Mathiơ 7:13 - Sră Goh 2018

¹³ “Mut tĕ mpồng wềt, bơh mpồng ơnàng mơ gùng dờng lam tus hơ bơta roh rui, mơ oă cau mut tềng hơ̆.

Mathiơ 7:13 Mawu Ofanana

Sơnròp Gơlik Gơs 6:12

Mơ Yàng Tom Trồ sền lơgar dunnia, gŏ bơta ngkòr ngkàc tài bơh jơh ală poac să lơh ngkòr ngkàc gùng he tòm ù.

Sơnròp Gơlik Gơs 6:5

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

Jơnau Pơnđik 16:25

Gơs dô nơm gùng sền gơlơh be di pal jơi kòn mơnus in; Mơya lồi dut gơ la gùng tus hơ bơta chơt.

Jơnau Pơnđik 7:27

Hìu khai la gùng lòt brah tìng dê, Lam tus di ală ơdŭ bơta chơt.

Jơnau Pơnđik 9:6

Pal sang tĕ bơta bơrngơl gơla, gen rơp geh bơta kis; Lòt jat tĕ gùng àng loh.”

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Mathiơ 3:8

Gơlik tĕ plai di pal mơ bơta gơjrañ sang glài.

Mathiơ 7:14

Ai mpồng wềt mơ gùng hat lam tus hơ bơta kis, mơ dô êt cau jòi geh.”

Luka 14:33

Kung behơ̆ sơl, dilah cau lơi tòm bol mê ò sang lòi jơh ală bơta he gơs, gen ò rgơi lơh gơs cau bơtê Añ jê.

Luka 9:33

Dơ̆ bàr nă cau hơ̆ guh rê bơh di Yàng Jesu, gen Pier đơs mơ Kơnràñ lah: “Ơ Kơnràñ, bol he ơm tềng do la niam ngan. Lòi bol hi lơh pe nơm sàl, dô nơm Kơnràñ in, dô nơm Môise in, mơ dô nơm Eli in.” Mơya khai ò git khai đơs jơnau lơi.

Jang 10:9

Añ la mpồng: Dilah cau lơi bơh Añ mơ mut, gen rơp geh dong klàs. Bol khai rơp mut lik mơ bàn ƀlàng ñhơt.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Rôma 9:22

Yàng Tom Trồ kòñ sơnio bơta gơjrañ dờng mơ yal tơlik gơnap gơnoar Kơnràñ dê, gen neh ai oă bơta kong ơt mơ kong di ală cau pal gơjrañ neh prap lòi bơta roh rui in.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.

Philip 3:19

Bơta lồi dut bol khai dê la bơta roh rui, yàng bol khai dê la kơndul, bơta gơklŏ bol khai dê hơ̆ la bơta ƀàssìl ƀàsso bol khai dê, bol khai mìng kơlôi bơh broă dunnia dê lơm.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 20:15

Dilah cau lơi ò geh cih sơnđan mat tòm sră bơta kis gen kong sơrbì tòm brong ồs hơ̆ sơl.

Yal Tơlik 20:3

Mơ sơrbì gơtòm brong jrô hùt hung, til mpồng, mơ tap ƀang kì, tồ gơ in ò geh lòt pơrlồm ală làng bol tai, jơl tus di dô rbô nam neh lồi rau. Tơnơ̆ mơ hơ̆ pal hồ gơtòm dô êt jŏ.