Mice 1:5 - Sră Goh 2018

⁵ Jơh ală bơta hơ̆ tài bơh bơta tìs glài Jakôp dê, mơ tài bơh ală bơta tồi glài hìu Israel dê. Bơta tìs glài Jakôp dê la ñchi taih? Hơ̆ ò di la Samari ò ơ? Tiah jơnhoa hơđang Juda dê la ñchi taih? Hơ̆ ò di la Jerusalem ò ơ?

Mice 1:5 Mawu Ofanana

I Ală Bơtau 11:7

Gen Salômôn bơt bơtào dô bă tiah jơnhoa Kemôs in la yàng ngkòr ngkàc cau Môap dê; mơ bơt yàng Molok la yàng ngkòr ngkàc cau Ammôn dê, hơđang mơnơm đah mattơngai lik Jerusalem dê.

I Ală Bơtau 13:32

Bơh jơnau đơs mơ khai neh yal tơnggit jat jơnau Yàng Jehôwa tòmdră mơ cơnòng duh khoai tòm Betel mơ tòmdră mơ ală hìu duh khoai rùp ràk tòm ală tiah jơnhoa tòm ală ƀòn Samari, ngan rơp gơlik di ngan.”

I Ală Bơtau 16:24

Khai neh blơi mơnơm tòm Samari bơh Semer bàr talơng priă. Khai bơt bơtào kơ̆ cê mơnơm hơ̆, mơ khai sơnđan ƀòn dờng khai neh bơt la Samari, jat be sơnđan Semer, la cau tòm mơnơm hơ̆ dê.

II Yal Yau 34:3

Tòm nam dơ̆ phàm rài at bồ khai dê, tòm tŭ khai gam pơnu, khai sơntòm jòi jat Yàng Tom Trồ ồng pàng khai dê la Dabit. Tòm nam dơ̆ jơt bàr khai sơntòm lơh sàng goh Juda mơ Jerusalem bơh di ală tiah jơnhoa duh khoai, ală jrong duh khoai Asera, ală rùp ràk pac sềr mơ ală rùp tŏ duh khoai.

II Yal Yau 34:4

Di đap mat bơtau bol khai sòr tơrlah ală cơnòng duh khoai ală Baal dê; khai koh rpot rpet cơnòng chu kơlhô ơm hơđang bol gơ, mơ jan bơcah ală jrong duh khoai Asera, ală rùp ràk mơ ală rùp duh khoai. Khai jan bơcah jơh ală phan hơ̆ mơ rsìh hơđang ală bơtô ƀồc ală cau neh ơn phan duh khoai bol gơ.

Esai 7:9

Bồ Epraim dê la Samari, bồ Samari dê mìng la kòn klau Remalia. Dilah bol mê ò ơm kơ̆ tòm bơta dòn, gen bol mê rơp ò tŭ lơi ntào jai wil tơl.’”

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 23:13

“Tòm ală cau gơnoar hwơr Samari dê, Añ neh gŏ dô bơta ngkòr ngkàc; Bol khai ai sơnđan Baal mơ đơs hwơr, Lơh làng bol Israel Añ tìs nrah.

Jeremi 23:14

Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Jeremi 4:18

“Hơ̆ la ală gùng dà mơ broă lơh mê dê Neh cèng bơta do hơđang bol mê. Hơ̆ la pơnah mê dê, sràt bơtang ngan, gơ neh tus hơ kòp nơm nùs bol mê dê.”

Jeremi 5:25

Broă iơh bơsak bol mê neh lơh ngài bơta hơ̆ mơ bol mê; Tồi glài bol mê kơryan bol mê geh lơngai.

Jeremi 6:19

Ơ ù tiah, iat tĕ! Do, Añ rơp cèng bơta rung rài tus hơđang làng bol do, cồng nha bơh ală kai gơrmơ̆i bol khai dê, Tài bơh bol khai ò bài ai tồr iat ală jơnau Añ jê, Mơ bơh bơta bơto sồr Añ jê bol khai neh sang lòi gơ.

Ñìm Rac 5:16

Sơgơn bơtau dùh bơh bồ bol hi, Bòl glar bol hi in, bơh bol hi neh tìs glài!

Ejekiel 16:46

Bi ùr ai dê la Samari la cau ơm tòm lơgar đah đang ai dê bal mơ ală kòn ùr khai dê, mơ oh ùr ai dê la Sôdôm bal mơ ală kòn ùr khai dê ơm tòm lơgar đah đơm ai dê.

Sră Ôse 7:1

Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.

Amôs 6:1

Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Amôs 7:9

Ală tiah jòng jơnhoa Isak dê rơp kòl tơnroh, mơ ală tiah sàng goh Israel dê rơp kòl lòi srau gòi, mơ Añ rơp at đào guh tòmdră mơ hìu Jerôbôam.”

Amôs 8:14

Bol khai la ală cau srat să bơh Asima cau Samari dê, mơ đơs lah: ‘Ơ Dan, di ngan be yàng bol mê dê kis,’ mơ: ‘Di ngan kung be gùng dà Beerseba dê kis’ jơh ală bol khai rơp gơpừ, ò gơs tŭ lơi guh tai.”

Mice 1:13

Ơ ală cau ơm tòm Laki, kơt tĕ ală ơseh di rơndeh; hơ̆ la bơta sơntòm tồi glài dê gơwèt mơ kòn ùr Siôn, bơh tòm bol mê neh bàn bơta tìs glài Israel dê.