Mathiơ 9:36 - Sră Goh 2018

³⁶ Dơ̆ Kơnràñ gŏ mpồl làng bol gen gơs nùs nđàc sơngit, bơh bol khai bòl glar, mơ nrah nring be belàt ò gơs cau ê.

Mathiơ 9:36 Mawu Ofanana

I Ală Bơtau 22:17

Gen Mice ho lah: “Añ gŏ jơh Israel kong nrah nring hơđang ală mơnơm, be belàt ò gơs cau ê; mơ Yàng Jehôwa đơs lah: ‘Ală cau hơ̆ ò gơs cau tòm; kòp nă rê wơl tĕ hìu he lơngap lơngai.’”

II Yal Yau 18:16

Mice đơs lah: “Añ neh gŏ jơh Israel nrah nring hơđang ală mơnơm, kung be belàt ò gơs cau ê; mơ Yàng Jehôwa đơs lah: ‘Làng bol do ò gơs cau tòm. Lòi tĕ bol khai rê hìu lơngap lơngai.’”

Esai 13:14

Be dô nơm il cau mòc, hala be belàt ò gơs cau wĕ bol gơ; Jơh tơl nă rơp rê wơl hơ làng tòm he dê, mơ jơh tơl nă rơp dô rê hơ lơgar tòm bol khai dê.

Jeremi 50:6

Làng bol Añ jê ngan la dô mpồl belàt tìs nrah; ală cau ê lam bol gơ tìs gùng, wĕ bol gơ lòt ngài hơđang ală mơnơm, lòt bơh mơnơm tus di dòr, bol gơ hŭi mpồl bol gơ dê.

Sacari 10:2

Tài bơh ală rùp ràk đơs bơta blac pơrlồm. Ală cau sền dà gŏ bơta gơtơnggŏ ma blac; bol khai yal bơta mpau ò song, mơ ai bơta pơndòm pơniang ò kwơ. Behơ̆ tàng làng bol nrah nring kung be belàt, kong rồn bơklơn tài bơh ò gơs cau ê.

Sacari 11:16

Bơh Añ rơp bơtào tơngguh dô nă cau ê tòm lơgar, la cau ê rơp ò jòi belàt neh roh, ò kơlôi rcang belàt kòn, ò sơm belàt sồt rmàñ, ò siam belàt pràn, mơya rơp sa poac belàt niam rlau jơh, crè ală nđias jơng gơ dê.”

Khà Làng Bol 27:17

nàng lik mut di đap bol khai, la dô nă cau rơp tề lam bol khai lik mơ mut tồ làng bol Yàng Jehôwa dê rơp ò gơlik gơs kung be belàt ò gơs cau ê sền gàr.”

Mathiơ 10:6

mơya lòt tus tĕ hơ ală belàt tìs nrah hìu Israel dê.

Mathiơ 14:14

Kơnràñ lik bơh ơhò, gŏ mpồl làng bol oă gen nđàc sơngit di bol khai mơ sơmbòi ală cau kòp jê in.

Mathiơ 15:24

Kơnràñ ho lah: “Añ mìng geh sồr lòt tus hơ ală belàt tìs nrah hìu Israel dê lơm.”

Mathiơ 15:32

Yàng Jesu hòi ală cau bơtê tus mơ đơs lah: “Añ nđàc sơngit di mpồl làng bol do, tài bơh neh pe ngai rau bol khai kư̆ ơm mơ Añ, mơ ò gơs phan lơi sa. Añ ò bài lòi bol khai in rê jơgloh, rngòt bol khai hồi tòm gùng mòn.”

Jơnau Niam Jat Mak 6:34

Tŭ Yàng Jesu lik bơh ơhò, gŏ mpồl làng bol oă gen nđàc sơngit di bol khai, bơh bol khai gơlơh be belàt ò gơs cau ê. Gen Kơnràñ sơntòm bơto sồr bol khai oă bơta.

Jơnau Niam Jat Mak 8:2

“Añ nđàc sơngit di mpồl làng bol do, tài bơh neh pe ngai rau bol khai kư̆ ơm mơ Añ, mơ ò gơs phan lơi sa.

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.

Hebrơ 5:2

Khai rgơi gơs nùs nđàc sơngit ală cau bơrngơl gơla mơ tìs nrah, bơh să tòm Khai kung gơkòl tòm bơta lơbơn lơño.