Mice 2:2 - Sră Goh 2018

² Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Mice 2:2 Mawu Ofanana

I Ală Bơtau 21:1

Tơnơ̆ ală broă hơ̆, gơlik gơs dô bơta be do: Nabôt, cau Jejreel, gơs dô nơm suơn ño tòm Jejreel, di gah gơlang bơtau Ahap, tòm Samari.

II Ală Bơtau 9:26

‘Bơh mhàm Nabôt mơ bơh mhàm kòn sau khai mơ Añ neh gŏ ngai òr; Yàng Jehôwa đơs behơ̆, Añ srat să lah Añ kung rơp tơm wơl mê in di ƀlàng sre do.’ Tài behơ̆ tàng, cèng tĕ khai sơrbì tòm ƀlàng sre do, tòm toh be jơnau Yàng Jehôwa neh đơs.”

Sră Jop 31:38

Dilah ù tiah añ ai jơnau tòmdră mơ añ, Mơ jơh ală gùng lơòr gơ dê bềng lìu dà mat,

Lik Ejiptơ 20:17

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Esai 3:14

Yàng Jehôwa cahrña tòmdră mơ ală cau kwang kra bal mơ ală cau kwang at bồ làng bol Kơnràñ dê lah: “Bol mê la cau neh sa loan suơn ño Añ jê; phan tòmpìt geh bơh cau rƀah gam prap lòi tòm ală hìu bol mê dê.

Esai 5:8

Bòl glar bol mê in la cau bơtơl hìu tòm hìu, bơtơl sre tòm sre, jơl tus di tŭ ò gam tiah pah tai, mơ bol mê ơm is dô nă tòm lơgar.

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Ejekiel 18:12

Khai rồn bơklơn cau rƀah lơòi mơ cau siơ̆u siar, mơ khai tìs glài ntung kơñau. Khai ò ai wơl phan ai bồ cau ai khai in, khai wèt sền di ală rùp ràk mơ lơh ală bơta cù kìr.

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Ejekiel 22:13

Sền ne, Añ rơp pah tê Añ bơh bơta sa cồng ò song ring ai neh lơh, mơ bơh mhàm ai neh lơh gơtuh digùl ai.

Ejekiel 33:26

Bol mê kơnòm di đào bol mê dê, bol mê lơh ală bơta ƀơ̆ iơh, mơ kòp nă tòm bol mê lơh ƀơ̆ ƀơl bau ùr cau gơp ƀòn he dê; behơ̆ gen bol mê rơp dòp geh lơgar sơl ơ?’

Ejekiel 45:9

Jehôwa Yàng Tom Trồ đơs be do: ‘Tơl rau, Ơ ală cau bơtau Israel dê! Sang tĕ bơta jàñ bơsak mơ bơta rồn bơklơn ngài bơh làng bol Añ jê mơ lơh tĕ bơta song ring mơ di ngan. Dơh tĕ, bañ bơtrơh tơlik tai làng bol Añ jê, Jehôwa Yàng Tom Trồ đơs behơ̆.’”

Ejekiel 46:18

Cau bơtau ò di ai phan lơi bơh tòm phan jơtài làng bol dê, ting bơtrơh bol khai bơh di phan tòm khai dê. Cau bơtau rơp ai ală kòn klau khai in phan jơtài bol khai dê tus bơh di phan tòm khai dê, tồ ò gơs cau lơi tòm làng bol Añ jê rơp kong roh gơnoar bơh di phan tòm khai dê.”

Ejekiel 8:17

Gen Kơnràñ đơs mơ añ lah: “Ơ kòn mơnus, mê neh gŏ bơta hơ̆ sơl? Hơ̆ di sơl la dô bơta ò tơl ƀơ̆ iơh mơ hìu Juda ơm lơh ală bơta cù kìr behơ̆ tềng do ơ? Bol khai pal lơh ală bơta iơh bơsak bềng lìu tòm lơgar nàng kư̆ bơrcek Añ gơjrañ ơ? Sền tĕ bol khai ai ntê chi ơn rềp di muh bol khai dê!

Amôs 2:7

Bol khai jă jơng hơđang bồ cau rƀah lơòi tus di thul tòm ù, mơ chồl tơlo cau gơkòl jê sồt bơh di gùng song ring. Bèp mơ kòn bic mơ mìng dô nă cau ơruh, behơ̆ gen sơnđan sàng goh Añ jê neh gơkòl đơs tràl sơrbil.

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Amôs 8:4

Iat tĕ do: Bol mê la cau jă trơm hơđang ală cau siơ̆u siar, mơ tơnroh ală cau rƀah dồn sa tòm lơgar,

Mice 3:9

Iat tĕ jơnau do, ơ bol mê la ală cau gơs gơnoar lam bồ hìu Jakôp dê, mơ bol mê la ală cau at bồ hìu Israel dê, la ală cau sền òsơp di bơta song ring, mơ lơh rkwet rkwe jơh ală bơta di;

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

I Timôthe 6:10

Bơh bơta hàm hà jền priă la tòm ryas jơh ală bơta iơh bơsak dê, gơs cau tài bơh ting jat gơ gen tàng kòl gơ pơrlồm sang lòi bơta dòn, hwềng nùs kong oă bơta moat jrùng jê sồt.