Mice 3:1 - Sră Goh 2018

¹ Gen Añ đơs lah: “Iat tĕ, ơ ală bol mê la cau gơnoar lam bồ Jakôp dê mơ bol mê la cau gơnoar at bồ hìu Israel dê. Bol mê ò di pal git bơta song ring ò ơ?

Mice 3:1 Mawu Ofanana

Nehemi 13:17

Tŭ hơ̆ añ lah pơrhơng ală kwang at bồ lơgar Juda dê lah: Ñchi broă iơh bol mê lơh be do, mơ lơh ƀơ̆ ƀơl ngai Saƀat in taih?

Đơs Crih 14:4

Jơh ală cau lơh iơh bơsak ò git wă sơl ơ? Bol khai sa loan làng bol Añ jê be sa ƀañ, Mơ kung ò gơs tŭ lơi hòi dan mơ Yàng Jehôwa sơl.

Esai 1:10

Iat tĕ jơnau Yàng Jehôwa dê; Ơ bol mê la ală cau kwang Sôdôm dê; Iat tĕ jơnau bơto sồr Yàng Tom Trồ bol he dê; Ơ làng bol Gômôrơ dê!

Esai 10:2

tă tơlik gơnoar cau siơ̆u siar bơh bơta song ring, mơ tòmpìt bơta song ring bơh ală cau rƀah tòm làng bol Añ jê, ai ală cau ùr bơnrau lơh gơs phan ơn pơndòm, mơ cau kòn đòi lơh be phan tòmpìt geh.

Ejekiel 22:6

Sền tĕ: mbe kòp nă ală cau kwang at bồ Israel dê ơm tòm ai ngui gơnoar khai dê nàng lơh gơtuh mhàm.

Ejekiel 34:2

“Ơ kòn mơnus, đơs hwơr tĕ tòmdră mơ ală cau ê belàt Israel dê; đơs hwơr, mơ đơs tĕ mơ bol khai la ală cau ê belàt lah: ‘Jehôwa Yàng Tom Trồ đơs be do: Ơ bol mê la ală cau ê Israel dê, bol mê la cau mìng ròng siam să tòm! Ò di ală cau ê pal ròng siam mpồl belàt ò ơ?

Ejekiel 34:3

Bol mê sa dơngi belàt, tơnsoh să tòm bol mê mơ sơnò belàt, bol mê lơh poac ală belàt lơmă rlau jơh, mơya bol mê ò ròng siam mpồl belàt!

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Sră Ôse 5:1

Ơ ală cau gơnoar ơn phan duh khoai, iat tĕ! Ơ hìu Israel, ai tĕ tồr iat! Ơ hìu nhă cau bơtau dê, ơm iat tĕ! Do la bơta cahrña gơrê mơ bol mê. Bol mê la dă pơt tòm Mispa, mơ la bơtơng dang hơđang Thabôr;

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Amôs 6:1

Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Mice 2:13

Dô nă cau pò gùng rơp guh lài mơ bol khai; bol khai rơp brồ tus lòt gan di mpồng dờng mơ lik bơh hơ̆. Cau bơtau bol khai dê rơp lòt gan di đap bol khai, Yàng Jehôwa lam bồ bol khai.”

I Kôrintô 6:5

Añ đơs behơ̆ tồ lơh bol mê in ƀàssìl. Behơ̆ ngan sơl la tòm oh mi ò gơs dô nă cau lơi tơl jak chài nàng rgơi cahrña digùl cau dòn sơl ơ?

Yal Wơl 16:18

Pồ bơtào tĕ ală cau kwang cahrña mơ ală cau kwang at bồ kòp jơi bơtiàn bol mê in tòm kòp nơm ƀòn dờng mơ Jehôwa Yàng Tom Trồ bol mê dê ai bol mê in, mơ bol khai rơp cahrña làng bol dô bă song ring.