Mice 2:3 - Sră Goh 2018

³ Behơ̆ tàng Yàng Jehôwa đơs be do: “Añ lòi wơl dô bơta iơh tòmdră mơ làng bol do, bol mê ò rgơi hồ bơh di ngko bol mê dê; mơ bol mê ò rgơi cơnđòa lòt pò bồ; bơh hơ̆ rơp la dô tŭ tơngai iơh rmơh ngan.

Mice 2:3 Mawu Ofanana

Esai 29:20

Cau rhung rhang ò gam jŏ jòng, cau bơrsèl tơnhial rơp dơh wơl, mơ jơh ală cau wèt sền bơta iơh rơp kong tơnroh.

Esai 3:16

Yàng Jehôwa đơs lah: “Tài bơh ală kòn ùr Siôn dê pơnhừ să, pò jòng ngko mơ lik lòt, lơngoh lơngeh sơrkềng gar mat jà pơndòm. Yuơt să tòm tŭ bol khai cơnđòa lòt, lơh ntas kòng di jơng.

Esai 5:19

Bol khai đơs lah: “Lòi Kơnràñ lơh mhar gơlik gơs broă Kơnràñ dê, mơ lòi Kơnràñ đơs jơnau Kơnràñ dê tồ bol he in gŏ! Lòi bơta lơh nền Bơtau Sàng Goh Israel dê gơlik di ngan tồ bol hi in git!”

Jeremi 18:11

Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 27:12

Añ kung neh đơs mơ Jedekia, bơtau Juda dê behơ̆ sơl lah: “Ơn tĕ ngko bol mê hơđơm yô bơtau Babilôn dê, duh broă tĕ khai mơ làng bol khai, gen bol mê geh kis.

Jeremi 34:17

Behơ̆ gen, Yàng Jehôwa đơs be do: ‘Bol mê neh ò iat Añ, kòp nă yal oh mi he in, cau gơp ƀòn he geh khat gơboh.’ Yàng Jehôwa đơs: ‘Do, Añ yal bơta khat gơboh bol mê in, hơ̆ la lòi bol mê in khat gơboh tòm pềs tà, pluh plàng, jơgloh rung, lòi bol mê kong rngòt rngơt digùl ală lơgar tòm dunnia.

Jeremi 36:23

Tòm tŭ Jehudi ơm sền pe poan sèng tòm sră, gen bơtau ai pềs dềt koh dap sră mơ sơrbì tòm bơnhă ồs, tian gơs ồs sa jơh sră tòm bơnhă.

Jeremi 43:2

gen Ajaria kòn klau Hôsaya, Jôhanan kòn klau Kareah, bal mơ ală cau pơnhừ să đơs mơ Jeremi lah: “Mê đơs blac! Jehôwa Yàng Tom Trồ bol hi òhềt tŭ lơi sồr mê yal bol hi in lah: ‘Bañ lòt hơ lơgar Ejiptơ mơ ơm tềng hơ̆.’

Jeremi 8:3

Bơta chơt geh kòñ rlau mơ bơta kis gơwèt mơ ală cau gam wơl bơh bơta iơh bơsak tòm jơh ală tiah Añ neh bơtrơh bol khai.” Yàng Jehôwa Gơnap Gơnoar đơs behơ̆.

Ñìm Rac 1:14

Tồi glài añ jê neh kơt tòm dô nơm yô, bơh tê Kơnràñ neh tàñ gơ bal mơ gơp, Bol khai kơr di ngko añ, Kơnràñ neh tò tơlik bơta pràn añ. Yàng neh jào añ tòm tê ală cau mơ añ ò rgơi tòmdră jai!

Ñìm Rac 2:17

Yàng Jehôwa neh lơh bơta Kơnràñ neh lơh nền; Kơnràñ neh lơh gơlik gơs bơta Kơnràñ neh pơhìn; kung be bơta Kơnràñ neh rơndap bơh lài òr, Kơnràñ neh lơh tơrlơm ò nđàc sơngit, Kơnràñ neh lơh cau sò tơm mê chò hòp bơh mê, mơ yò tơngguh gơnoar pràn cau sò tơm mê dê.

Ñìm Rac 5:5

Bơh yô neh ơn di ngko bol hi dê, cau ting jat bàn bol hi; bol hi neh bòl glar rau, bol hi ò geh rlô bòl!

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Amôs 2:14

Cau ntoat dô roh rui bơh bơta sơrbac sơrbang, cau pràn kơldang rơp ò prap bơta pràn he dê, mơ cau gơnoar pràn rơp ò dong klàs bơta kis bol khai dê.

Amôs 3:1

Ơ làng bol Israel, iat tĕ jơnau do, hơ̆ la jơnau Yàng Jehôwa neh đơs tòmdră mơ bol mê, tòmdră mơ jơh dô nơm hìu nhă mơ Añ neh cèng tơlik bơh lơgar Ejiptơ:

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Amôs 5:13

Gen tàng cau git kơrhia rơp ơm mŏ mŏ tòm ală tŭ tơngai behơ̆, bơh ală tŭ tơngai la iơh.

Mice 2:1

Bòl glar cau lơi in bơtào kai bơta jàñ bơsak, mơ broă iơh rmơh hơđang cơnòng bic bol khai dê! Tòm tŭ trồ rìng àng, bol khai lơh gơs bơta hơ̆ tài bơh gơ ơm tòm gơnoar bol khai dê.

Rôma 16:4

Bol khai neh kong phi să nàng dong bơta kis añ; gen ò di mìng dô nă añ ưnngài bol khai lơm ò, mơya jơh ală Hìu Jum Goh làng bol bơdìh sơl.

Ephesô 5:16

Pơlai tĕ tŭ tơngai, tài bơh ală ngai la iơh.

Yal Wơl 28:48

gen tàng tòm ngai jơgloh mơ tơhìr, ơm kuh mơ dồn sa rƀah, bol mê rơp duh broă ală cau sò tơm mơ Yàng Jehôwa neh sồr tus tòmdră mơ bol mê. Kơnràñ rơp ơn dô nơm yô mơ lòs di ngko bol mê dê jơl tus di tŭ Kơnràñ neh tơnroh bol mê.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.