Mice 1:3 - Sră Goh 2018

³ Sền ne! Yàng Jehôwa lòt tus bơh di tiah ơm Kơnràñ dê; Kơnràñ rơp mù mơ jă hơđang ală tiah jơnhoa plai ù dê.

Mice 1:3 Mawu Ofanana

Sră Jop 40:12

Tiang gơ rtơs kung be tòm chi nho rề; Ară bơnô gơ dê tàñ tòmklĕ bal.

Đơs Crih 115:3

Yàng Tom Trồ bol hi dê ơm hơđang ală tap trồ; Kơnràñ lơh bơta lơi di nùs Kơnràñ.

Esai 25:10

Tê Yàng Jehôwa rơp ơn hơđang mơnơm do; Cau Môap rơp kong Kơnràñ jă trơm lề lac tòm tiah bol khai dê, kung be rhe kong jă lề tòm trồm ơn phan pơnđồm ù.

Esai 26:21

Bơh Yàng Jehôwa lik bơh di tiah Kơnràñ dê nàng lơh glài làng bol hơđang plai ù bơh tồi glài bol khai dê. Plai ù rơp ràng tơlik mhàm neh tuh hơđang gơ; mơ rơp ò gam jơm ndơp tai ală cau neh kòl tơnchơt gơ dê.

Ejekiel 3:12

Tŭ hơ̆ Yàng Hwềng cèng tơngguh añ mơ añ kơno đah ngkòi añ gơs ntas nggồr dờng ngan tòm tŭ bơta gơklŏ Yàng Jehôwa dê gơguh bơh di tiah hơ̆;

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Amôs 9:5

Bơh Jehôwa Yàng Tom Trồ Gơnap Gơnoar Dờng Làm Jơh, la Bơtau ƀư di plai ù gen gơlề lac, mơ jơh ală làng bol kis hơđang hơ̆ ñìm rac; jơh plai ù gơguh kung be hiòng Nil, mơ gơkram wơl kung be hiòng Ejiptơ dê.

Habakuk 3:19

Jehôwa, Yàng Tom Trồ la bơta pràn kơldang añ jê, Kơnràñ lơh jơng añ jê gơlik kung be jơng jùn, Kơnràñ dong añ lòt hơđang ală tiah jòng. (Cih cau at bồ mpồl lip kơñi in, ngui pĕ ală kơñi mơ che).

Sacari 14:4

Tòm ngai hơ̆, jơng Kơnràñ dê rơp ntào hơđang mơnơm Ôlibe, đah mattơngai lik Jerusalem dê, mơ mơnơm Ôlibe rơp gơblah digùl, bơh đah mattơngai lik tus hơ đah mattơngai mut, lơh gơs dô nơm thòng dờng digùl nggùl mơnơm pơrdô hơ đah đang mơ nggùl pơrdô hơ đah đơm.

Yal Wơl 32:13

Kơnràñ lơh khai in hào hơđang ală tiah jơnhoa ù tiah dê, mơ ròng khai bơh plai đo ală ƀlàng sre dê. Kơnràñ siam khai mơ dà lơwe bơh di pơnai lŭ, Mơ mơñà bơh di tiah dàng lŭ kră kơldang dê;

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”