Mathiơ 8:34 - Sră Goh 2018

³⁴ Gen jơh ală cau tòm ƀòn dờng lik nàng tìp Yàng Jesu. Dơ̆ gŏ Kơnràñ, gen rac dan mơ Kơnràñ lik bơh nhàr kơnhwàl lơgar bol khai dê.

Mathiơ 8:34 Mawu Ofanana

I Ală Bơtau 17:18

Gen cau ùr đơs mơ Eli lah: “Ơ cau Yàng Tom Trồ dê, ñchi bơta ồng tòmdră mơ añ taih? Ồng neh tus tòm hìu añ nàng tơngkah wơl ală tồi glài añ jê nàng tơnchơt kòn añ sơl?”

I Ală Bơtau 18:17

Tòm tŭ Ahap gŏ Eli, gen khai đơs lah: “Hơ̆ la mê, cau lơh sơlồng sơlàng Israel sơl?”

Sră Jop 21:14

Bol khai đơs mơ Yàng Tom Trồ lah: ‘Lòi tĕ dò bol hi, bol hi ò kòñ git ală gùng dà Kơnràñ dê.

Sră Jop 22:17

Bol khai đơs mơ Yàng Tom Trồ lah: ‘Dan lòi bol hi ơm is; Ñchi bơta Bơtau Gơnap Gơnoar Làm Jơh rgơi lơh di bol hi taih?’

Amôs 7:12

Lồc behơ̆, Amajiah đơs mơ Amôs lah: “Ơ cau sền git lài, lòt tĕ! Dô ngài tĕ hơ lơgar Juda. Jòi tĕ piang lă mê in tềng hơ̆, mơ đơs hwơr tềng hơ̆.

Mathiơ 8:29

Chòp bol khai hòi driau lah: “Ơ Kòn Yàng Tom Trồ, gơs ñchi jơnau digùl bol hi mơ Kơnràñ taih? Kơnràñ tus nàng lơh bòl glar bol hi lài mơ tŭ tus di tơngai lơh nền ơ?”

Luka 5:8

Simôn Pier gŏ behơ̆, gen cùn gơltang di đap Yàng Jesu mơ đơs lah: “Ơ Yàng, dan lik tĕ bơh di añ, bơh añ la cau glài.”

Luka 8:28

Dơ̆ cau hơ̆ gŏ Yàng Jesu, gen hòi driau, tơmbic să di đap Kơnràñ mơ đơs lah: “Ơ Yàng Jesu, Kòn Yàng Tom Trồ Hơđang Rlau Jơh, digùl añ mơ Kơnràñ gơs ñchi jơnau taih? Añ rac dan mơ Kơnràñ bañ lơh bòl glar di añ.”

Broă 16:39

Behơ̆, bol khai lòt tus dan să mơ lam bàr nă ồng lik, mơ dan bol khai lik bơh di ƀòn dờng.

Yal Wơl 5:25

Mơya tŭ do ñchi bơh tài bol hi pal chơt taih? Ồs dờng do rơp sa roh bol hi, mơ bol hi rơp chơt dilah bol hi gam kơno jŏ tai sap đơs Jehôwa Yàng Tom Trồ bol hi dê.

I Samuel 16:4

Samuel lơh jat be Yàng Jehôwa neh sồr, mơ khai neh tus hơ Betlehem, ală cau kwang kra ƀòn hơ̆ rơm să rngòt lòt tus tìp khai mơ đơs lah: “Ồng tus tòm bơta lơngap lơngai sơl?”