Mice 4:10 - Sră Goh 2018

¹⁰ Ơ kòn ùr Siôn, bơta jê sồt mơ rơnđơh kung be cau ùr jê deh, bơh tŭ do mê rơp lik bơh ƀòn dờng mơ bơtào sàl ơm tòm ƀlàng. Mê rơp lòt tus hơ Babilôn; Tềng hơ̆ mê rơp geh dong klàs. Tềng hơ̆ Yàng Jehôwa rơp dong tơwài mê lik klàs bơh di tê ală cau sò tơm mê dê.

Mice 4:10 Mawu Ofanana

II Ală Bơtau 20:18

Ală kòn klau bơtau dê, neh deh bơtau in, rơp kòl kup cèng; bol khai rơp lơh gơs cau kwang kriau tòm gơlang bơtau Babilôn dê.’”

II Ală Bơtau 25:4

Tŭ hơ̆, gơs dô nơm trồm neh tơmbluh di dơrñang ƀòn; gen bơtau mơ jơh mpồl ling ntoat dô tòm trồ mang di gùng mpồng ƀòn dờng digùl bàr nơm dơrñang ƀòn rềp di suơn bơtau. Bulah mpồl ling Kalde gơrwàng ƀòn dờng. Bol khai dô song hơ Araba.

II Yal Yau 33:11

Behơ̆ Yàng Jehôwa neh cèng tus ală cau at bồ mpồl ling bơtau Asiri dê, bol khai kup jàm Manase, ơn dô nơm gai kwĕ di muh khai, kơt khai mơ che sreng kòng mơ cèng khai tus hơ Babilôn.

II Yal Yau 36:20

Khai cèng pơrdô hơ Babilôn ală cau neh klàs bơh đào, mơ bol khai gơlik gơs ală cau duh broă khai in mơ ală kòn klau khai in, jơl tus di tŭ lơgar Persia geh bơtào kơ̆.

II Yal Yau 36:23

“Sirus bơtau Persia đơs be do: ‘Yàng Jehôwa la Yàng Tom Trồ hơđang trồ, neh ai añ in jơh ală lơgar tòm plai ù mơ Kơnràñ neh pồ bơtào añ nàng bơt bơtào dô nơm hìu duh khoai Kơnràñ in tòm Jerusalem tòm Juda. Cau lơi digùl bol mê la làng bol Kơnràñ dê, gen guh tĕ hơ Jerusalem, mơ dan Jehôwa Yàng Tom Trồ khai dê ơm bal mơ khai!’”

Đơs Crih 106:10

Behơ̆ Kơnràñ dong klàs bol khai bơh di tê cau sòdră, Dong tă bol khai bơh di gơnoar cau sò tơm dê.

Esai 43:14

Yàng Jehôwa, Bơtau Dong Tơwài bol mê dê, Bơtau Sàng Goh Israel dê đơs be do lah: “Tài bơh bol mê, Añ rơp sồr tus hơ Babilôn, lơh tơrlơm jơh ală mpồng ƀòn dờng dê, mơ ală jơnau driau cau Kalde dê rơp gơlik gơs jơnau ñìm rac.

Esai 45:13

Añ rơp tơngguh Sirus tòm bơta song ring, Añ rơp bơsong jơh ală gùng dà khai dê. Khai rơp bơt bơtào wơl ƀòn dờng Añ jê, mơ hồ toh ală cau kong kup cèng Añ jê geh khat gơboh, mơya ò di bơh khà jền hala nàng geh phan ƀàn, Yàng Jehôwa Gơnap Gơnoar Dờng đơs behơ̆.”

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Jeremi 13:4

“Ai tĕ che but mê neh blơi neh kơt di but mê; tŭ do lòt tus tĕ hơ gah hiòng Ơphrat, mơ pồn gơtòm gồp pơnai lŭ tềng hơ̆.”

Jeremi 15:21

“Añ rơp dong tă mê bơh tê cau iơh, mơ tơwài mê klàs bơh tê sơmbat kup cau rhung rhang.”

Jeremi 29:20

Gen tàng, ơ bol mê la ală cau kong kup cèng ngài bơh lơgar mơ Añ neh cèng bơh Jerusalem tus Babilôn, iat tĕ jơnau Yàng Jehôwa:

Jeremi 4:31

Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Jeremi 48:41

Keriôt kong alah, Ală theng kơ̆ cê kong tòmpìt rau; Tòm ngai hơ̆, nùs ală cau pràn kơldang Môap dê Gơlik gơs kung be nùs cau ùr jê deh.

Jeremi 52:27

Bơtau Babilôn sồr lơh mơ tơnchơt bol khai tòm Ripla, tiah Hamat. Behơ̆ gen cau Juda gơkòl kup cèng ngài bơh lơgar he.

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Sră Ôse 13:13

Bơta jê sồt kung be cau ùr jê deh rơp tus mơ khai, mơya khai la dô nă kòn klau ò gơs bơta jak chài; tòm tŭ jơ neh tus, khai ò tơlik mat khai di mpồng hìu kòn.

Sră Ôse 2:14

Gen tàng tŭ do Añ rơp jà pơndòm khai, Añ rơp lam khai tus tòm ƀlàng ngềt ngơt, mơ ai jơnau bơkah lơngồt đơs mơ khai.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Mice 5:3

Gen tàng Israel rơp gơkòl sang lòi jơl tus di tŭ cau ùr jê deh neh deh kòn mơ cau oh mi gam wơl Kơnràñ dê rơp rê wơl lơh gơs dô bă bal mơ kòn sau Israel dê.

Yal Tơlik 12:14

Mơya cau ùr geh ai bàr nơm đar klàng bung dờng, tồ khai rgơi par pleh bơh di bơs mơ tus tiah khai ơm tòm ƀlàng bràs; tềng hơ̆ khai geh ròng siam tòm dô tơngai, ală tơngai mơ nggùl tơngai.