Mice 4:13 - Sră Goh 2018

¹³ Ơ Kòn ùr Siôn, guh tĕ mơ pơrjòt tĕ! Bơh Añ rơp lơh ai in ală ngke mơ lòs, mơ ală nđias jơng mơ kòng; mơ ai rơp pòng bơcah lề lac oă làng bol. Ai rơp ơn phan bol khai tòmpìt geh Yàng Jehôwa in, ơn bơta pas sơm bol khai dê Yàng Jehôwa in la Yàng jơh dunnia dê.”

Mice 4:13 Mawu Ofanana

Đơs Crih 24:1

Plai ù mơ ală phan hơđang gơ, Lơgar dunnia mơ ală cau ơm hơđang gơ, jơh gơrê bal mơ Yàng Jehôwa.

Đơs Crih 68:29

Tài bơh hìu duh khoai Kơnràñ dê tòm Jerusalem, Ală cau bơtau cèng phan ơn Kơnràñ in.

Đơs Crih 72:10

Dan lòi cau bơtau Tarsi mơ cau bơtau ală bồt pơlào dê boh dia khai in, Lòi bơtau Saba mơ Seba cèng phan ai gòi khai in.

Esai 18:7

Tòm tŭ hơ̆ phan pà rơp geh cèng ơn Yàng Jehôwa Gơnap Gơnoar Dờng in bơh dô nơm làng bol să jơnhoa gơltau àng gơcrà, dô nơm làng bol pal rngòt bơh tòm tiah ngài mơ tiah rềp, dô nơm làng bol jak tòmpìt sơmbrơt pràn kơldang, dô nơm lơgar ù tiah tòmcah bơh ală hiòng dà, tus hơ mơnơm Siôn la tiah gơrê mơ sơnđan Yàng Jehôwa Gơnap Gơnoar Dờng dê.

Esai 21:10

Ơ cau neh kong pơrjòt mơ cau tòmpơr kòi tòm làn añ jê, bơta añ neh kơno bơh Yàng Jehôwa Gơnap Gơnoar Dờng, la Yàng Tom Trồ Israel dê, añ neh yal tơnggit bol mê in rau.

Esai 23:18

Mơya ală phan kă bro mơ jền tơngai khai dê rơp geh ơn Yàng Jehôwa in, cồng nha gơ rơp ò geh prap lòi tòm đam. Mơya phan mơna khai geh rơp ai ală cau ơm di đap Yàng Jehôwa nàng bol khai geh tơngkah tơngkañ phan sa mơ phan soh.

Esai 5:28

Kam sơna bol khai dê sơmplàñ, jơh àtak bol khai dê neh wàr; kơnđias ơseh bol khai dê kră be lŭ tơrneh, kong rơndeh bol khai dê kung be càl rbut.

Jeremi 51:20

“Mê la mut mơ phan tòmlơh Añ in; Añ rơp ngui mê phà tơrlah ală làng bol Mơ tơnroh ală lơgar.

Jeremi 51:33

Bơh Yàng Jehôwa Gơnap Gơnoar, Yàng Tom Trồ Israel dê, đơs: “Kòn ùr Babilôn tòm toh be làn pơrjă kòi Tus di kơnhai pơrjă kòi; Gam dô êt jŏ tai, Kơnhai toès gơ dê rơp tus.”

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Sră Ôse 10:11

Epraim la kung be dô nơm kơnrồ dra jak dòn bơr, kòñ pơrjòt kòi; mơ Añ rơp rcang lòi ngko lơmă gơ dê. Mơya Añ rơp ơn ngal Epraim dê; Juda pal lơòr ù, mơ Jakôp pal pŏ ù.

Mice 5:7

Pơnah gam wơl Jakôp dê rơp ơm digùl oă làng bol kung be dà tŭ tus bơh di Yàng Jehôwa, kung be mìu dùh hơđang ñhơt, gơ ò gơn kơnòm di cau hala kơp gơn jơi kòn mơnus.

Habakuk 3:12

Tòm bơta gơjrañ dờng Kơnràñ cơnđòa lòt gan plai ù; mơ tòm bơta gơhào gơjrañ Kơnràñ jă trơm ală làng bol.

Sacari 12:3

Tòm ngai hơ̆, tòm tŭ jơh ală làng bol tòm ù pơjum bal tòmdră mơ Jerusalem, Añ rơp lơh Jerusalem in gơlik gơs kung be dô pơnai lŭ klềr cau ò rgơi pơrlă gơwèt mơ jơh ală làng bol. Jơh ală cau lơi kòñ pơrlă gơ gen să tòm bol khai rơp kong jê sồt.”

Sacari 12:6

Tòm ngai hơ̆, Añ rơp lơh ală cau kwang at bồ Juda in gơlik gơs kung be dô nơm bơnhă ồs ơm digùl dô gơnru lòng, kung be dô nơm sơmpòl ồs ơm digùl ală cap kòi. Bol khai rơp chu pơrguc đah ma mơ đah kiau, jơh ală làng bol ơm gùt dar; mơ tŭ hơ̆ Jerusalem rơp geh cau ơm tai tòm tiah gơ dê, tòm Jerusalem.”

Sacari 4:14

Behơ̆ khai đơs lah: “Hơ̆ la bàr nă cau geh bong mơñà, nàng duh broă Yàng Jehôwa jơh plai ù dê.”

Sacari 6:5

Cau gơnrơh ho wơl mơ añ lah: “Hơ̆ la poan nơm hwềng hơđang trồ dê, lik bơh di tiah bol gơ ơm ntào di đap mat Yàng jơh ală trồ tiah dê.

I Kôrintô 16:2

Ngai sơnròp tòm kòp poh, kòp nă jat bơta cồng nha he dê mơ prap lòi is, tồ ò càng rì jền tòm tŭ añ tus.

Yal Wơl 33:25

Ală kai mpồng dờng mê dê rơp lơh mơ lòs mơ kòng, rài kis mê jŏ kàr lơi, gen bơta pràn kơldang mê dê rơp dròm kàr hơ̆.”

Jôsue 6:19

Mơya jơh ală priă, màh mơ jơh ală phan ngui lơh mơ kòng mơ lòs rơp ơn is lơh gơs sàng goh Yàng Jehôwa in, mơ tơmut jơh phan hơ̆ tòm đam jàr Yàng Jehôwa dê.”