Mathiơ 7:15 - Sră Goh 2018

¹⁵ “Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Mathiơ 7:15 Mawu Ofanana

I Ală Bơtau 13:18

Gen cau hơ̆ đơs tai lah: “Añ kung la dô nă cau gơnoar hwơr be mê, mơ cau gơnrơh Yàng Jehôwa dê neh đơs mơ añ lah: ‘Cèng tĕ khai mut tòm hìu bal mơ mê, nàng khai in sa ƀañ mơ hùc dà.’” Mơya cau hơ̆ đơs pơrlồm khai.

Jeremi 29:21

“Yàng Jehôwa Gơnap Gơnoar, Yàng Tom Trồ Israel dê, đơs be do bơh Ahap, kòn klau Kôlayah, mơ Jedekia, kòn klau Maaseyah, la ală cau ai sơnđan Añ đơs hwơr ma blac: ‘Añ rơp phi bol khai tòm tê Nebukatnessar, bơtau Babilôn, khai rơp tơnchơt bol khai di đap mat bol mê.’

Jeremi 29:32

gen tàng Yàng Jehôwa đơs be do: ‘Añ rơp lơh glài Semaya, cau Nehelam, mơ jơi bơtiàn khai. Bơh jơi bơtiàn khai, khai rơp ò gơs cau lơi ơm digùl làng bol do gŏ bơta niam Añ rơp lơh làng bol Añ in, bơh khai neh đơs bơta tòmdră mơ Yàng Jehôwa,’” Yàng Jehôwa đơs behơ̆.

Ejekiel 13:16

hơ̆ la ală cau gơnoar hwơr Israel dê neh đơs hwơr mơ Jerusalem, sền ală bơta gơtơnggŏ ring lơngai gơ in tòm tŭ ò gơs ring lơngai, Jehôwa Yàng Tom Trồ đơs behơ̆.”’

Ejekiel 13:22

Tài bơh bol ai neh ai bơta đơs blac lơh gơplơ̆ nùs cau song ring tòm tŭ Añ ò lơh bol khai in moat jrùng, mơ tài bơh bol ai chồl nùs cau iơh bơsak nàng bol khai ò rê wơl bơh di ală gùng iơh bol khai dê tồ dong klàs bơta kis bol khai dê,

Ejekiel 22:25

Ală cau gơnoar hwơr gơ dê neh bơyai bơtào kai gơrmơ̆i kung be klìu triă ơluh ơhùm kap crè phan kup geh gơ dê; bol khai crè sa làng bol, tòmpìt ai ală đam jàr mơ ală phan màng, lơh gơlik gơs oă cau ùr bơnrau tòm gơ.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Daniel 11:34

Tòm tŭ bol khai kong behơ̆, bol khai rơp geh dong kòl dô êt: mơ oă cau rơp lơh gơs dô bă bal mơ bol khai dô bă ma blac.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Sacari 13:4

Tòm ngai hơ̆, kòp nă cau gơnoar hwơr rơp ƀàssìl bơh bơta gơtơnggŏ đơs hwơr khai dê; khai rơp ò soh ồi ào mơ sơnò be cau gơnoar hwơr nàng pơrlồm cau tai.

Mathiơ 10:17

Kơrhia tĕ dê cau, bơh bol khai rơp bơtào bol mê di đap Mpồl Kwang Tơrña, mơ pù lơh bol mê tòm ală hìu jum.

Mathiơ 16:11

Mbe bol mê ò git wă lah ò di bơh piang lă mơ Añ đơs hơ̆ ơ? Mơya Añ đơs kơrhia tĕ bơh kañ cau Pharisi mơ cau Saduse dê.”

Mathiơ 16:6

Yàng Jesu đơs mơ bol khai lah: “Kơrhia tĕ mơ kơrmap gàr să he bơh kañ cau Pharisi mơ cau Saduse dê.”

Mathiơ 24:11

Oă cau gơnoar hwơr ma blac rơp tơlik să mơ pơrlồm oă cau.

Mathiơ 7:14

Ai mpồng wềt mơ gùng hat lam tus hơ bơta kis, mơ dô êt cau jòi geh.”

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 6:26

Bòl glar ngan bol mê in, tòm tŭ tơl nă cau đơs niam bơh bol mê! Bơh ồng pàng bol khai kung lơh behơ̆ sơl gơwèt mơ ală cau gơnoar hwơr ma blac.”

Jang 10:12

Cau ê ơpah ò di la cau ê; belàt ò bal mơ khai, gen tàng tŭ gŏ so rhau tus, gen khai sang belàt mơ dô. So rhau kap belàt mơ lơh gơprah gơpring jơh.

Broă 13:40

Gen tàng kơrhia tĕ, bañ lòi gơkòl tòm ală bơta ală cau gơnoar hwơr neh đơs:

Broă 13:6

Tòm tŭ lòt làm bồt pơlào tus tơn hơ Paphô, tềng hơ̆ bol khai tìp dô nă cau bơjơu la cau gơnoar hwơr ma blac cau Juda dê, sơnđan la Bar Jesu;

Galati 2:4

Bol hi neh lơh behơ̆ la tài bơh ală cau ma blac ne mut òm tòm mpồl bol hi, nàng sền òm bơta khat gơboh bol hi geh tòm Yàng Krist Jesu, bol khai kòñ kup bol hi nàng lơh dĭ.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Ephesô 5:6

Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Philip 3:2

Kơrhia tĕ di ală so, kơrhia tĕ di ală cau lơh broă iơh bơsak, kơrhia tĕ di bơta siat gơltau ma blac.

Kôlôse 2:8

Kơrhia tĕ, rngòt gơs cau lơi ai bơta jak chài dunnia dê mơ jơnau pơrlồm roh lơm, jat jơnau òs yau kòn mơnus dê, jat bơta ƀă liă dunnia dê, ò di jat Bơtau Krist.

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

II Timôthe 4:3

Bơh tŭ tơngai rơp tus mơ cau ò bài iat bơta bơto sồr jơnau song; mơya bơh bol khai kòñ iat jơnau bơkah tồr, gen rơp jat nùs hàm kòñ is he dê mơ pơjum ală cau bơto ơm gùt dar he,

II Pier 3:17

Behơ̆, ơ ală cau kòñ gơboh, bơh oh mi neh git lài ală bơta hơ̆, gen pal kơrhia tĕ, rngòt oh mi kòl hwài tơlik bal mơ bơta tìs nrah ală cau iơh bơsak hơ̆ dê, mơ lơh roh bơta kơ̆ cê is oh mi dê.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Jude 1:4

Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.

Yal Tơlik 16:13

Mơ añ gŏ pe nơm hwềng cà gơlơh rùp be kit mơ lik bơh di bơr nagrài, bơh di bơr phan poan jơng mơ bơh di bơr cau gơnoar hwơr ma blac.

Yal Tơlik 17:6

Añ gŏ cau ùr hơ̆ bơñul bơh mhàm ală cau sàng goh mơ mhàm ală cau chơt tài bơh bơta lơh cơng bơh Yàng Jesu. Dơ̆ añ gŏ cau ùr hơ̆ gen añ ai lơh krơi ngan.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.

Yal Tơlik 20:10

Ai cà ràk la cau neh pơrlồm bol khai gen kong sơrbì tòm brong ồs hơng mơ siau; tềng hơ̆ neh gơs phan poan jơng mơ cau gơnoar hwơr ma blac rau. Bol khai rơp kong jê sồt bòl glar ngai mơ mang jơl sùm sùm ò lồi.