Mathiơ 8:29 - Sră Goh 2018

²⁹ Chòp bol khai hòi driau lah: “Ơ Kòn Yàng Tom Trồ, gơs ñchi jơnau digùl bol hi mơ Kơnràñ taih? Kơnràñ tus nàng lơh bòl glar bol hi lài mơ tŭ tus di tơngai lơh nền ơ?”

Mathiơ 8:29 Mawu Ofanana

II Samuel 16:10

Mơya bơtau ho lah: “Ơ ală kòn klau Jeruya, ñchi bơta gơkoă digùl bol mê mơ añ taih? Dilah khai srat rma gen hơ̆ la Yàng Jehôwa neh đơs mơ khai lah: ‘Srat rma tĕ Dabit.’ Behơ̆ ñcau rgơi lùp lah: ‘Ñchi bơh tài mê lơh behơ̆ taih?’”

II Samuel 19:22

Dabit ho lah: “Ơ ală kòn klau Jeruyah dê, ñchi bơta añ pal lơh mơ bol mê taih? Mơ ngai do bol mê neh gơlik gơs cau lơh bòl glar di añ, dô nă cau tòm Israel ngai do pal kong tơnchơt sơl ơ? Añ ò git lah ngai do añ la bơtau at bồ Israel ò ơ?”

I Ală Bơtau 17:18

Gen cau ùr đơs mơ Eli lah: “Ơ cau Yàng Tom Trồ dê, ñchi bơta ồng tòmdră mơ añ taih? Ồng neh tus tòm hìu añ nàng tơngkah wơl ală tồi glài añ jê nàng tơnchơt kòn añ sơl?”

II Ală Bơtau 3:13

Elise đơs mơ bơtau Israel lah: “Ñchi bơta gơs digùl añ mơ bơtau taih? Lòt tĕ hòi lùp ală cau gơnoar hwơr mè bèp bơtau dê.” Bơtau Israel ho lah: “Ò di behơ̆; bơh Yàng Jehôwa neh hòi pe nă bơtau do tus, nàng jào bol hi tòm tê Môap.”

II Yal Yau 35:21

Mơya Nekô sồr ală cau kong sồr lòt mơ đơs mơ khai lah: “Ơ cau bơtau Juda, ñchi bơta añ neh lơh gơwèt mơ mê taih. Añ ò di lòt tus tòmdră mơ mê ngai do, mơya tòmdră mơ hìu cau sò tơm di añ tòm bơta tòmlơh; mơ Yàng Tom Trồ neh sồr añ lòt lơh mhar; ơm dơh tĕ bañ tòmdră mơ Yàng Tom Trồ la Bơtau ơm bal mơ añ, behơ̆ nàng Kơnràñ rơp ò tơnroh mê!”

Jôel 3:4

Ơ Tirơ mơ Sidôn, mơ jơh ală kơnhwàl lơgar Philistin dê, ñchi bơta bol mê tơm wơl Añ in taih? Bol mê kòñ sal wơl di Añ bơh ală broă Añ neh lơh ơ? Dilah bol mê sal wơl di Añ, Añ rơp sơrbac sơrbang mơ mhar tuh wơl hơđang bồ bol mê ală bơta bol mê neh lơh.

Mathiơ 4:3

Gen cà ràk la cau ơniai tus đơs mơ Kơnràñ lah: “Dilah Kơnràñ la Kòn Yàng Tom Trồ dê, gen sồr tĕ ală lŭ do gơlik gơs piang lă.”

Mathiơ 8:30

Mơ tai, ngài bơh di tiah hơ̆ gơs dô mpồl sur oă ngan ơm sa.

Jơnau Niam Jat Mak 1:24

hòi driau lah: “Ơ Jesu Cau Nasaret, bol hi mơ Kơnràñ gơs ñchi jơnau taih? Kơnràñ lòt tus nàng tơnroh bol hi ơ? Añ git Kơnràñ la ñcau, la Bơtau sàng goh Yàng Tom Trồ dê.”

Jơnau Niam Jat Mak 3:11

Kòp dơ̆ ală cà gŏ Kơnràñ gen tơmbic să dê jơng Kơnràñ mơ hòi driau lah: “Kơnràñ la Kòn Yàng Tom Trồ!”

Jơnau Niam Jat Mak 5:7

mơ hòi driau dờng lah: “Ơ Yàng Jesu, Kòn Yàng Tom Trồ Hơđang Rlau Jơh, gơs ñchi jơnau digùl añ mơ Kơnràñ taih? Añ ai sơnđan Yàng Tom Trồ nàng rac dan mơ Kơnràñ dan bañ lơh bòl glar di añ.”

Luka 4:34

“Ơ Jesu Cau Nasaret, digùl bol hi mơ Kơnràñ gơs ñchi jơnau taih? Kơnràñ lòt tus nàng tơnroh bol hi ơ? Añ git Kơnràñ la ñcau, la Bơtau Sàng goh Yàng Tom Trồ dê.”

Luka 4:41

Kung gơs ală cà lik bơh di oă cau, mơ hòi driau lah: “Kơnràñ la Kòn Yàng Tom Trồ.” Mơya Kơnràñ lah pơrhơng bol gơ, ò ai đơs, bơh bol gơ git Kơnràñ la Bơtau Krist.

Luka 8:28

Dơ̆ cau hơ̆ gŏ Yàng Jesu, gen hòi driau, tơmbic să di đap Kơnràñ mơ đơs lah: “Ơ Yàng Jesu, Kòn Yàng Tom Trồ Hơđang Rlau Jơh, digùl añ mơ Kơnràñ gơs ñchi jơnau taih? Añ rac dan mơ Kơnràñ bañ lơh bòl glar di añ.”

Jang 2:4

Yàng Jesu ho lah: “Ơ cau ùr, ñchi bơta gơkwă ai mơ Añ taih? Jơ Añ òhềt tus.”

Broă 16:17

Khai jat Pol mơ bol hi, hòi driau lah: “Ală cau do la dĭ gơna Yàng Tom Trồ Hơđang Rlau Jơh dê, bơto yal bol mê in bơta dong klàs.”

Jakơ 2:19

Mê dòn lah Yàng Tom Trồ mìng dô nă lơm, mê dòn behơ̆ la di; bơh cà ràk kung dòn behơ̆ mơ rơm să.

II Pier 2:4

Bơh dilah Yàng Tom Trồ ò pơlai ală cau gơnrơh neh tìs glài, mơya neh sơrbì bol khai tòm brah tìng, krơ̆ tòm tiah klam jơngo, lòi jàm tus di tơngai cahrña.

Jude 1:6

Ai ală cau gơnrơh ò prap gàr gơnoar broă bol khai dê mơya sang lòi tiah tòm bol khai dê, gen Yàng Tom Trồ neh kơt bol khai mơ che sreng gam sùm sùm tòm tiah klam jơngo jơl tus di ngai cahrña dờng.

Ală Kwang Cahrña 11:12

Gen Jepthe sồr cau kong sồr lòt tus hơ bơtau Ammôn mơ lùp lah: “Ñchi jơnau gơs digùl mê mơ añ mơ mê neh tus tòmlơh tòmdră mơ lơgar bol hi taih?”