Mice 2:12 - Sră Goh 2018

¹² “Ơ Jakôp! Ngan Añ rơp pơjum wơl jơh ală bol mê; Añ rơp tơrgòm ală cau gam wơl Israel dê, Añ rơp ơn bol khai dô bă bal be belàt tòm dô mpồl, be dô mpồl tòm ƀlàng ñhơt gơ dê; rơp gơlik gơs jơnau lơh nggồr mpong bơh làng bol oă.

Mice 2:12 Mawu Ofanana

Sơnròp Gơlik Gơs 36:33

Chơt bơtau Bela, gen Jôbap kòn klau Jerah dê, cau Bôsra, at bồ ala khai.

I Yal Yau 1:44

Tòm tŭ Bela chơt, Jôbap kòn klau Jera ơm tòm Bôsra tơrbŏ sơbàn khai dê.

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 27:12

Tòm ngai hơ̆, Yàng Jehôwa rơp pơrjòt kòi bơh hiòng Ơphrat tus di croh Ejiptơ; mơ bol mê, ơ kòn sau Israel, bol mê rơp geh tơrgòm dơ̆ dô nă dô nă.

Esai 34:6

Yàng Jehôwa gơs dô nơm đào; gơ neh hòm bơh mhàm, neh sa hòm bơh dơngi, mhàm ală belàt kòn mơ ală be, dơngi leh ală belàt dam dê. Bơh Yàng Jehôwa gơs phan ơn pơdơng tòm Bôjra, mơ gơs bơta hàl tơnchơt dờng tòm ù tiah Edôm.

Esai 5:17

Gen ală belàt rơp sa ñhơt kung be tòm ƀlàng ñhơt tòm gơ dê, ală phan poan jơng lơmă mơ belàt kòn rơp sa digùl ală tiah tơrlah tơrling dê.

Jeremi 23:3

Să tòm Añ rơp tơrgòm wơl ală belàt gam wơl tòm mpồl Añ jê, lik bơh ală lơgar mơ Añ neh bơtrơh bol khai. Añ rơp cèng bol khai rê wơl tòm wàng bol khai dê; bol khai rơp geh tơnggơs bơtơl oă.

Jeremi 3:18

Tòm ală ngai hơ̆ hìu Juda rơp ơm dô bă bal mơ hìu Israel, mơ bol khai rơp tus dô bă bal bơh ù tiah đah đang rê wơl tòm ù tiah mơ Añ ai ồng pàng bol mê in lơh gơs sre brê.

Ejekiel 34:11

‘Bơh Jehôwa Yàng Tom Trồ đơs be do: Să tòm Añ rơp jòi belàt Añ jê, mơ Añ rơp jòi jat bol gơ.

Ejekiel 34:13

Añ rơp cèng bol gơlik bơh di ală làng bol mơ tơrgòm bol gơ bơh ală lơgar, mơ Añ rơp cèng bol gơrê wơl tòm lơgar tòm bol gơ dê. Añ rơp siam bol gơ hơđang ală mơnơm Israel dê, tòm ală croh dà, mơ tòm jơh ală tiah gơs làng bol ơm tòm lơgar.

Ejekiel 34:22

Añ rơp dong tă mpồl belàt añ jê, bol gơ rơp ò tai kong phà tơnroh tai, mơ añ rơp cahrña digùl belàt mơ belàt.

Ejekiel 34:31

Bol mê la belàt Añ jê, la belàt ƀlàng ñhơt Añ jê, mơ Añ la Yàng Tom Trồ bol mê dê,’ Jehôwa Yàng Tom Trồ đơs behơ̆.”

Ejekiel 36:37

Jehôwa Yàng Tom Trồ đơs be do: ‘Añ kung rơp lòi hìu Israel dan Añ lơh bơta do bol khai in: Añ rơp bơtơl khà làng bol bol khai in gơlik gơs oă be mpồl belàt.

Ejekiel 37:21

mơ đơs mơ bol khai lah: Jehôwa Yàng Tom Trồ đơs be do: ‘Añ rơp tă tơlik kòn sau Israel bơh digùl ală lơgar mơ bol khai neh lòt tus. Añ rơp pơjum tơrgòm bol khai bơh di jơh ală tiah gùt dar, mơ cèng bol khai rê wơl tòm lơgar tòm bol khai dê.

Sră Ôse 1:11

Làng bol Juda mơ làng bol Israel rơp geh tơrgòm dô bă bal, bol khai rơp pồ bơtào mìng dô nă cau kwang at bồ; bol khai rơp dòp sre brê bơh ù tiah do, bơh ngai Jejreel dê rơp la ngai dờng.”

Amôs 1:12

Añ rơp sồr ồs tus hơđang Theman, gơ rơp chu pơrguc jơh ală gơlang kơ̆ cê Bôjra dê.”

Mice 2:13

Dô nă cau pò gùng rơp guh lài mơ bol khai; bol khai rơp brồ tus lòt gan di mpồng dờng mơ lik bơh hơ̆. Cau bơtau bol khai dê rơp lòt gan di đap bol khai, Yàng Jehôwa lam bồ bol khai.”

Mice 4:8

Ai đah mơ mê, ơ theng jòng kơp gàr mpồl dê, ơ dòr Kòn ùr Siôn dê; gơ rơp tus hơ mê; gơnoar at bồ yau òr rơp geh pồ bơtào wơl, gơnoar at bồ hơđang rlau jơh rơp tus hơ Kòn ùr Jerusalem dê.”

Mice 5:7

Pơnah gam wơl Jakôp dê rơp ơm digùl oă làng bol kung be dà tŭ tus bơh di Yàng Jehôwa, kung be mìu dùh hơđang ñhơt, gơ ò gơn kơnòm di cau hala kơp gơn jơi kòn mơnus.

Mice 5:8

Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.

Mice 7:14

Ê gàr tĕ làng bol mê dê mơ gai jra mê dê, la mpồl belàt gơrê bal mê dê, ơm kis is tòm brê, ơm digùl dô nơm suơn tòm lơgar. Lòi tĕ bol gơ in sa ñhơt tòm Basan mơ Galaat kung be tòm ală ngai yau òr.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Sôphôni 3:20

Tòm tŭ hơ̆, añ rơp pơjum tơrgòm ai wơl, tòm tŭ hơ̆ Añ rơp cèng ai rê hìu. Añ rơp lơh ai in geh tiơng pơnro mơ geh jòng ro digùl jơh ală làng bol tòm plai ù, tòm tŭ Añ brê wơl ală cau neh kong kup pơrdô ai dê ơm di đap mat ai.” Yàng Jehôwa đơs behơ̆.