Mice 2:1 - Sră Goh 2018

¹ Bòl glar cau lơi in bơtào kai bơta jàñ bơsak, mơ broă iơh rmơh hơđang cơnòng bic bol khai dê! Tòm tŭ trồ rìng àng, bol khai lơh gơs bơta hơ̆ tài bơh gơ ơm tòm gơnoar bol khai dê.

Mice 2:1 Mawu Ofanana

Sơnròp Gơlik Gơs 31:29

Añ gơs gơnoar tòm tê añ mơ lơh iơh di mê, mơya Yàng Tom Trồ bèp mê dê neh đơs mơ añ tòm mang ti lah: ‘Mê kơrhia hàñ tĕ, să tòm mê bañ đơs jơnau lơi niam hala iơh mơ Jakôp.’

I Ală Bơtau 21:7

Bau bơtau la Jesebel đơs lah: “Ò di bơtau gơs gơnoar at bồ hơđang Israel ơ? Guh tĕ, sa mơ chò hòp tĕ. Añ rơp ai bơtau in suơn ño Nabôt cau Jejreel.”

Este 3:8

Gen Haman đơs mơ bơtau Ahasuerus lah: “Gơs dô nơm làng bol gơprah ơm nrah nring digùl ală làng bol tòm jơh ală kơnhwàl lơgar bơtau dê. Ală bơta boh lam bol khai dê la krơi is mơ jơh ală làng bol ndai dê, mơ bol khai ò lơh jat ală bơta boh lam bơtau dê; gen tàng ò di pal ngan bơtau in kong ơt di bol khai.

Este 5:14

Jeres bau khai dê mơ jơh ală oh mi bơyô khai dê đơs mơ khai lah: “Sồr bơtào tĕ dô nơm jrong yồng cau, jơnhoa pram jơt tal, mơ dan cau bơtau àng drim hìng yồng Mordike hơđang hơ̆; gen lòt tĕ sa bal mơ cau bơtau dô bă chò hòp tòm hwềng nùs.” Jơnau bơyai hơ̆ niam nùs Haman, gen khai sồr cau bơtào dô nơm jrong yồng cau.

Este 9:25

Mơya tòm tŭ kai gơrmơ̆i hơ̆ neh geh yal tơnggit cau bơtau in gen cau bơtau cih ală sră jơnau gơnoar sồr lah ală kai gơrmơ̆i iơh bơsak mơ Haman neh bơtào gơs sòdră di cau Juda gen pal tuh wơl hơđang bồ khai, mơ khai bal mơ ală kòn klau khai dê pal kong yồng hơđang jrong yồng cau.

Sră Jop 15:35

Bol khai bun bơta tồi glài mơ tơnggơs bơta iơh bơsak, Nùs bol khai dê rcang bơta blac pơrlồm.”

Sră Jop 24:14

Cau tơnchơt cau ñă ntào tòm kơmbuh ù, tơnchơt cau rƀah mơ cau siơ̆u siar, mơ tòm trồ mang bol khai be cau kơñau.

Đơs Crih 36:4

Khai kơlôi bơh bơta iơh tòm tŭ khai bic hơđang cơnòng; Khai jat gùng ò niam; khai ò sền òsơp mơ ò sang bơta iơh bơsak.

Đơs Crih 36:5

Ơ Yàng Jehôwa, bơta kòñ gơboh kơ̆ dơn Kơnràñ dê la dờng ơnàng jơl tus hơđang trồ, Bơta dòn song Kơnràñ dê tus di ală mhwal.

Đơs Crih 58:3

Cau iơh bơsak tìs nrah bơh tòm hìu kòn, Bol khai đơs blac mơ lòt tìs nrah bơh tòm tŭ pa deh.

Jơnau Pơnđik 12:2

Cau niam geh bơta nđàc Yàng Jehôwa dê; Mơya Yàng Tom Trồ lơh nền glài cau lơi kòñ jòi kai iơh.

Jơnau Pơnđik 14:22

Cau jòi kai iơh ngan ò tìs nrah ơ? Ai cau jòi bơta niam gen dòp leng bơta kơ̆ dơn mơ bơta dòn song.

Jơnau Pơnđik 3:27

Bañ sang lòi lơh bơta niam cau lơi in di pal, Tòm tŭ tê kòn gơs gơnoar lơh bơta hơ̆.

Jơnau Pơnđik 4:16

Bơh dilah bol khai ò lơh tìs, gen ò rgơi bic; Dilah bol khai ò lơh dô nă cau in gơtup tìs, gen bơta bic mat kong tă tơlik bơh di bol khai.

Esai 29:20

Cau rhung rhang ò gam jŏ jòng, cau bơrsèl tơnhial rơp dơh wơl, mơ jơh ală cau wèt sền bơta iơh rơp kong tơnroh.

Esai 3:14

Yàng Jehôwa cahrña tòmdră mơ ală cau kwang kra bal mơ ală cau kwang at bồ làng bol Kơnràñ dê lah: “Bol mê la cau neh sa loan suơn ño Añ jê; phan tòmpìt geh bơh cau rƀah gam prap lòi tòm ală hìu bol mê dê.

Esai 32:7

Cau lac lèo ngui ală bơta lac lèo, khai bơtào gơs ală kai gơrmơ̆i iơh, ai ală jơnau đơs blac nàng tơnroh cau rƀah lơòi, bulah tòm tŭ jơnau rac dan cau siơ̆u siar dê la di ngan.

Esai 5:8

Bòl glar bol mê in la cau bơtơl hìu tòm hìu, bơtơl sre tòm sre, jơl tus di tŭ ò gam tiah pah tai, mơ bol mê ơm is dô nă tòm lơgar.

Esai 59:3

Bơh tê bol mê dê neh ƀơ̆ ƀơl bơh mhàm, ràs tê bol mê dê neh ƀơ̆ ƀơl bơh tìs glài. Sơndồi bol mê neh đơs blac, mơ lơmpiat bol mê đơs òm bơta iơh.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Ejekiel 11:2

Yàng Jehôwa đơs mơ añ lah: “Ơ kòn mơnus, hơ̆ la ală cau bơtào gơs bơta tìs mơ bơyai lơh bơta iơh tòm ƀòn dờng do;

Ejekiel 33:26

Bol mê kơnòm di đào bol mê dê, bol mê lơh ală bơta ƀơ̆ iơh, mơ kòp nă tòm bol mê lơh ƀơ̆ ƀơl bau ùr cau gơp ƀòn he dê; behơ̆ gen bol mê rơp dòp geh lơgar sơl ơ?’

Ejekiel 38:10

Jehôwa Yàng Tom Trồ đơs be do: “Tòm ngai hơ̆, gơs ală bơta kơlôi sơnơng tus tòm dơngoh mê, mơ mê rơp bơtào lơh nền dô nơm kai gơrmơ̆i iơh rmơh.

Ejekiel 46:18

Cau bơtau ò di ai phan lơi bơh tòm phan jơtài làng bol dê, ting bơtrơh bol khai bơh di phan tòm khai dê. Cau bơtau rơp ai ală kòn klau khai in phan jơtài bol khai dê tus bơh di phan tòm khai dê, tồ ò gơs cau lơi tòm làng bol Añ jê rơp kong roh gơnoar bơh di phan tòm khai dê.”

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Nahum 1:11

Bơh di mê dô nă cau neh lik lòt la cau bơtào kai gơrmơ̆i iơh tòmdră mơ Yàng Jehôwa, dô nă cau bơtào kai iơh bơsak.

Sacari 7:10

Bañ rồn bơklơn cau ùr bơnrau mơ cau kòn đòi, cau ơm tòp mơ cau rƀah lơòi. Bañ kơlôi sơnơng bơta iơh gơwèt bal mơ gơp.’

Jơnau Niam Jat Mak 15:1

Tòm tŭ rìng àng, ală cau gơnoar lam bồ ơn phan duh khoai, bơyai bal mơ ală cau kwang kra, ală cau bơto bơta boh lam mơ jơh Mpồl Kwang Tơrña, bol khai cap Yàng Jesu mơ cèng jào Pilat in.

Luka 20:19

Ală cau bơto bơta boh lam mơ ală cau gơnoar lam bồ ơn phan duh khoai git Kơnràñ đơs pơnyơu hơ̆ la sơnio bơh bol khai, gen tòm jơ hơ̆ bol khai jòi bơta nàng kup Kơnràñ, mơya bol khai rngòt di làng bol.

Jang 19:11

Yàng Jesu ho lah: “Dilah ò di bơh hơđang neh ai ồng in, gen ồng ò gơs gơnoar lơi hơđang Añ; behơ̆ tàng, cau neh bơtào Añ ồng in gen cau hơ̆ gơs glài dờng rlau tai.”

Broă 23:12

Tus diàng, cau Juda dô nùs bal bơtào kai gơrmơ̆i. Bol khai srat să lah rơp ò sào ò hùc jơl tus di tŭ neh tơnchơt Pol.

Broă 23:15

Behơ̆ tŭ do, ală ồng bal mơ Mpồl Kwang Tơrña dan tĕ mơ cau kwang ling cèng Pol mù tus hơ ală ồng, lơh be kòñ sơwì lùp bơh broă khai dê dô bă nền cê rlau tai, ai bol hi gen rcang sir kơp nàng tơnchơt khai lài mơ tŭ òhềt tus tềng do.”

Rôma 1:30

đơs joh, jak đơs iơh, gơjrañ kơuềng di Yàng Tom Trồ, sơrdă sơrdơu, pơnhừ să, jòng să, jak jòi jơnau iơh bơsak, ò bài dòn bơr mè bèp,

Yal Wơl 28:32

Ală kòn klau kòn ùr bol mê dê rơp kong jào phi tòm tê dô nơm làng bol lơgar ndai, mơ gar mat bol mê dê rơp kơrlu kơrli kơp gơn bol khai bơh ngai do tus hơ ngai ne, ò tơl pràn nàng pò dô đah tê.