Mathiơ 8:20 - Sră Goh 2018

²⁰ Yàng Jesu đơs lah: “Pì gơs trồm, sềm gơs rsòn, mơya Kòn mơnus ò gơs tiah gòl bồ.”

Mathiơ 8:20 Mawu Ofanana

Đơs Crih 104:12

Sềm hơđang trồ rơp ơm di gah ală croh hơ̆, Gơ nrao digùl ală ntê chi.

Đơs Crih 104:17

Hơđang ală chi hơ̆ ală sềm lơh rsòn gơ dê; Klàng kò lơh tiah ơm gơ dê tòm chi nho rề.

Đơs Crih 109:22

Bơh añ dồn sa rƀah siơ̆u siar, Nùs añ kong jê sồt tòm să añ.

Đơs Crih 40:17

Ai añ do la rƀah lơòi mơ siơ̆u siar; Mơya Yàng kah kơlôi bơh añ. Kơnràñ la Bơtau dong kòl añ mơ la Bơtau dong tă añ; Ơ Yàng Tom Trồ añ jê, dan bañ lơh òbat nyà.

Đơs Crih 69:29

Mơya añ kong bòl glar mơ jê sồt; ơ Yàng Tom Trồ, Dan lòi bơta dong klàs Kơnràñ dê, cang kìng añ!

Đơs Crih 84:3

Ơ Yàng Jehôwa Gơnap Gơnoar Dờng Làm Jơh dê, la Bơtau añ jê mơ la Yàng Tom Trồ añ, Sềm rac jòi bàn dô bă tiah ơm, mơ sềm pơrbèt jòi geh dô nơm rsòn nàng deh kòn gơ, di cơnòng duh khoai Yàng dê.

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Mathiơ 12:32

Dilah cau lơi đơs tòmdră mơ Kòn mơnus gen rơp geh toh, mơya cau lơi đơs tòmdră mơ Yàng Hwềng Goh gen ò geh toh bulah tòm rài do hala tòm rài tơnơ̆.”

Mathiơ 12:40

Be Jôna neh ơm tòm kơndul ka dờng tòm pe ngai mơ pe mơnang, Kòn mơnus kung rơp ơm tòm kơnàng ù tòm pe ngai mơ pe mơnang behơ̆ sơl.

Mathiơ 12:8

Bơh Kòn mơnus la Yàng ngai Saƀat dê.”

Mathiơ 13:37

Kơnràñ ho lah: “Cau sih gar niam la Kòn Mơnus;

Mathiơ 16:13

Tŭ Yàng Jesu mut tòm kơnhwàl Sesare Philip, gen lùp ală cau bơtê lah: “Jat jơnau cau đơs gen Kòn Mơnus la ñcau taih?”

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Mathiơ 17:9

Tòm tŭ mù bơh mơnơm, Yàng Jesu bơkơŭ bol khai lah: “Bañ yal bơta gơtơnggŏ hơ̆ cau lơi in, jơl tus di tŭ Kòn Mơnus kis wơl bơh bơta chơt.”

Mathiơ 19:28

Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Jơnau Niam Jat Mak 8:38

Dilah cau lơi ƀàssìl bơh Añ mơ jơnau Añ jê digùl jơi bơtiàn rềs àr bơrnàn do, gen Kòn Mơnus kung rơp ƀàssìl bơh cau hơ̆ tòm tŭ Kơnràñ tus wơl tòm bơta gơklŏ Bèp Kơnràñ dê bal mơ ală cau gơnrơh sàng goh.”

Luka 12:8

Añ kung đơs mơ bol mê, dilah cau lơi yal tơlik Añ di đap cau, gen Kòn mơnus kung rơp yal tơlik khai di đap cau gơnrơh Yàng Tom Trồ dê sơl;

Luka 18:8

Añ đơs mơ bol mê, Kơnràñ rơp mhar cahrña song ring bol khai in. Bulah behơ̆, tòm tŭ Kòn Mơnus tus, rơp jòi bàn bơta dòn hơđang ù sơl ơ?”

Luka 2:12

Do la tềl sơnio bol mê in: Bol mê rơp gŏ dô nă oh nga klơm mơ ồi, bic tòm bòng ñhơt.”

Luka 2:16

Chòp bol khai sơrbac sơrbang lòt tus tềng hơ̆, gŏ Mari, Jôsep, mơ oh nga bic tòm bòng ñhơt.

Luka 2:7

Khai deh kòn klau tơnhoa, ai ồi klơm, mơ tơmbic tòm bòng ñhơt, bơh hìu ơpah bic ò gơs tiah bol khai in ơm.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

Luka 8:3

Jana bau ùr Cusa, la cau at bồ hìu Herôt dê, Susan, mơ oă cau ndai, la ală cau neh ngui phan mơna bol khai dê nàng duh broă Kơnràñ.

Luka 9:58

Yàng Jesu đơs lah: “Pì gơs trồm, sềm gơs rsòn, mơya Kòn Mơnus ò gơs tiah gòl bồ.”

Jang 1:51

Kơnràñ đơs tai lah: “Di ngan, Añ đơs mơ bol mê, bol mê rơp gŏ trồ gơ pò, mơ ală cau gơnrơh Yàng Tom Trồ dê guh mơ mù hơđang Kòn Mơnus.”

Jang 12:34

Mpồl làng bol đơs lah: “Bol hi neh kơno bơta boh lam đơs Bơtau Krist gam gơs sùm sùm, behơ̆ ñchi bơh tài ồng đơs lah Kòn Mơnus pal kong yồng hơđang taih? Kòn Mơnus hơ̆ la ñcau taih?”

Jang 13:31

Tòm tŭ Juda neh lik lòt rau, Yàng Jesu đơs lah: “Tòm tŭ do Kòn Mơnus geh gơklŏ, mơ Yàng Tom Trồ kung geh gơklŏ di Kòn Mơnus sơl.

Jang 3:13

Ò gơs cau lơi neh guh hơđang trồ, mìng gơs Bơtau bơh đang trồ mù, hơ̆ la Kòn Mơnus.

Jang 3:14

Be Môise yồng bơs tòm ƀlàng bràs be lơi, gen Kòn Mơnus kung pal kong yồng behơ̆ sơl,

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Jang 6:53

Yàng Jesu đơs mơ bol khai lah: “Di ngan, Añ đơs ngan mơ bol mê, dilah bol mê ò sa poac mơ ò hùc mhàm Kòn Mơnus dê, gen ò gơs bơta kis gam sùm sùm.

Jang 6:62

Behơ̆ dilah bol mê gŏ Kòn Mơnus guh hơ tiah Kơnràñ neh ơm lài òr, gen mbe bol mê rơp lơh taih?

Broă 7:56

gen đơs lah: “Ne añ gŏ ală tap trồ gơ pò mơ Kòn Mơnus ntào đah ma Yàng Tom Trồ.”

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.