Mathiơ 7:12 - Sră Goh 2018

¹² Behơ̆ bơta lơi mê kòñ cau lơh he in, gen lơh tĕ bơta hơ̆ bol khai in, bơh hơ̆ la tơnggume bơta boh lam mơ jơnau gơnoar hwơr dê.”

Mathiơ 7:12 Mawu Ofanana

Ejekiel 18:21

Mơya dilah cau iơh bơsak pơrlac sang jơh ală tồi glài khai neh tìs, prap gàr jơh ală jơnau sồr Añ jê, mơ lơh bơta song mơ di, gen ngan la khai rơp kis, khai rơp ò chơt ò.

Lebi 19:18

Bañ jòi jat bơta sal tê hala prap tòm nùs bơta gơjrañ mañ tòmdră mơ dô nă cau tòm làng bol mê dê, mơya kòñ gơboh tĕ cau gơp ƀòn mê dê be să tòm mê. Añ la Yàng Jehôwa.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 5:17

“Bañ tồnlah Añ tus nàng lơh roh bơta boh lam hala jơnau gơnoar hwơr; Añ tus ò di nàng lơh roh ò, mơya nàng lơh wil tơl.

Luka 6:31

Bol mê kòñ cau lơh bol mê in be lơi, gen kung lơh tĕ bol khai in behơ̆ sơl.

I Timôthe 1:5

Tơnggume bơta bơto kràñ cê hơ̆ la bơta kòñ gơboh bơh nùs sàng goh, nùs tồr niam mơ bơta dòn song ngan.

Jakơ 2:8

Dilah oh mi lơh jat wil tơl bơta boh lam dờng màng, jat be jơnau Sră Goh cih lah: “Mê kòñ gơboh tĕ di cau gơp ƀòn he be he,” gen oh mi lơh di ngan.