Mathiơ 8:25 - Sră Goh 2018

²⁵ Ală cau bơtê tus pơrlai Kơnràñ mơ hòi lah: “Ơ Yàng, dan dong klàs bol hi. Bol he mòr chơt roh do!”

Mathiơ 8:25 Mawu Ofanana

II Yal Yau 14:11

Asa hòi dan mơ Jehôwa Yàng Tom Trồ khai dê lah: “Ơ Yàng Jehôwa, ò gơs bơta lơi kalke Kơnràñ in, Kơnràñ rgơi dong cau lơbơn òsô tòmdră mơ cau gơnoar pràn. Ơ Jehôwa Yàng Tom Trồ bol hi dê, dan dong kòl bol hi bơh bol hi dòn kơnòm di Kơnràñ, mơ tòm sơnđan Kơnràñ dê bol hi neh lòt tus tòmdră mơ mpồl ling gal ngan do. Ơ Yàng Jehôwa, Kơnràñ la Yàng Tom Trồ bol hi dê; ò gơs kòn mơnus lơi rgơi tòmdră mơ Kơnràñ.”

II Yal Yau 20:12

Ơ Yàng Tom Trồ bol hi dê, Kơnràñ rơp ò cahrña hơđang bol khai ơ? Bơh bol hi ò gơs gơnoar pràn nàng tòmdră mơ mpồl ling gal ngan do neh lòt tus brồ lơh bol hi. Bol hi ò git ñchi pal lơh, mơya mat bol hi tơnggòr sền di Kơnràñ.”

Đơs Crih 10:1

Ơ Yàng Jehôwa, ñchi bơh tài Kơnràñ ntào ngài taih? Ñchi bơh tài Kơnràñ pồn să tòm tŭ bòl glar taih?

Jôna 1:6

Cau at bồ ơhò tus hơ khai mơ đơs lah: “Mbe mê rgơi bic behơ̆ taih? Guh tĕ mơ hòi dan mơ yàng mê dê! Digơlan yàng rơp ai nùs kah kơlôi bơh bol he, nàng bol he ò chơt roh.”

Mathiơ 8:2

Ne, gơs dô nă cau dun tus cùn khoai Kơnràñ mơ đơs lah: “Ơ Yàng, dilah Kơnràñ kòñ, gen rgơi lơh añ in gơs goh.”

Mathiơ 8:24

Nisơna gơlik rbut dờng tòm gùl dàlềng, tian gơs ryà dà gơ glơm tòm ơhò, mơya Yàng Jesu bic lơhă.

Mathiơ 9:18

Tòm tŭ Yàng Jesu đơs ală jơnau hơ̆, gơs dô nă cau at bồ hìu jum tus, cùn khoai Kơnràñ mơ đơs lah: “Kòn ùr añ pa chơt; dan Kơnràñ tus ơn tê hơđang khai nàng khai in kis.”

Luka 8:24

Ală cau bơtê tus pơrlai Kơnràñ mơ đơs lah: “Ơ Kơnràñ, ơ Kơnràñ do bol he mòr chơt roh!” Kơnràñ kah rngal, lah pơrhơng càl mơ ryà lơnggac dàlềng, gen gơ thit mo, ring drik.