Mathiơ 7:11 - Sră Goh 2018

¹¹ Behơ̆ dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ, ò ai phan niam ală cau in dan mơ Kơnràñ ò ơ?

Mathiơ 7:11 Mawu Ofanana

Sơnròp Gơlik Gơs 6:5

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

II Samuel 7:19

Bulah behơ̆, hơ̆ la dô bơta dềt rhền di đap mat Yàng; khoai Jehôwa Yàng Tom Trồ, Yàng kung neh đơs bơh hìu cau duh broă Yàng dê bơh ală ngai jŏ jòng rơp tus. Khoai Jehôwa Yàng Tom Trồ, dan jơnau bơto sồr do gơlik gơs làng bol in.

Sră Jop 15:16

Tơ ài lah dô nă cau la ngkòr ngkàc mơ jak sa loă, La cau hùc bơta tồi glài iơh bơsak be hùc dà!

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Đơs Crih 85:12

Ngan Yàng Jehôwa rơp ai ală phan niam, Mơ lơgar bol he dê rơp gơlik gơs cồng nha.

Đơs Crih 86:15

Mơya, ơ Yàng, Kơnràñ la Yàng Tom Trồ gơs nùs kòñ nđàc mơ ai bơta nđàc, Òbat gơjrañ, gơs bơta dòn song mơ bơta kòñ gơboh kơ̆ dơn tơngkah tơngkañ.

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Esai 49:15

“Dô nă mè rgơi hŭi kòn ơm pô toh khai dê, mơ ò gơs nùs kòñ nđàc di kòn dềt khai neh deh sơl ơ? Bulah digơlan khai hŭi, mơya Añ rơp ò tŭ lơi hŭi mê ò!

Esai 63:7

Añ rơp yal bơh bơta lơbơn niam Yàng Jehôwa dê, bơta jòng ro bơh broă lơh dờng màng Yàng Jehôwa dê, tài bơh jơh ală broă Kơnràñ neh lơh bol he in mơ bơta nđàc dờng mơ Kơnràñ neh ràng tơlik gơwèt mơ hìu Israel jat bơta nđàc sơngit Kơnràñ dê, jat bơta tơngkah tơngkañ nùs kòñ gơboh kơ̆ dơn Kơnràñ dê.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 33:14

Yàng Jehôwa đơs tai: ‘Ală ngai nền cê ngan rơp tus, tŭ hơ̆ Añ rơp lơh wil tơl jơnau Añ neh ho mơ hìu Israel mơ hìu Juda.

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Mathiơ 23:9

Kung bañ sơnđan cau lơi tòm ù la bèp, bơh bol mê gơs mìng dô nă Bèp la Bơtau ơm hơđang trồ.

Mathiơ 7:10

Hala dilah kòn dan ka mơ ai bơs khai in ơ?

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

Rôma 3:9

Behơ̆ gen mbe lơh taih? Ñchi bơta bol he gơs niam rlau mơ bol khai taih? Ò gơs, bơh bol he neh lơh cơng nền lah cau Juda mơ cau Grek ơm hơđơm gơnoar tồi glài dê lơm,

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

Galati 3:22

Mơya Sră Goh neh kòp jơh dunnia la ơm tòm gơnoar tồi glài dê, tồ bơta neh ho pơgon rơp geh ai gòi ală cau dòn in bơh bơta dòn tòm Yàng Jesu Krist.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

I Jang 3:1

Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.

I Jang 4:10

Bơta kòñ gơboh hơ̆ la be do: Ò di la bol he neh kòñ gơboh di Yàng Tom Trồ, mơya Kơnràñ neh kòñ gơboh di bol he, mơ sồr Kòn Kơnràñ dê lòt tus nàng lơh gơs phan ơn tơwài glài tài bơh tồi glài bol he dê.