơ lơngap lơngai, Ò gơs cau lơi lơh khai in rngòt rngơt.’

Ejekiel 34:25

Añ rơp bơtào mơ bol gơ dô bơta ho bal ring lơngai, mơ rơp bơtrơh ală phan brê bơh di lơgar nàng bol gơ rgơi ơm tòm ƀlàng ngềt ngơt mơ bic tòm brê tòm dơr dô bă lơngap lơngai.

Ejekiel 34:28

Bol khai rơp ò kong phà kup bơh ală làng bol bơdìh tai; kung ò kong jơi phan brê sa loan tai. Bol khai rơp ơm lơngap lơngai, ò gơs cau lơi lơh bol khai in rngòt rngơt.

Ejekiel 38:11

Mê rơp đơs lah: ‘Añ rơp guh tòmdră mơ lơgar ală ƀòn ò gơs dơrñang; añ rơp brồ lơh dô nơm làng bol ơm ring lơngai, jơh tơl nă bol khai ơm tòm ală tiah ò gơs dơrñang, ò gơs mpồng mơ gai kal mpồng.

Ejekiel 39:26

Bol khai rơp hŭi bơta ƀàssìl ƀàsso bol khai dê mơ jơh ală bơta ò dòn song mơ bol khai neh gơwèt mơ Añ tòm tŭ bol khai ơm lơngap lơngai tòm lơgar bol khai dê, ò gơs cau lơi lơh bol khai in rngòt rngơt.

Lebi 26:6

Añ rơp ai bơta ring lơngai tòm lơgar, bol mê rơp bic mang mơ ò gơs cau lơi lơh bol mê in rngòt. Añ rơp tă tơlik ală phan brê bơh di lơgar, mơ đào rơp ò lòt gan lơgar bol mê dê.

Mice 5:3

Gen tàng Israel rơp gơkòl sang lòi jơl tus di tŭ cau ùr jê deh neh deh kòn mơ cau oh mi gam wơl Kơnràñ dê rơp rê wơl lơh gơs dô bă bal mơ kòn sau Israel dê.

Sôphôni 3:13

Ală cau gam wơl Israel dê rơp ò lơh bơta tìs, bol khai rơp ò đơs blac, bơta blac pơrlồm jòi ò bàn tòm bơr bol khai dê. Bol khai rơp sa mơ bic rlô, mơ ò gơs cau lơi lơh bol khai in rngòt rngơt.”

Sacari 3:10

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, bol mê kòp nă rơp jà cau gơp ƀòn he tus nggui hơđơm tòm ño mơ tòm chi ƀal he dê.”