Mathiơ 6:9 - Sră Goh 2018

⁹ Behơ̆ bol mê hòi dan tĕ be do: ‘Khoai Bèp bol hi ơm hơđang trồ; sơnđan Bèp gơs sàng goh;

Mathiơ 6:9 Mawu Ofanana

II Samuel 7:26

Tồ sơnđan Yàng geh jòng ro gam sùm sùm, tòm jơnau cau đơs lah: ‘Yàng Jehôwa Bơtau Hơđang Rlau Jơh la Yàng Tom Trồ hơđang Israel!’ Mơ hìu cau duh broă Yàng dê la Dabit rơp geh bơtào kơ̆ di đap Yàng!

I Ală Bơtau 8:43

gen dan Yàng hơđang trồ la tiah Yàng ơm, iat tĕ mơ lơh jat ală bơta cau nac crih rơp hòi dan mơ Yàng; nàng jơh ală làng bol tòm dunnia, đal git sơnđan Yàng, duh rngòt Yàng, tòm toh be làng bol Israel Kơnràñ dê, mơ nàng bol khai rgơi git hơ̆ la sơnđan Yàng geh hòi dan tòm hìu duh khoai do mơ añ neh bơt bơtào.

I Yal Yau 17:24

tồ gơ geh bơtào kơ̆ mơ nàng sơnđan Kơnràñ dê rơp gơlik gơs dờng gam sùm sùm. Gen cau rgơi đơs lah: ‘Yàng Tom Trồ Gơnap Gơnoar Rlau Jơh la Yàng Tom Trồ hơđang Israel la Yàng Tom Trồ Israel dê!’ Mơ hìu cau duh broă Kơnràñ dê la Dabit rơp geh bơtào kơ̆ di đap Kơnràñ.

II Yal Yau 20:6

mơ đơs lah: “Ơ Yàng Jehôwa la Yàng Tom Trồ ală ồng pàng bol hi dê, Kơnràñ ò di la Yàng Tom Trồ ơm hơđang trồ ơ? Kơnràñ ò di at bồ hơđang jơh ală lơgar ală làng bol ò ơ? Tòm tê Kơnràñ gơs gơnap gơnoar mơ gơnoar pràn, gen tàng ò gơs cau lơi rgơi ntào jai di đap Kơnràñ.

Nehemi 9:5

Gen ală cau Lebi la Jesua, Katmiel, Bani, Hasapneiah, Serebiah, Hôdiah, Sebaniah, mơ Pethahiah đơs lah: “Ntào tĕ, jòng ro Jehôwa Yàng Tom Trồ bol mê dê, la bơtau gam sùm kòp rài. Pal jòng ro sơnđan gơklŏ Kơnràñ dê, sơnđan hơ̆ geh yò tơngguh jơnhoa rlau mơ jơh ală bơta lơngai, mơ jòng ro.”

Đơs Crih 111:9

Yàng neh sồr bơta dong tơwài làng bol Kơnràñ dê, Neh sồr bơtào bơta ho bal Kơnràñ dê jơl tus sùm sùm. Sơnđan Kơnràñ la sàng goh mơ pal rngòt ngan!

Đơs Crih 115:3

Yàng Tom Trồ bol hi dê ơm hơđang ală tap trồ; Kơnràñ lơh bơta lơi di nùs Kơnràñ.

Đơs Crih 72:18

Pal jòng ro Yàng Jehôwa la Yàng Tom Trồ Israel dê, mìng dô nă Kơnràñ lơm lơh ală broă crih crài.

Esai 37:20

Tŭ do, khoai Jehôwa Yàng Tom Trồ bol hi dê, dan dong tă bol hi klàs bơh di tê khai dê, tồ jơh ală lơgar tòm plai ù rơp git mìng dô nă Kơnràñ lơm, khoai Yàng Jehôwa, la Yàng Tom Trồ.”

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 6:3

Ală seraphim đơs tòmho bal lah: “Sàng goh, sàng goh, sàng goh la Yàng Jehôwa Gơnap Gơnoar Dờng; Làm jơh plai ù bềng lìu bơta gơklŏ Kơnràñ dê.”

Esai 63:16

Bơh Kơnràñ la Bèp bol hi dê, bulah Abraham ò git bol hi, Israel ò đal git bol hi; Ơ Yàng Jehôwa, Kơnràñ la Bèp bol hi dê, Sơnđan Kơnràñ la Bơtau Dong Tơwài bol hi dê bơh yau òr.

Esai 64:8

Bulah behơ̆, Ơ Yàng Jehôwa, Kơnràñ la Bèp bol hi dê! Bol hi la ù kơnàng, Kơnràñ la Cau Tòm mòn gri; bol hi jơh tơl nă la broă tê Kơnràñ lơh.

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Ejekiel 36:23

Añ rơp lơh sàng goh sơnđan dờng Añ jê, la sơnđan neh gơkòl cau sền òsơp digùl ală làng bol, sơnđan mơ bol mê neh lơh cau sền òsơp digùl bol khai. Gen ală làng bol rơp git Añ la Yàng Jehôwa tòm tŭ añ bơh bol mê mơ ràng tơlik bơta sàng goh Añ jê di đap bol khai, Jehôwa Yàng Tom Trồ đơs behơ̆.

Ejekiel 38:23

Behơ̆, Añ rơp ràng tơlik bơta dờng ngan mơ bơta sàng goh Añ jê, mơ Añ rơp tơnggit să tòm Añ di đap mat oă lơgar. Gen bol khai rơp git Añ la Yàng Jehôwa.’”

Lebi 10:3

Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Habakuk 2:14

Mơya ù tiah rơp geh bềng lìu bơh bơta git wă bơta gơklŏ Yàng Jehôwa dê, kung be ală dà bềng lìu dàlềng behơ̆ sơl.

Sacari 14:9

Yàng Jehôwa rơp lơh gơs bơtau at bồ jơh plai ù. Tòm ngai hơ̆ rơp gơs mìng dô Bơtau la Yàng Jehôwa lơm, mơ sơnđan Kơnràñ la sơnđan mìng dô sơnđan lơm.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Mathiơ 10:29

Bàr nơm rac ò di òs tac dô su ơ? Bulah behơ̆, ò gơs dô nơm lơi rung tòm ù dilah ò bơh nùs kòñ Bèp bol mê dê.

Mathiơ 23:9

Kung bañ sơnđan cau lơi tòm ù la bèp, bơh bol mê gơs mìng dô nă Bèp la Bơtau ơm hơđang trồ.

Mathiơ 26:29

Mơya Añ đơs mơ bol mê, bơh do jơl hìng nau Añ ò hùc dà plai ño tai, jơl tus di ngai Añ rơp hùc dà plai ño pa bal mơ bol mê tòm lơgar Bèp Añ jê.

Mathiơ 26:42

Kơnràñ lòt dơ̆ bàr tai mơ hòi dan lah: “Ơ Bèp, dilah mơngàn do ò rgơi klàs bơh di Kòn, mơ Kòn pal hùc, gen dan nùs kòñ Bèp gơs di.”

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Mathiơ 6:14

Bơh dilah bol mê toh bơta tìs glài cau in, gen Bèp bol mê hơđang trồ kung rơp toh bol mê in sơl.

Mathiơ 6:6

Mơya tòm tŭ mê hòi dan, mut tĕ tòm ơdŭ, til mpồng, gen hòi dan mơ Bèp mê la Bơtau ơm tòm tiah ndơp ndơr; mơ Bèp mê la Bơtau gŏ tòm tiah ndơp ndơr, rơp ai wơl mê in.

Mathiơ 7:11

Behơ̆ dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ, ò ai phan niam ală cau in dan mơ Kơnràñ ò ơ?

Luka 15:18

Añ rơp ntào rê wơl hơ hìu bèp, mơ đơs lah: Ơ bèp, añ neh tìs glài mơ Yàng Tom Trồ mơ bèp,

Luka 15:21

Kòn đơs mơ bèp lah: ‘Ơ bèp, añ neh tìs glài mơ Yàng Tom Trồ mơ bèp, ò di pal sơnđan la kòn bèp dê tai.’

Luka 2:14

“Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.”

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

Galati 1:1

Pol, geh hòi sac lơh gơs cau gơnoar bơto dờng, ò di bơh jơi kòn mơnus, kung ò bơh dô nă cau lơi, mơya bơh Yàng Jesu Krist mơ Yàng Tom Trồ la Bèp, hơ̆ la Bơtau neh lơh Kơnràñ in kis wơl bơh bơta chơt.

Galati 4:6

Bơh oh mi la kòn klau kòn ùr Kơnràñ dê, gen tàng Yàng Tom Trồ neh ai Hwềng Kòn Kơnràñ dê mut tòm nùs bol he mơ đơs lah: “Aba! Bèp!”

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”

Yal Tơlik 5:12

Bol khai đơs bal dô jơnau dờng lah: “Belàt Kòn neh kong sreh chơt la Bơtau di pal dòp geh gơnap gơnoar, bơta pas sơm, bơta jak chài, gơnoar pràn, bơta ryŭ ryơm, bơta gơklŏ mơ bơta jòng ro”