Mice 4:12 - Sră Goh 2018

¹² Mơya bol khai ò git bơta kơlôi sơnơng Yàng Jehôwa dê, bol khai ò wă wơng bơta rơndap Kơnràñ dê, bơh Kơnràñ neh tơrgòm bol khai kung be ală cap kòi cèng tòm làn pơrjòt kòi.

Mice 4:12 Mawu Ofanana

Đơs Crih 147:19

Yàng yal loh jơnau Kơnràñ dê Jakôp in, Hơ̆ la ală bơta lơh nền mơ gơnoar sồr Israel in.

Đơs Crih 147:20

Kơnràñ ò lơh behơ̆ mơ làng bol lơi ndai ò, Bol khai ò git gơnoar sồr Kơnràñ dê. Jòng ro Yàng Jehôwa!

Esai 10:7

Mơya hơ̆ ò di la bơta khai lơh nền, hơ̆ ò di la bơta khai kơlôi tòm dơngoh; mơya tòm nùs khai dê la kòñ tơnroh, mơ pơndut oă làng bol.

Esai 21:10

Ơ cau neh kong pơrjòt mơ cau tòmpơr kòi tòm làn añ jê, bơta añ neh kơno bơh Yàng Jehôwa Gơnap Gơnoar Dờng, la Yàng Tom Trồ Israel dê, añ neh yal tơnggit bol mê in rau.

Esai 29:7

Gen mpồl oă jơh ală lơgar neh tòmlơh tòmdră mơ Ariel, neh brồ lơh khai bal mơ ală theng kơ̆ cê khai dê mơ gơrwàng gùt dar khai, rơp kung be dô bơta mpau, mơ bơta gơtơnggŏ tòm trồ mang.

Esai 55:8

“Bơh ală bơta kơlôi sơnơng Añ jê ò di la ală bơta kơlôi sơnơng bol mê dê, hala ală gùng dà bol mê dê kung ò di la ală gùng dà Añ jê.” Yàng Jehôwa đơs behơ̆.

Jeremi 29:11

Yàng Jehôwa đơs: “Bơh Añ git bơta kơlôi sơnơng Añ jê gơwèt mơ bol mê, la bơta kơlôi sơnơng lơngap lơngai, ò di la rung rài, nàng bol mê in geh bơta gơn kơnòm tòm ngai tơnơ̆ bol mê dê.

Jeremi 51:20

“Mê la mut mơ phan tòmlơh Añ in; Añ rơp ngui mê phà tơrlah ală làng bol Mơ tơnroh ală lơgar.

Jeremi 51:33

Bơh Yàng Jehôwa Gơnap Gơnoar, Yàng Tom Trồ Israel dê, đơs: “Kòn ùr Babilôn tòm toh be làn pơrjă kòi Tus di kơnhai pơrjă kòi; Gam dô êt jŏ tai, Kơnhai toès gơ dê rơp tus.”

Jôel 3:2

Añ rơp pơjum bal jơh ală làng bol, mơ cèng bol khai mù tòm thòng Jehôsaphat, Añ rơp cahrña bol khai tềng hơ̆, sơwì làng bol Añ jê mơ sre brê Añ jê cau Israel, tài bơh bol khai neh lơh nrah nring làng bol Israel digùl ală lơgar. Bol khai neh tòmpà ù tiah Añ jê,

Luka 3:17

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”