Mathiơ 9:38 - Sră Goh 2018

³⁸ Behơ̆ hòi dan tĕ mơ Yàng kơnhai toès sồr cau toès lòt tus tòm tiah toès Kơnràñ dê.”

Mathiơ 9:38 Mawu Ofanana

Đơs Crih 68:11

Yàng ai gơnoar sồr; Ală cau neh yal wơl jơnau sồr hơ̆ la dô mpồl oă.

Đơs Crih 68:18

Ơ Yàng, Kơnràñ neh guh hơđang mơnơm jòng, tề lam ală cau neh kòl jàm tòm rơndeh ồs Kơnràñ dê; Kơnràñ neh dòp phan ơn bơh digùl ală cau, tian gơs kung bơh digùl cau tòmdră di Yàng Jehôwa sơl, Jehôwa Yàng Tom Trồ rgơi ơm tềng hơ̆.

Jeremi 3:15

Añ rơp ai bol mê in ală cau ê gàr jat nùs kòñ Añ jê, la ală cau rơp ai bơta àng loh jak chài mơ ròng siam bol mê.”

Mice 5:7

Pơnah gam wơl Jakôp dê rơp ơm digùl oă làng bol kung be dà tŭ tus bơh di Yàng Jehôwa, kung be mìu dùh hơđang ñhơt, gơ ò gơn kơnòm di cau hala kơp gơn jơi kòn mơnus.

Mathiơ 9:37

Gen Kơnràñ đơs mơ ală cau bơtê lah: “Kơnhai toès la dờng ngan, mơya cau toès la dô êt lơm.

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Jang 4:35

Bol mê ò di đơs lah: ‘Gam poan kơnhai tai gen tus di kơnhai toès ơ?’ Do, Añ đơs mơ bol mê: ‘Pò tĕ mat mơ tơnggòr sền ƀlàng sre neh dum, di di kơnhai toès rau.

Broă 13:2

Tòm tŭ bol khai ơm duh khoai Yàng mơ ơt sa, gen Yàng Hwềng Goh đơs lah: “Ơn is tĕ Banaba mơ Sol tòm broă lơh Añ neh hòi sac bol khai.”

Broă 8:4

Behơ̆ ală cau neh dô nrah nring hơ̆ lòt bơh tiah do tus hơ tiah ndai, bơto yal jơnau Yàng.

I Kôrintô 12:28

Yàng Tom Trồ neh bơtào rơndap tòm Hìu Jum Goh, sơnròp la cau gơnoar bơto dờng, bàr la cau gơnoar hwơr, pe la cau bơto sồr, gen tus di cau lơh broă crih crài, tus di cau geh bơta ai gòi bơta sơmbòi kòp jê, mơ dong kòl, at bồ, mơ git oă jơnau đơs ndai.

Ephesô 4:11

Kơnràñ ai cau do in gơs cau gơnoar bơto dờng, cau ne gơs cau gơnoar hwơr, cau ƀà gơs cau bơto yal Jơnau Niam, cau ƀà tai gơs cau gơnoar bơto mơ cau bơto,

II Tesalônika 3:1

Lồi tơnơ̆, ơ oh mi, hòi dan tĕ bol hi in, nàng jơnau Yàng dê sơlo ntoat tơngguh mơ geh àng gơklŏ kung be ơm digùl oh mi sơl.