Mice 4:11 - Sră Goh 2018

¹¹ Mơya tŭ do gơs oă lơgar pơjum bal tòmdră mơ mê. Bol khai đơs lah: “Lòi tĕ khai gơkòl ƀơ̆ ƀơl, mơ lòi tĕ gar mat bol he sền trol di Siôn!

Mice 4:11 Mawu Ofanana

Đơs Crih 129:5

Dan ală cau gơjrañ kơuềng di Siôn kong ƀàssìl mơ ruc wơl.

Đơs Crih 83:5

Ngan, bol khai bơyai bal dô nùs, Bol khai bơtào bơta ho bal sòdră di Yàng:

Esai 10:7

Mơya hơ̆ ò di la bơta khai lơh nền, hơ̆ ò di la bơta khai kơlôi tòm dơngoh; mơya tòm nùs khai dê la kòñ tơnroh, mơ pơndut oă làng bol.

Esai 17:12

Ơ hơh! Ală làng bol gal lơh nggồr nggàc ngan, gơ ntơr kung be dàlềng nggồr! Ơ hơh! Ală lơgar driau dờng nggồr nggàc ngan, bol khai driau nggà kung be ală dà hòr pràn!

Esai 29:7

Gen mpồl oă jơh ală lơgar neh tòmlơh tòmdră mơ Ariel, neh brồ lơh khai bal mơ ală theng kơ̆ cê khai dê mơ gơrwàng gùt dar khai, rơp kung be dô bơta mpau, mơ bơta gơtơnggŏ tòm trồ mang.

Jeremi 52:4

Ngai jơt kơnhai jơt, nam dơ̆ sin rài bơtau Jedekia, gen Nebukatnessar, bơtau Babilôn, cèng jơh mpồl ling lòt tòmlơh mơ Jerusalem, bơtào sàl theng kơ̆ cê gơrwàng gùt dar gơ.

Ejekiel 26:3

Gen tàng Jehôwa Yàng Tom Trồ đơs lah: ‘Ơ Tirơ! Do, Añ tòmdră mơ mê, mơ Añ rơp chồl oă lơgar tus tòmdră mơ mê, kung be ryà dàlềng gơrơndul khuh behơ̆ sơl.

Ejekiel 38:17

“Jehôwa Yàng Tom Trồ đơs be do: ‘Mê ò di la cau mơ Añ neh đơs tòm ală ngai lài òr kơnòm di cau duh broă Añ jê la ală cau gơnoar hwơr Israel dê, la ală cau tòm tŭ hơ̆ neh đơs hwơr tòm jŏ nam lah Añ rơp cèng mê tus tòmdră mơ bol khai ơ?

Apdia 1:12

Di pal ngan mê ò di chò hòp di oh mi mê dê, tòm ngai rung rài khai dê; kung ò di chò hòp bơh làng bol Juda tòm ngai tơnroh bol khai dê, kung ò di jòng să oă ir tòm ngai bòl glar bol khai dê.

Mice 7:10

Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Sacari 12:3

Tòm ngai hơ̆, tòm tŭ jơh ală làng bol tòm ù pơjum bal tòmdră mơ Jerusalem, Añ rơp lơh Jerusalem in gơlik gơs kung be dô pơnai lŭ klềr cau ò rgơi pơrlă gơwèt mơ jơh ală làng bol. Jơh ală cau lơi kòñ pơrlă gơ gen să tòm bol khai rơp kong jê sồt.”