Mathiơ 8:12 - Sră Goh 2018

¹² Mơya ală kòn lơgar hơ̆ dê rơp gơkòl sơrbì hơ bơdìh tòm tiah klam jơngo, tềng hơ̆ rơp gơs ñìm rac mơ rkiat sề.”

Mathiơ 8:12 Mawu Ofanana

Đơs Crih 112:10

Cau iơh bơsak gŏ bơta hơ̆ gen gơhào gơjrañ; Khai rkiat sề mơ kòl roh thit; Bơta kơp kòñ cau iơh bơsak dê rơp gơlik ò kwơ.

Esai 65:14

Ală cau duh broă Añ rơp đơs chò bơh nùs bềng bơta chò hòp, mơya bol mê rơp ñìm rac bơh nùs moat jrùng, rac ròc bơh hwềng nùs sràt bơtang.

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Mathiơ 13:42

gen sơrbì tòm brong ồs, tềng hơ̆ gơs bơta ñìm rac mơ rkiat sề.

Mathiơ 13:50

gen sơrbì bol iơh bơsak hơ̆ tòm brong ồs; tềng hơ̆ gơs bơta ñìm rac mơ rkiat sề.”

Mathiơ 21:43

Tài behơ̆ Añ đơs mơ bol mê, lơgar Yàng Tom Trồ rơp tă bơh di bol mê mơ jào dô nơm làng bol rơp lơh gơlik plai lơgar hơ̆ in.

Mathiơ 24:51

Cau tòm rơp pù tac poac khai mơ tơmut khai bal mơ cau ma blac. Tềng hơ̆ rơp gơs ñìm rac mơ rkiat sề.”

Mathiơ 25:30

Ai cau dĭ ò kwơ do, sơrbì tĕ khai hơ bơdìh tòm tiah klam jơngo, tềng hơ̆ rơp gơs ñìm rac mơ rkiat sề.’”

Luka 13:28

Tŭ hơ̆, bol mê gŏ Abraham, Isak mơ Jakôp bal mơ jơh ală cau gơnoar hwơr ơm tòm lơgar Yàng Tom Trồ, ai bol mê gen kong sang sơrbì hơ bơdìh; gen bol mê rơp ñìm rac mơ rkiat sề.

Broă 3:25

Ală oh mi la kòn sau ală cau gơnoar hwơr dê, mơ bơta ho bal Yàng Tom Trồ dê neh bơtào gơs mơ ală ồng pàng oh mi dê tòm tŭ Kơnràñ đơs mơ Abraham lah: ‘Jơh ală làng bol tòm làm ù rơp geh lơngai kơnòm di jơi bơtiàn mê dê.’

Rôma 9:4

hơ̆ la làng bol Israel; bơta geh kòp la kòn, bơta gơklŏ, ală jơnau ho bal, bơta boh lam, bơta duh khoai song ngan, mơ ală jơnau ho pơgon Yàng Tom Trồ gơrê hơ bol khai;

II Pier 2:17

Ală cau hơ̆ kung be ală croh ò gơs dà, be dà tŭ kòl càl dờng khồm pơrdô; bơta klam jơngo cik la bơta neh rcang lòi bol khai in.

II Pier 2:4

Bơh dilah Yàng Tom Trồ ò pơlai ală cau gơnrơh neh tìs glài, mơya neh sơrbì bol khai tòm brah tìng, krơ̆ tòm tiah klam jơngo, lòi jàm tus di tơngai cahrña.

Jude 1:13

Bol khai la ryà dàlềng lơnggac dờng ngan, kơmbuh bơta ƀàssìl ƀàsso bol khai dê; bol khai kung be ală sơmañ lòt gơlềng gơlàng, mơ bơta klam jơngo cik neh geh prap lòi sùm sùm bol khai in.

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.

I Samuel 2:9

Kơnràñ rơp sền gàr jơng ală cau sàng goh Kơnràñ dê; mơya ală cau iơh bơsak rơp gơkòl tơnroh tòm klam jơngo; hơ̆ ò di bơh bơta pràn kơldang mơ cau geh pha lin rlau.