Mice 2:9 - Sră Goh 2018

⁹ Bol mê bơtrơh ală cau ùr làng bol Añ jê lik bơh di ală hìu ơm niam nùs bol khai dê. Bol mê tă bơta gơklŏ gam sùm sùm Añ jê bơh di kòn sau bol khai dê.

Mice 2:9 Mawu Ofanana

Đơs Crih 72:19

Pal jòng ro sơnđan gơklŏ Kơnràñ dê jơl tus sùm sùm! Dan bơta gơklŏ Kơnràñ dê bềng lìu làm jơh plai ù! Amen, Amen!

Jeremi 10:20

Sàl añ jê neh kong tơnroh, Ală che añ jê kòl gơltac jơh, Ală kòn añ sang lòi añ, Bol khai ò gam tai. Ò gơs cau nàng lì sàl añ tai Mơ cang bài kơrnìng añ in.

Ejekiel 39:21

“Añ rơp ràng tơlik bơta gơklŏ Añ jê digùl ală lơgar; mơ jơh ală lơgar rơp gŏ bơta cahrña Añ neh lơh gơlik gơs, mơ tê Añ jê neh ơn hơđang bol khai.

Jôel 3:6

Bơh bol mê neh tac làng bol Juda mơ Jerusalem di ală cau Grek, mơ ntròn bol khai ngài bơh di nhàr lơgar tòm bol khai dê.

Amôs 2:7

Bol khai jă jơng hơđang bồ cau rƀah lơòi tus di thul tòm ù, mơ chồl tơlo cau gơkòl jê sồt bơh di gùng song ring. Bèp mơ kòn bic mơ mìng dô nă cau ơruh, behơ̆ gen sơnđan sàng goh Añ jê neh gơkòl đơs tràl sơrbil.

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Habakuk 2:14

Mơya ù tiah rơp geh bềng lìu bơh bơta git wă bơta gơklŏ Yàng Jehôwa dê, kung be ală dà bềng lìu dàlềng behơ̆ sơl.

Sacari 2:5

Yàng Jehôwa đơs: bơh Añ rơp la dơrñang ồs gùt dar gơ, mơ Añ rơp la bơta gơklŏ tòm gơ.”

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Jơnau Niam Jat Mak 12:40

pìt mơ sa loan hìu ală cau ùr bơnrau dê, mơ lơh bơthĭ hòi dan jòng jơnau. Bol khai rơp gơkòl lơh nền glài kơnjơ̆ rlau tai.”

Luka 20:47

Bol khai lơh bơthĭ hòi dan jòng jơnau, mơya sa loan hìu ală cau ùr bơnrau dê. Bol khai rơp kong cahrña mơ lơh nền glài kơnjơ̆ rlau tai.”

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

I Samuel 26:19

Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’