Mathiơ 8:4 - Sră Goh 2018

⁴ Yàng Jesu đơs tai mơ khai lah: “Bañ yal mơ cau lơi, mơya lòt tĕ sơnio să mê mơ cau gơnoar ơn phan duh khoai, mơ ơn phan be Môise neh sồr nàng lơh cơng bol khai in.”

Mathiơ 8:4 Mawu Ofanana

Esai 42:21

Yàng Jehôwa niam nùs bơh bơta song ring Kơnràñ dê, lơh bơta boh lam Kơnràñ dê dờng màng mơ gơklŏ.

Lebi 13:49

mơ dilah bơta neh gơtòp di ồi ào, hala di ồi ào lơh gơs mơ gơltau, hala ồi ào tàñ mơ sơnò belàt hala phan lơi lơh gơs mơ gơltau, bơta neh gơtòp hơ̆ la pàl pàl hala pơrhê, hơ̆ la gơ but bơsềt làm jơh mơ pal sơnio cau gơnoar ơn phan duh khoai in sền gŏ.

Mathiơ 10:18

Bol mê rơp kòl hwài tus di đap ală cau kwang đơng lơgar mơ ală cau bơtau tài bơh Añ, nàng lơh cơng di đap bol khai mơ ală làng bol Bơdìh.

Mathiơ 16:20

Gen Kơnràñ bơkơ̆u ală cau bơtê bañ yal cau lơi in git Kơnràñ la Bơtau Krist.

Mathiơ 17:9

Tòm tŭ mù bơh mơnơm, Yàng Jesu bơkơŭ bol khai lah: “Bañ yal bơta gơtơnggŏ hơ̆ cau lơi in, jơl tus di tŭ Kòn Mơnus kis wơl bơh bơta chơt.”

Mathiơ 3:15

Yàng Jesu ho lah: “Tŭ do kư̆ lơh tĕ, bơh bol he pal lơh wil tơl jơh ală broă song ring behơ̆.” Gen Jang dòn jơnau.

Mathiơ 5:17

“Bañ tồnlah Añ tus nàng lơh roh bơta boh lam hala jơnau gơnoar hwơr; Añ tus ò di nàng lơh roh ò, mơya nàng lơh wil tơl.

Mathiơ 6:1

“Kơrhia tĕ, tòm tŭ lơh broă niam, bañ lơh di đap cau nàng bol khai in gŏ. Dilah ò behơ̆, gen bol mê ò geh phan ƀàn lơi bơh dê Bèp bol mê ơm hơđang trồ.

Mathiơ 9:30

Mat bol khai gơ pò mo. Yàng Jesu ai jơnau kràñ cê đơs lah: “Bañ ai cau lơi in git.”

Jơnau Niam Jat Mak 13:9

Ai bol mê gen kơrhia tĕ să he, bơh bol khai rơp bơtào bol mê tòm Mpồl Kwang Tơrña, pù lơh bol mê tòm ală hìu jum; mơ tài bơh Añ tàng bol mê rơp ntào di đap ală cau kwang đơng lơgar mơ ală cau bơtau nàng lơh cơng bol khai in.

Jơnau Niam Jat Mak 3:12

Mơya Kơnràñ bơkơŭ bol gơ, ò ai yal cau lơi in git Kơnràñ.

Jơnau Niam Jat Mak 5:43

Mơya Yàng Jesu bơkơŭ kràñ cê ală bol hơ̆ bañ yal cau lơi in git bơta hơ̆, mơ sồr ai oh ùr hơ̆ in sào.

Jơnau Niam Jat Mak 6:11

Tiah lơi cau ò bài wă rò bol mê mơ ò bài iat jơnau bol mê dê, tòm tŭ lik bơh hơ̆, gen rtuh tĕ thul bơh di jơng bol mê dê nàng lơh cơng tơrwơl di bol khai.”

Jơnau Niam Jat Mak 7:36

Yàng Jesu bơkơŭ bol khai bañ yal jơnau hơ̆ cau lơi in, mơya Kơnràñ sơlo bơkơŭ gen cau sơlo yal tai jơnau hơ̆.

Jơnau Niam Jat Mak 8:30

Gen Kơnràñ bơkơŭ ală cau bơtê bañ yal cau lơi in bơh Kơnràñ.

Jơnau Niam Jat Mak 9:9

Tòm tŭ mù bơh mơnơm, Kơnràñ bơkơŭ bol khai bañ yal cau lơi in ală bơta bol khai neh gŏ, jơl tus di tŭ Kòn Mơnus kis wơl bơh bơta chơt.

Luka 17:14

Dơ̆ Kơnràñ gŏ bol khai gen đơs lah: “Lòt tĕ, sơnio să bol mê mơ ală cau gơnoar ơn phan duh khoai.” Tòm tŭ bol khai gam lòt gùng gen bol khai gơs goh.

Luka 21:13

Hơ̆ la tŭ lơmpah nàng bol mê in lơh cơng.

Luka 4:41

Kung gơs ală cà lik bơh di oă cau, mơ hòi driau lah: “Kơnràñ la Kòn Yàng Tom Trồ.” Mơya Kơnràñ lah pơrhơng bol gơ, ò ai đơs, bơh bol gơ git Kơnràñ la Bơtau Krist.

Luka 5:14

Kơnràñ sồr khai lah: “Bañ yal mơ cau lơi, mơya lòt tĕ sơnio să mơ cau gơnoar ơn phan duh khoai; bơh mê neh geh goh, gen ơn tĕ phan be Môise neh sồr, nàng lơh cơng bol khai in.”

Luka 8:56

Mè bèp khai ai lơh crih crài ngan, mơya Kơnràñ sồr bol khai bañ yal cau lơi in bơta neh gơlik gơs.

Luka 9:21

Gen Kơnràñ bơkơŭ bol khai, sồr bañ yal bơta hơ̆ mơ cau lơi,

Jang 5:41

Añ ò jòi bơta gơklŏ bơh di cau ò;

Jang 7:18

Cau lơi đơs is jat nùs he, gen jòi jat bơta gơklŏ is he in, mơya cau lơi jòi jat bơta gơklŏ Bơtau neh sồr he lòt tus, gen la Cau song ngan, mơ tòm khai ò gơs bơta ma blac.

Jang 8:50

Añ ò jòi bơta gơklŏ să tòm Añ jê, neh gơs Bơtau jòi bơta hơ̆ mơ cahrña.